عتيق

حين اتوفى ستدخلون هنا لتقرأو ماكتبت فإن وجدتم مايؤجرني انشروه وأن وجدتم مايؤثمني فاتركوه .

طويت السنين وخاطري ذا السنه يادوب وانا الشاطر اللي غلطته .. غلطة الشاطر كثر ما سرح قلبي بحلمٍ ماهو مكتوب كثر ما تعدته الليالي .. وهو ناطر ماعاد احتمل زلة رفيق وخطا محبوب ولا افرح لغيم .. ولا اتشفّق على ماطر ماغير اتسلى بالهجيني ، وبالمسحوب عسى فالقصايد ما يفرّج على الخاطر

طوتك السنين الجرد يالشارع المهجور حتيت الشجر ماحط لك بالخُطى معبر يعلّمك عن طول إنتظاري ظلال السور لا مر الحنين بشارعك والضجيج أدبر الأعبر من غيابك حضورك بدون شعور تخيّل يكون حضورك من الغياب أعبر معك هقوتي مثل الصور في رفوف الدور تمـر السنين بعمرها بس ما تكبر ..

كثر ما كنت أخاف المفارق صرت أشوفه خير مثل ما كنت أخاف من البحر قبل اطلق شراعي غديت أودّع المقفي ولا أحب أسمع التبرير أشوف إن التفاصيل الكثيرة ما لها داعي فـ أنا يا اللي تظن إني بدونك ما أحسن التدبير هجرتك وأشتعل نور الحياة و زانت اوضاعي

عن شحيحات الموارد فجوج الله وساع لا تلوم نظاف الأيدي مع من لامها كل ما جينا نصافح ، نصافح باندفاع مشكلتنا نعطي الناس فوق احجامها كم صنعنا من جميل مع العالم و ضاع وكم تغير طعمها يوم كف اطعامها من كثر ما نكرم الوجه ويطيح القناع كل «هقوة طيب» صرنا نشدّ حزامها

تعابير الوجيه الصامته تستنطق اللمّاح عيونك صارحتني في كلامٍ قد تحقّقته ما تحملْه المشاعر في الخفا تشعر به الارواح وانا احساسي ماهوب يخونني لا قال صدّقته تغانمني ترى ما عاد باقي لي كثر ما راح ذبل غصنٍ رطيب وجف ماه وحتّت اورقته على كيفك تبي تشقى معي والا تبي ترتاح انا حلمٍ لغيرك ما تحقق في ملاحَقته ترى وجيه الليالي وانت داري شاحبه وشحاح كم اغتالت لها ضحكه ويا كم شمل فرّقته هقيتك تعتذر وتجي تراضيني وانا دمّاح يا زين العذر لا من جاء من الغالين في وقته ولا أكبر من ضياع الهقوه وقدر الكبير ان طاح سوى اللي ما هقيت آفارقه يا لين فارقته من يقفّي لا يرجي من وراي استعطفه بـ إلحاح من يقفّي يقفّي والسلامه في مرافقته على ذكرىً تزايفها الهبوب وسافية الارياح سلام السامح اللي معتق جروحه ومعتقته ما عاد يشوقني ضوح المزون وبرقها اللوّاح لو انه باقيٍ في خاطري حلمٍ ما حققته

مساء الخير واما بعد ما فـ الفجوج فجوج تنسي .. كثر ماهي تنسيني عيونك متى ادوج فـ رحاب المحاجر تعبت ادوج رحابٍ مافيها من جمالك .. ومن لونك حبيبي .. ليا صادفتني بالدروب العوج قل مْن الكلام اللي تبي غير وشلونك لارجتني الدنيا .. ماقالو لي المرجوج وانا فيني من الحزن ما ياسع بـ كونك ليا جادك الغيث ولفت طرفك المدعوج تذكر كريمٍ جاد فـ العمر من دونك سهجت الفواد اللي قبل ماهو بـ مسهوج وغيرك ماهموني .. اجل لا يهمونك تمادا علي واسرف وباب العتب مزلوج يخلونك تسوي كذا .. مايخلونك فدا وجهك اللي بالدلع والخجل ممزوج وجيهٍ لاشافو دمعتك ما يراضونك جديلك .. من اجمل ليله تمرنا منسوج ياحلو السهر فـ الليله اللي على متونك تروح السنين ايام يالفارع العمهوج ليا من لقيتك .. قبل ما الناس يلقونك

يابدايات الطريق اللي .. نهاياته مخيفه ابتدينا بالسعاده ، وانتهينا بالحسوفه اول الرحله عيوني من غثا الدنيا كفيفه واخر الرحله ، جروحً داميه تبغا مروفه صابني قو انعزال ، وصابني روعه وخيفه وددنا ندله وننسا .. مير ياصعب النكوفه كانت كبار الخطايا من غلا اهلها ، خفيفه واثر قلبي شاف شيً قبل ماعيني تشوفه اتركوني لا سريت وشانت النفس العفيفه اتركوني في دروبً .. مبهمه غير معروفه من يمر بحالتي .. حتى ترا ثوبه يعيفه لا لقى للضيق حل ولاقدر يشكي ظروفه مابقى شي يقال ولا .. بقى شيٍ نضيفه غير كلمه من معيف عاش ماحصل شفوقه انتهينا ياوليفً ماعرف قيمة وليفه بطلب الخيره ياقصة حب ماهيب مخلوفه

ضاعت ورا جِيدك سنين، ومداهيل واِحتلت، لكن الظمأ فيك، جَنّة أعْرِف طرِيقك بيْن معنى، وتأوِيْل ما صدَّت.. عيون المعاذيْر عنّه أنا أتفدَّى الدار، والحِلّ، والخيْل ومرابط جدودك.. وبِيْض الأسنَّة رمشٍ سكن طارف تقاسِيْمه الليل كيف يتسرب مطلع الفجر منَّه؟

يدور الزمان ويختبرنا بدون إنذار وتبين الفوارق فالرجال ومعادنها أحد خالقه ربي مثل كرسي الطيار لـ حلت مواقيف الشدايد طلع منها وأحدً خالقه ربي مثل شغلة المنظار يدقق على حاجات ما أحدً درى عنها وأنا عكس خلق الله مثل حالة البحار لا طاح المطر ضيق على النفس وأحزنها رياجيل ندفنها وتبقى طوال أعمار ورياجيل ماندريبها لين ندفنها بعضهم على المنصب يجمل وياطى الحار ليا قال كلمة للرياجيل برهنها وبعضهم مثل حاكم تحت سلطة استعمار على العرش لاكنه لا يأمر ولا ينهى ولقيت الجمايل ردها مثل رد الثار لا صارت من اللي كل فتره يبينها وخذيت السواد اللي يجي فالقمر معيار تشين الوجيه وفعلها اللي يزينها وترى خوة الصالح مثل خوة التجار لاحبوك دلوك اسهل الطرق واحسنها وترى الجاهل اللي ضاع في لفت الدوار يشوف المخارج واضحه ما تماكنها لاقلت الطريق يمين قال الطريق يسار لا روّح من ايسرها ولا افلح مع أيمنها أساير زماني مثل دكتور وسط شهار أسولف لـ عاقلها و أجامل مجننها لاشفت الطيور اللي لامخلب ولا منقار شكرت الغصون اللي من الخوف تمنها ولاشفت الشعوب اللي بعضها يعبد النار ذكرت الضعوف اللي تودد لهاينها تقول العرب صدق عيونك قبل تحتار وأقول الحقيقه وجهها غير باطنها أصدق كلام اللي يقول النجّوم كبار وأكذب كلام اللي عيوني تعاينها ماكل ارتفاع يدل دايم على مقدار تعلا النسور وجيفة الارض موطنها

كل احتمالات اللقاء مستحيله حاولت اشوفك مثل ما انتي تشوفين اثر الليالي فالمحبه بخيله حاولت في كل الطرق ، عيت تزين كنت انتظر هذا اللقاء كل ليله حرام نتحمل فعل حظنا الشين فيني وله عيا خفوقي / يشيله وعندي كلام وعندي لحضنك يدين دموعك ان طاحت تراها ثقيله لو كان ينبت من وراها بساتين لو قلت احبك طول عمري قليله حبك هو اصدق شي فيني و تدرين ان الليالي البارده والجميله راحت مع اكتوبر ثلاثه وعشرين

نهبك الليل يا قلبي وجيتك تارك الجلاس ترا سود الليالي ماهي بتاتي على شفي معاك اطوي جراهيد الصحاري واشرب النسناس ولا اني عن مشاويرك لو انها تطول متخفي ( واغني بيت ابو ليلى واغني بيت ابو نواس ) ( ليا مني تذكرت المليحه عايشه بضفي ) انا من قدي ان شفت العجب في قدها المياس ترى وان مت في يدها ما شفت ان موتي يكفي رفيقي قبل لا تشره ترا ماني عديم احساس قبل لا تمد كفك لي امد ان طحت لك كفي بعد لو اقف لحالي وقدمي يزمرون الناس يكفيني ليا منك فلكت سلاحك بصفي

تفاصيل المساري ليه ترسم للدروب أشباه على جدرانها كن الحنين يحرك الماضي ذكرك الوقت : يا هم هقيت بغيبتي أنساه وأنا عن سيرة العشاق لي عامين .. متغاضي سقط دمع الحنين .. ولا لقى منهو يكف بكاه وعيون الوصل تسهر ليلها ، لكن على الفاضي ترا أحيان الغياب المر ، أقسى منها " ذكراه " يا عشاق السهر : من طولت الغيبات يعتاضي حزن منك الغياب ولا لقى بيد الوصال دواه عسى ما هو حصل في غيبتك تكفير للماضي

تحاليت الجفا و اسرفت فالترحال و انا صديت بعدك عن وجيه الكل تشوف اني من الماضي و انا لا زال اشوف انك عمر كامل و اشوفك خل بعد ما كان لي صدرك ذرى وظلال ادور في متاهات العمر عن ظل ما خفت من الفراق وسيفه القتال اخاف اني لا دورتك ما عاد ادل فديتك مثل ما يفداك ضيق البال ليا من صار عندك حل عطني حل اسوق الرجل واوقف على الأطلال وأعود والمحاجر من دموعي فل ترى منهو يعذرب دمعة الرجال على إنسانيته كبر ووض وصل قلوب اهل الهوى كأنها قلوب اطفال وأنا يا وجدي ويا تل قلبي تل

على الأبواب ياليل الشتاء خلك على الأبواب ليال الصيف سوت ما يسوي ليلك البارد ياليل إن جيتني ماعاد في جوّك طرب وأصحاب من أكلم ؟ وانا قلبي ملول — وخاطري شارد خسرت أصحاب وأكثر والسنه هذي فقدت أحباب ولو أملك ماردٍ سحري خسرت السحر و المارد أنا مجموعة إنفس كل نفسٍ تستحق أرتاب وأنا المجرود من نفسي وأنا من نفسي الجارد من الإدراك ما يقلب مزاج و وما يحرّق أعصاب أعيش بعزلة أفكارٍ كثيره ما لها سارد بعضها يلبس أثياب القصيد ويسبي الألباب وبعضها لو يقول أصبر خذا من عمري وما رد نذرت الصبر والإلحاح في رجوى الله الوهاب وقلت إن كل شيٍ في حياتي ممكن ووارد ياحلمي لا تعاتبني على الدعوه ورى المحراب إذا ماجابك الـمولى ماجابك سعي و مطارد

على جال الشعيب اللي شْجرته ماوطاها السيل حطبت اليابس من جرومها حتّى إنّي اشبّك بعد زَلّ الربيع ، وعوّد القاع المريف مْحيل ورى عوج الحنايا مابقالك روضٍ مشبّك ولا اذكر مرّني ليل بحياتي مثل ذاك الليل ذرفتك لين ماعاد بعيوني دمعٍ يصبّك تكاثرت الغلا فيك ، وعفا قلب ، ونشف منديل وابشرْك الجروح اللي لها عام فْـ رجا طبّك بَرَت .. حتّى القصيد اللي بعودك كان عمْد يْميل ماعاد يْدينه تْغشمر شعرْك ، وريحه تْهبّك وانا ماني هذاك الاوّل اللي كنّت احبّك حيل تغيّرت .. وقسا قلبي عليك ، وصرت ماحبّك

كنت هايم في محيط اللي مكانتها عظيمه لين قفت .. واشتكت من ضيقتي حتى ثيابي .

انا ما اخترتك من الناس لاني ما نويت اختار وجابك حظي اللي يوم جابك .. جيت متباهي تخيّرت احفظك مثل الوداعه واحفظ الاسرار و لكنّك تخيرت الوداع .. و خاطرك ساهي ! لو اني ما تساهلت الامانه .. في يد البوار ما عودت و حسايف كلمتي تشره على فاهي تغيب ولو تغيب من العدم عن ساير الانظار تردك للتـفاصيل القديمه .. نظرة اللاهي ! توقعتك معي .. لو الزمان يدور لكن دار وشفتك تختلق من كل زله موقف واهي حصل ما تطلبه واللي بغيته يا حبيبي صار حبيبي ! كلمة ما احبها لو مرت شفاهي ! عساني كل ما زل الكلام .. وضاعت الاشوار ما اقول الكلمه اللي ما تكبّر قدري وجاهي لو تجوب البسيطه وتعبر .. ما بين دار و دار ما تلقى مثل قلبي لو تشوف عيونك اشباهي !

الليل هذا .. لو انه يجيب سحر البيان مؤسفني انه : مايشبه ليلك السرمدي انا !.. لقيت ( الغرام ) ولا لقيت إتزان وإللي يبي الإتزان !.. من الغرام يغدي أحساسي إنك حبيبي قبل دور اللسان يارب : ماحس في هذا الشعور وحدي ماني بناقص حزن بالعكس ناقص حنان قدلي سنين أنقل فوادي " بـ راحة يدي " لو مانت نعمة مقادير الليالي .. ماكان باشرتني!.. لين ( ما بشرتني بـ سعدي ) تُضرب بك الأمثلة .. ويشار لك بـ البنان ومالله عطى اللي يبي ينساك عمرٍ مدي قطعت نص الطريق و عاد عودك ليان زهرة شبابك نديّه ( يا الجبين الندي ) ويني من مقابل عيون المها من زمان ؟ ادري ليا شفتها بـ إن البساط أحمدي أموت فـ المبسم اللي زاد قلبي أمان مع إني احب موتي .. في سبيل بلدي يمرك اللي يعز الجوخ .. و الجبخان و يروح يلعن زمانه و المعاش الردي حنا نعرف التمايم .. لـ المواليد ضان ؟ وتقول ماتت خشوف الريم في مولدي مانيب أحب الكبر و الزود و العنفوان وإن جيتني بـ الكبر و العنفوان .. بعدي لك الولايه .. و تاج المُلك و الصولجان عندك يموت المعاند و الحسن يبتدي انا اكثر انسان .. قدم لـ الغرام إمتنان و اللي يبي يقتدي في حبنا ؟.. يقتدي قلبي مع الحب صامل لو يطول الزمان و اخاف بعدين اورث صملته لـ ولدي !

بقى لي ثلث ليل وزلّ من عمر المسا ثلثين تحت غدراه عقرب ساعتي مايمشي، يحوبي دعيت، من إبتهالات الدعاء الى آخر الـ آمين وذكرت الله وأنا خطوبي كبار وهانت خطوبي ياربّي وان ذكرتك حنّ لك خافق ورفّت عين وطاحت دمعتينٍ ما سترها الَّا طرف ثوبي يحرّضني هوى نفسي الين اغوي مع الغاوين وأعوّد لك ! وتغفر لي خطاي ، وتستر عيوبي أحبك وان عصيتك من هوى دنيا وقلّة دين تمثناني شعور الخوف من راسي لعرقوبي دخيلك لا تخليني لحالي ، لـ الزمان الشين أنا مالي صبر عن رحمتك، لو صبري ايوبي تولّاني بـ عفوٍ ، ( يعتق رقبتي ) بـ يوم الدين وهب لي من لدُنك اللي يبدّد وحشة دروبي دعيتك والكفوف المستغيثة خاليات يدين يا ربّي لا تعوّد خاليات الَّا من ذنوبي