عزام المطيري

اللهم القلبْ و ما دعى والخِيره فيما ترى 🤍

عادت أوراق الخريف وما بقى إلا أوراقي يا مهب الريح لم اللي تعرف تلمه اندب اللي فات والا ألحق على اللي باقي كم مريضٍ كانت أول عافيته بـ سمه كنت ميراد العروق اللي هجرها الساقي و صرت أدور في تجاعيد البسيطه جمه كل صبح أثني على درب المعالي ساقي و كل ليل أرجع بقلبٍ همته هي همه أثرني للحين باقي ما وصلت أعماقي اتخطرا شف عيني يا عساي أخمه الفرص واجد و دبرتها على خلاقي ما يلقي فرصته علباه غير الرمه و من يحاول في ملذات الحياه إغراقي علموه إن ما فزع لي لا يشمر كمه

حكام و اللي بقى على خُطى من رحل حْلول كل المشاكل ماهو انصافها ذولا معازيب لـ التاريخ و اهل محل و الله ما فوق العبيه غير عسافها #اليوم_الوطني_السعودي_٩٦

من يصافينا : صفينا له ، لو ان الجو غايم و من يشب النار ما نرمي به الا وسط ضوه عاد عيدك بالثياب و بالبشوت و بالعمايم و ان دعا الداعي وقفنا بـ البريهه و المموه #اليوم_الوطني_٩٦

الجفى مكتسب ؟ والا غريزة طباع ؟ تعزف عْن الوفى و تكرّ معزوفتك كثرو الناس حولك لين صاحبك ضاع ضاربً قدر قلبه في طرف طوفتك لا سلامك سلام ... و لا وداعك وداع شفت حالك على اللي شاريً شوفتك

مدام اللي مضى يصعب علي شرحه - مقابيل السنين : الله يجملها عطيت الوقت فرصه يرسم الفرحه و طارت ريشته و أزرى يكملها )؛

يا سلام الله سلامً تغشاه البياض عد ما تبعد و نبعد عن دروب الردا يبو داحم كيف حالك بعد جيت الرياض و انته مْن اول مهدي على خط الهدا @ajahaniii7

تلومون من يهوى السفر مير ما ينلام نزل فالقلوب و لا تحمل تقلّبها و رحل ما خذا حقه من الناس والأيام يبي ديرةً تستاهله لو يحلّ بها )؛

- اصحى : قبل نور الصباح ايتفتق و اليا طرو لك ما مضى لا تذكرّ ما فـ الحياه ابواب تستاهل الطق و ابواب رب البيت ما تنتسكرّ

طير يا طير لا تجلس لحالك تغرّد ما سمعك الفقير و لا سمعك الغناوي كان غصنك من يْدين الهبايب تجرّد لا تغارب لو يولع عليه الشواوي من تعود على اكتاف البشر ما تفرّد شاقيً فـ البسيطه و امره امرً سماوي ما يهين الرصيف الا الطموح المشرّد و لا لعب فـ القلوب إلا الطبيب المداوي واهنيك يبو قلبً مع الوقت برّد ان لقى عود رمث ولن لقى عود جاوي احسب ان الليالي تترك الباب منرّد و اثرها صافقة به في وجيه الهقاوي

اسر ( يا هم ) لا تقول انْك راعي طويله وش يحدك ؟ تحد العين تخفي وجعها كنت ادل الطريق ، و صرت ادور دليله اثر بعض الفرص لا ضاعت نْضيع معها

من كثر الأعذار صرت احسب حساب الـ هلا و اقرا عيون الحبايب عند توديعها لي قلب عياف لا منه امتلا امتلا طلّاع ما يتبع الناس و مطاليعها كم مرةً قلت لـ الايام : بس ولا حتى و لو حطت بيدي مشاريعها

من عطاك اجمل أيامه لا تعطيه حتفه و لا تهينه ترى ما قصر الوقت هانه جاك و العين تواقه و لـ القلب لهفه و رااح ما كن للاثنين عندك مكانه

سلام و الدنيا سعه و انته من البارح عجول مدري يبو داحم لقيت الحظ و الا تلحقه و ان كان سكينك مزبنها ورى شعفة الذلول من ما لقى منك الكرامه ما يبا منك مرقه @ajahaniii7

رجعت في عين الرضى اللي مـ انغرت بالمغريات و الناس بصر الله فيها لو تضيع أبصارها خذتني العزه بالأثم و لا عزمت الإنفلات و ادركت نفسي قبل لا يثقل علي مقدارها من شال قيتار الظليمه يستعيب مْن السبات عزوفه عْن الحق بـ يخوله عزف أوتارها و لولا القلوب اللي صحاها تنجلد منه الذوات يمدي عباد الله ما تامن بوائق جارها يا شايل الدنيا على راسك ترى همك فتات جناح باعوضه ما تعرف من يحل بدارها ارفع نظر عينك و تلقى لك جهه غير الجهات تتضاعف كْسورك و مرجعها على جبارها

يا عقاب الله يكافيك من شر العقوبه كل ما تنزل و تطلع : تعدوك الخلايق مالك الا رب واحد و لك مليون توبه يا عسى ما عاق رجلك عن المعروف عايق

حنا تحت كف القدر ما حن بـ تحت التجربه ندفع ضريبة سهلها على دروب هْضابها نجوب الارض .. و لا بنا فاتح و لا به قرطبه و اليا لقينا شيحها ما نحتري وزابها تقهو يا سالم ترى الايام ذي متقلبه لا تنخدع فيها ولو حطتك بين أهدابها يقولها اللي قد طواه الجوع و أدمى مخلبه من كبر اللقمه : يغص بْها و لا يهنى بها

ما فـ الحياه أبواب تستاهل الطق )؛

يوم خف بعير الايام في صدري هبد ما عقله الا شجيعً يحل المعضله youtu.be/payN-v81TAQ?si=98Nl… @_806664