أسرار الأدباء

غنيت من فوق الكواكب والأجرام أنا هنا فوق الخلايق محلي قلبي على شداد البطولات مقدام وراسي سنام النايف المستقلي عز الله القرناس ماهوب عوّام واللي عقد روس الحبايل يحلي مرّت من أعوام العمر أعذب أعوام طويت معظمها وأنا مسفهلي حسيتها يومين .. يا سرع الأيام يا وقت .. قل لي كيف أوقـفْك؟ قل لي باقي كثير من المسافة.. للأقدام وباقي كثير من الدعا... للمصلي وباقي كثير من القصايد.. للأوهام وحاجة بعيدة ليتها لي تحلّي وبقت لي آمال ومشاريع وأرقام مير السنين أقصر من أطراف ظلي راح العمر كله بتحقيق الأحلام وأثر أكثر أسباب الفرح فـ التخلي أما انت ياللي للمحبين لوّام لا تعذرب اللي فـ الهوى جايزلي ليت العواذل للمحبين خدّام مادامها من عذلها ما تملي ما يفهمون ان البشر ماهم اصنام بعض العرب حتى عيوبه تحلي عزي لحال أهل الهوى كنْهم أيتام دايم وهتّان المدامع يهلي يوم الوصل يبكون من خوف الآثام ويوم الموادع من حسايف وذلِّ من جرب الفرقا .. أحاسيسه حيام لو هو تحت غيمٍ سكيبٍ مظلّي وعدواننا ماهم سبب كل الآلام يا كم من الطعنات جتنا من اللي .. بعض المشاكل فـ البشر مثل الاورام ماهو يعالجها سوى "بتر كلي" عيوننا على بعيدات الاريام ومزمار عازف حينا ما يسلي #ماجد_الخالدي