عطاءالله أبن عويد 

يالله يا جال الامور المهمّه تجلا وهج قلب برا حال راعيه ،، البر دجته والبحر رحت يمه ادرج سبّب حظً على الله مساعيه ،، يوم إن ولد اللاش رزقه على أمه رزقي على اللي ميت القشع يحييه ،، ماني وانا بندر ببيّاع دمه يقطعك يا بياع دمه و مهفيه ،، اللي يبيَّع لابسات الأزمه ثورٍ يبي بيض العماهيج تغنيه ،، خطو البخيل اللي يكبر معمه يقرا الكتاب وواجب الله مخليه ،، يزعل ليا جت ليلة الدول يمه يرضى بسوق المال باخيه وابيه ،، اما هرج له في رفيقٍ بنمه ولا عطى وامه تضيع هقاويه ،، ياملّّ قلبٍ كل ما مات همّـه داارت دواليب الدهـر لين تحيـيه ،، فرّاق شمل الناس عيَّـا يلمَّه وقـتٍ يشـيب الراس من شايةٍ فيه ،، أحدٍ ينام وحط راسه بكمه وأحدٍ تخم النوم عينه وتخطيه ،، واحدٍ يحاول بالردا بنت عمه واحدٍ يحاول ستر عذرا عوانيه ،، تخالف الأنظار شرقٍ ويمه وكلٍ هدف رايه من الناس مرضيه #بندر_سرور رحمه الله

اللي على طبـع المـوده مبـدى نبـني له الهيـدام ونعز طـاريه واللي تلـوى بالظنـون وتعـدى درب الـردى نبعد خطانا ونخطـيه اللي وقف وقت اللـوازم وسدى نارد حياضـه والمطامـع هقاويـه #جـزل

ههههه سلامة راسك يا عطا الله، منور الحساب وراعيه.. لا هنت على المرور الجزل 😂🌹

عساكم على القوة بيض الله وجيهكم على الطرح الراقي، وشرف لنا التواجد مع هل الطولات و النخبة في #ملتقى_سجه_فكر. لا هنت يا راعي الملتقى، تحياتي لك ولجميع المشاركين و للمبدعة (ورد الجوري) على التصميم والإخراج 🌹🔏✍️..

اشهَـد ان المـدح فالطيب يليق لايقٍ ثـوبه عليه ومظهـرهـ ​والـثـنـا ف الـلاش لـو جـاب الـعـمـيـق مـثـل صب المــاء على قاع قفـره ​الـوفـا لا صار مضمون الـرفـيـق لاتثق في ابعاد طول المـنـظـره ​لا يـمـيـل الـدرب فـي نـص الـطـريق وأنت دربك كان مثل المسطره #جـزل

ما دام هاماتنا فوق السحب علّيا نطلب كريمٍ يجود بفضل من منّه ​حظٍ يليق بطموح العز والدنيّـا يروي ظما هقوةٍ ترقى على الجنّة #جـزل ✨️

اوَّاه ياللي بين الأهداب مسكنك أسهبت في نزف القصايد وبـوحي ​الله يلعن جد حبك ويلعنك إن كان بالثنتين؛ تسمـع وتـوحي #جـزل

ضـاقت الدنيـا على الصدر الوسيع حسبي الله ... عليـهم من بـشر 🔏

حتى الحمام يمرّه الشوق ويْحب واكثر علاقـات الوصل فالدرايش يا اهل القلوب اللي بلاها يبي طب ما تنقـرب سود النفوس الغشٰايش 🕊🕊❤️ #جزل_الفرايد ✍️

بعض العرب وجهه عساها تلطـه ما يرتجي منه الوفـا شخـص شاري ​ما ينفعك طيـبٍ بوجهه تحطـه كنه جمادِ ما طـرى فيـه طـاري ​من كثـر ما شين الفعايـل تغطـه ثوب الردي ما يستر الوجه عـاري ​كنّه سحـابٍ عقّـم الغيـم قطّـة ما يرتـوي منـه الظمـي لو يـداري #جـزل 👌🏻🖋