« الحي يحيّيك والميت يزيدك غبن »
ما يفهم مغزاها إلا العجولين، حارّين الدم، اللي
ينجزون أمورهم من ساعتها
ومبتلين بمن حولهم من أهل البرود والحوسة
يا مزاجيّة يا كثيرة التفكير يا متناقضة
يا اللي تاخذين في الدقيقة سبعة قرارات ..
هلا أنا ؟
إيوا أنتِ ..
عفوًا ! غلطانة
لا أقصد معاك حق 🙏🏻
جالسة مع خالي وكل ما فتح سالفة ساقها
على قافية وكل ما استرسل في هرجة
أودعها بيتين من جزيل الشعر .. متعةٌ ذائقيّة
« وأنا يعجبني هالطراز جدًا »
جريمتي الكبرى / أنني امرأةٌ حُرّة،
في زمنٍ لا يريدون فيه إلا الجواري والعبيد
وُلِدتُ بعقلٍ يُفكّر في زمنٍ يحاولون فيه إلغاء العقل
« نوال السعداوي .. وأنـا أيضًا ».
الكلمات الضبابية ما تناسبني
ما عندي الطاقة إني أحلل ما وراء الكلمات
وأنت شخص سليم ومعافى عقليًا
وتقدر تعبّر عن اللي بداخلك بكل صراحة ووضوح
عقب ستّ هقاوي وسبعٍ من العشم ومشتقّاته
اليوم غسلت يديني وطفح الكيل وبارت المعاذير ..
ما عاد لي في تبييض الوجيه شغل
أُسدلت ستارة حسن الظن وانطوت صفحة التلميع
لأوّل مرة ألقى نفسي على وفاقٍ مع الشعب في
كراهية السبت // وأشهد إنّه يومٍ ما انشره له صدر
ولا تنشرح به نفس وأنا من عادتي ما أجور على الأيام
أعطي كل يومٍ حقه وأعيشها على سجيّتها
لكن سبت هالمرّة كأنه نهارٍ عابسٍ ما وطّته البشاشة










