پرنسٹن کا شمار صرف امریکہ نہیں بلکہ دنیا کی بہترین جامعات میں ہوتا ہے اس لڑکے نے وہاں سے کیمیکل انجنئیرنگ میں پی ایچ ڈی کی ہے اور ابھی تک نوکری کی تلاش میں ہے اس میں سبق ہے پاکستانی نوجوانوں کیلئے بھی، دوران تعلیم کوئی ہنر بھی سیکھنا شروع کردیں آنے والا وقت بہت زیادہ بے یقینی لے کر آ رہا ہے سارے انڈے ایک ٹوکری میں نہ رکھیں، اگر تعلیم اور ہنر میں ایک کا انتحاب کرنا پڑے تو پہلے ہنر سیکھیں اگر ڈگری کرنے کی استطاعت رکھتے ہیں تو پھر بھی ساتھ ہنر ضرور سیکھیں یہ بیروزگاری کیخلاف آپکی انشورنس پالیسی ہے

سسٹم کے باپ ، پاپ ہی پاپ کراچی کی عدالت نے کار ساز ٹریفک حادثہ کیس میں ملزمہ نتاشہ دانش کو عدم شواہد کی بنیاد پر منشیات استعمال کرنے کے مقدمے سے بھی بری کر دیا ہے۔ اس سے قبل اکتوبر 2024 میں اہلخانہ سے راضی نامے کے بعد ملزمہ کو اقدامِ قتل کے مقدمے سے بری کر دیا گیا تھا۔ جمعے کو جوڈیشل مجسٹریٹ شرقی میں ملزمہ نتاشہ دانش کے خلاف منشیات استعمال کرنے کے مقدمے کی سماعت ہوئی۔ اس دوران عدالت نے قرار دیا کہ استغاثہ ملزمہ کے خلاف منشیات استعمال کرنے کا الزام ثابت کرنے میں ناکام رہا ہے۔ یہ حادثہ 19 اگست 2024 کو اس وقت ہوا جب موٹر سائیکل پر سوار عمران عارف اور ان کی بیٹی آمنہ عارف کو عقب سے آنے والی ایک گاڑی نے ٹکر ماری جس کے نیتجے میں دونوں باپ بیٹی ہلاک ہو گئے تھے۔ واقعے کے فوری بعد نتاشہ کو گرفتار کر لیا گیا تھا۔ سی سی ٹی وی فوٹیج میں دیکھا گیا تھا کہ سروس روڈ پر ایک تیز رفتار گاڑی موٹر سائیکل سواروں کو کچل رہی ہے۔ سندھ ہائی کورٹ میں سماعت کے دوران سرکاری وکیل کی جانب سے عدالت میں بیان دیا گیا تھا کہ ’ملزمہ گاڑی چلاتے ہوئے نشے کی حالت میں تھیں۔‘ اس گاڑی نے موٹرسائیکل سواروں کو کچلنے کے بعد آگے جا کر ایک اور گاڑی کو بھی ٹکر ماری تھی اور چار مزید افراد کو بھی زخمی کیا تھا۔عدالتی فیصلے کے بعد میڈیا سے گفتگو کرتے ہوئے ملزمہ کے وکیل فواد علی کچھی نے دعویٰ کیا کہ پولیس کی جانب سے ملزمہ سے لیے گئے نمونوں میں ٹیمپرنگ کی گئی۔حادثے کے فوراً بعد ملزمہ کے وکلا نے ان کی ذہنی حالت خراب ہونے کا دعویٰ کیا اور بعد میں آئی جی سندھ کی جانب سے اخبار ڈان کو اس بات کی تصدیق کی گئی کہ ملزمہ کہ خون کے نمونے میں ’آئس‘ کی موجودگی ثابت ہوئی ہے۔ اس کے بعد ملزمہ کے خلاف ریاست کی مدعیت میں منشیات استعمال کرنے کا مقدمہ درج کیا گیا تھا۔