يحيى الملك يحيى الوطن #المغرب #سبتة_ومليلية_مغربيتان

الحل لي خاصنا مع الكوفيين.

إلى الحكومة الجديدة: لا تتركوا عباقرة المغرب المنسي يضيعون في صمت. في أعماق جبال الأطلس، وفي القرى والمداشر البعيدة، كاينين أطفال بذكاء استثنائي، بعقول قادرة على الإبداع والابتكار، وبأحلام أكبر من الجبال اللي محاصراهم. أطفال ممكن يكون منهم أطباء، مهندسون، علماء وباحثون، وربما عقول تكون يوماً ما طوق نجاة لهذا الوطن. ولكن المأساة أن الكثير منهم كتنتهي رحلتهم الدراسية عند باب المدرسة الابتدائية، ماشي لأنهم فشلوا، ولا لأنهم ما باغينش يقراو، ولكن لأن الإعدادية بعيدة، والنقل مكلف، والسكن غير متوفر، والعائلة بالكاد قادرة توفر قوت يومها. وزيد عليها الخوف على البنات الصغيرات من التنقل لمسافات طويلة، خصوصاً في المناطق المعزولة. واش كاينة خسارة أكبر لوطن من أنه يدفن ذكاء أطفاله تحت ثقل الفقر والعزلة؟ أناشد الحكومة الجديدة أن تجعل من أطفال المغرب العميق أولوية حقيقية، بتوفير النقل المدرسي، والداخليات الآمنة، والمنح، واكتشاف المواهب ومواكبتها حتى الجامعة. المغرب لا تنقصه العقول، بل تنقص بعض أبنائه الفرصة ليُظهروا ما في عقولهم. قد يكون الطفل الذي سيغيّر مستقبل المغرب اليوم جالساً في قرية منسية، ينظر إلى آخر يوم له في المدرسة، فقط لأن أسرته لا تملك ثمن الطريق إلى الإعدادية. لا تتركوا مستقبل وطن كامل يتوقف عند ثمن تذكرة نقل. #المغرب_العميق #التعليم_حق_للجميع #المغرب_المنسي #تكافؤ_الفرص #أطفال_المغرب

كفى متاجرة بالقضية الفلسطينية، وكفى حديثاً باسم الشعب المغربي! 🇲🇦 بصراحة، ولى من المستفز أن بعض التيارات والتنظيمات السياسية نصّبات راسها وصية على الشعب المغربي، وولات كتخرج كل مرة للشوارع، ترفع الشعارات، وتطالب بإسقاط التطبيع، وكأنها كتملك تفويضاً من أربعين مليون مغربي باش تقرر باسمهم شكون يكون صديق المغرب وشكون يكون عدوّه! أولاً، شكون عطاكم الحق تهضرو باسمي؟ أنا مواطن مغربي، عندي عقلي ومواقفي وقناعاتي، وما فوضت لا حزباً إسلامياً ولا جمعية ولا حركة باش تمثلني. ماشي ضد التطبيع من حيث المبدأ، وماشي ضد إقامة علاقات دبلوماسية واقتصادية وأمنية قوية مع أي دولة تقدر تخدم المصالح العليا ديال المغرب. السياسة الخارجية ديال دولة ذات سيادة ماشي لعبة ديال الشعارات، وماشي قرارات كتتاخذ بالميكروفونات وسط الشوارع. الدول كتدير التحالفات حسب مصالحها الاستراتيجية، ماشي حسب العواطف والإيديولوجيات ديال بعض التنظيمات. ثانياً، التضامن مع المدنيين الفلسطينيين شيء، والمتاجرة السياسية بمعاناتهم شيء آخر. بغيتو تساعدو غزة؟ ساهمو فالمساعدات الإنسانية، دعمو المستشفيات، عاونو الأطفال والعائلات المنكوبة، وجمعو التبرعات عبر القنوات الموثوقة. أما الاحتفال بما تسمونه «الانتصار» وسط مشاهد الدمار والخراب، فكيخليني نتساءل: انتصار من بالضبط؟ واش انتصار الشعب اللي فقد ديارو وأحبابو، ولا انتصار الشعارات والتنظيمات؟ ثالثاً، عندي سؤال على هاد الانتقائية الغريبة فالمواقف. كيفاش بعض الأصوات كتخرج تمجد حسن نصر الله وحزب الله، بينما المغرب سبق ليه قطع العلاقات مع إيران سنة 2018 واتهم حزب الله بدعم البوليساريو وتدريب عناصرها؟ كيفاش كتطالبو المغاربة يتضامنو مع قضايا خارجية، وفنفس الوقت كتتجاهلو الأسئلة المشروعة حول المواقف من الجهات اللي اتهمتها الدولة المغربية بالمساس بوحدتها الترابية؟ واش السيادة الوطنية كتولي مهمة غير ملي كتوافق الإيديولوجية ديالكم؟ وأي اتهام بالتبعية أو التمويل الخارجي خاصو الدليل، ولكن المواقف العلنية والتحالفات الفكرية والسياسية من حقنا نناقشوها ونسائلو أصحابها عليها. رابعاً، المغرب ماشي ساحة مفتوحة لتصفية الحسابات الإقليمية. المغرب عندو تحديات اقتصادية واجتماعية، وعندو أولويات وطنية ومصالح استراتيجية خاصها تتحمى. وماشي ضروري نستوردو كل صراع إقليمي ونحولوه لمعركة داخل شوارع الرباط والدار البيضاء و طنجة و مراكش. من حقكم تتظاهرو سلمياً وتعبروا على آرائكم، ولكن حتى المواطن اللي باغي يعيش حياتو بهدوء، ويخدم، ويتنقل، ويجلس يشرب قهوتو، عندو الحق ما يتحولش نهارو باستمرار لسلسلة من الهتافات والضجيج. وأخيراً، باراكا من احتكار الوطنية والأخلاق والتضامن. ماشي كل مغربي كيدعم العلاقات الدبلوماسية مع إسرائيل ضد فلسطين، وماشي كل مغربي ما خرجش للمسيرة عديم الضمير، وماشي كل واحد كيختلف معاكم خائن أو مطبع مأجور. أنا مع السلام، ومع حماية المدنيين، ومع حق الشعوب فالأمن والكرامة، ولكن قبل كل شيء أنا مع سيادة المغرب واستقلال قراره ومصالحه الوطنية. تكلمو باسم أحزابكم وجمعياتكم وأنفسكم، ماشي باسم الشعب المغربي كامل. المغرب ماشي ملكية خاصة ديال أي تيار إيديولوجي، والمغاربة ماشي قطيع خاصو يتبع الشعارات ديالكم. أنا مغربي.وموقفي نمثلو أنا، ومصلحة بلادي ما كنخضعها لا لشعارات الشرق ولا لصراعاته. 🇲🇦 #المغرب #السيادة_الوطنية #لا_للوصاية #المصلحة_الوطنية #المغرب_اولا

هاد الاغنية ادمان ❤️❤️❤️