နိုင်ငံတစ်နိုင်ငံရဲ့ ခေတ်အလိုက် တိုးတက်လာတဲ့ ယဉ်ကျေးမှုအဆင့်အတန်း မြင့်မားလေလေ၊ အဲဒီလူမျိုးတွေက ကိုယ့်ယဉ်ကျေးမှုကို ပိုဂုဏ်ယူတတ်လေလေပဲ။ ငါတို့ မြန်မာနိုင်ငံမှာတောင် လူမျိုးအချင်းချင်း တခြားတိုင်းရင်းသားတစ်မျိုးမျိုးရဲ့ ရိုးရာဝတ်စုံကို ကိုယ့်ဟာပါဆိုပြီး ချပြတာမျိုး၊ ကိုယ့်ရိုးရာအဖြစ် သတ်မှတ်ပြီး ဝတ်ဆင်တာမျိုး မလုပ်ကြဘူး။ ဘာလို့လဲသိလား။ ငါတို့ တိုင်းရင်းသားတိုင်းမှာ ကိုယ်ပိုင်ယဉ်ကျေးမှု၊ ကိုယ်ပိုင်ရိုးရာဝတ်စုံတွေနဲ့ ကိုယ်စီရှိပြီးသားမို့လို့ပဲ။ အဲဒီအပြင် ကိုယ့်လူမျိုး၊ ကိုယ့်တိုင်းရင်းသားရဲ့ ရိုးရာကိုပဲ ပိုပြီးတန်ဖိုးထားကာကွယ်ကြတယ်။ ဥပမာ ဗမာတိုင်းရင်းသားတစ်ဦးအနေနဲ့ သူ့ရဲ့ဗမာရိုးရာဝတ်စားဆင်ယင်မှုနဲ့ ကချင်၊ ကယားရိုးရာဝတ်စားဆင်ယင်မှုတို့မှာ ဘယ်ဟာကို ပိုဂုဏ်ယူပြီး ဝတ်ဆင်မယ်၊ ဘယ်ဟာကို ပိုအမွှမ်းတင်မယ်ထင်လဲ။ သေချာပေါက် ကိုယ့်ရိုးရာကိုယ်ပဲပေါ့။ ဘယ်သူကမှ တခြားတိုင်းရင်းသားရဲ့ ရိုးရာဝတ်စုံကို ဝတ်ပြပြီး “ဒါက ငါတို့ရဲ့ကိုယ်ပိုင်ရိုးရာထက် ပိုသာတယ်” ဆိုပြီး ဂုဏ်ယူပြနေမှာ မဟုတ်ဘူး။ ကိုယ့်မှာ ရှိပြီးသား ယဉ်ကျေးမှုကိုပဲ သေချာပေါက် ဦးစားပေးကြမှာလေ။ ဒါဆို ဘာလို့ သူများဟာကို ငါ့ဟာပါဆိုပြီး လုပ်ယူရမှာလဲ။ သူများရဲ့ ရိုးရာကို ပေါ်တင်ကူးယူပြီး ကိုယ့်ဟာပါလို့ ပြောတာရဲ့ အဓိပ္ပာယ်က ရှင်းပါတယ်။ ကိုယ့်ရိုးရာက သူများရိုးရာလောက် အဆင့်မရှိဘူးလို့ ယူဆနေတာ၊ ကိုယ့်ရိုးရာကိုယ် မြှင့်တင်ဖို့ ယုံကြည်ချက်မရှိတာ ကိုယ့်ကိုယ်ကိုသိမ်ငယ်နေတာပဲ။ ပြောရရင်တော့ စောက်ရှက်ကို မရှိတာ ။ @GMMTV အဲဒီတော့ ဒီကိစ္စကို သေချာဖြေရှင်းပေးဖို့ မလုပ်ဘူးဆိုရင် နင်တို့ဟာ နင်တို့ရဲ့ ရိုးရာယဉ်ကျေးမှုတွေကို ဂုဏ်ယူဝင့်ကြွားစွာ ချပြဖို့ မထိုက်တန်ဘူးလို့ သိမ်ငယ်စွာယူဆလို့ပဲ သူများဟာကို ခိုးယူပြီး ငါတို့ဟာပါလို့ လုပ်နေကြတာလို့ပဲ သတ်မှတ်ရတော့မှာပေါ့။ ဒီကိစ္စကို အမှူးပြုပြီး ကိုယ့်ရိုးရာကိုယ် တန်ဖိုးထားတတ်ဖို့နဲ့ ဂုဏ်ယူတတ်ဖို့ပဲ အရင်သင်ယူကြပါဦး။ GMMTV ACCOUNTABILITY #RespectMyanmarCulture #CreditOurHeritage #.ScarletHeartTH