میں کیسے ایک یتیم بچے کے ملزم کو اپنے سامنے فرار ہوتا دیکھ سکتا تھا۔ دوپہر 4:40 منٹ جب وسیم شہید بھاگتا ہوا اپنی جان بچاتا ہوا رائل آرچرڈ میں اس انسان کے گھر کے سامنے پہنچا تو توقیر نے اپنی گاڑی کیساتھ اس کو شہید کر دیا۔ گھر میں موجود سید نسیم عباس بخاری نے جب یہ سب دیکھا تو اپنے پڑوسی ثقلین رضا دھرالہ کے ساتھ اس ملزم کو وہیں پکڑ کر نیچے بیٹھا لیا۔ بچے کو بچانا چاہا لیکن وہ جان کی بازی ہار چکا تھا اس وقت انہوں نے پولیس کو بلایا اور ملزمان کو ان کے حوالے کیا۔ اس وقت بھی میڈیا کے سامنے انہوں نے ڈنکے کی چوٹ پہ کہا کہ یہی بچے کا قاتل اور گنہگار ھے اور فورآ اپنے کیمرے کی تمام سی سی ٹی وی ویڈیوز نکال لائے اس کے بعد تمام محلے والوں نے فوراً فیصلہ کیا کہ یتیم بچے کے ملزم کو قانون چھوڑ نہ دے تو پیچھے پیچھے تھانہ پہنچ گئے۔ وہاں جاکر ملزم کو سلاخوں کے پیچھے بند کروایا اور خود بچے کی ایف آئی آر دی۔ ہوتا یوں ہے کہ لوگ کسی بھی سانحہ کے گواہان نہیں بننا چاہتے ہیں۔ لیکن یہ اور ان کے محلے دار واقعی ہی حلالی نکلے انہوں نے خود کو بطور گواہ بھی ایف آئی آر میں نامزد کروایا۔ جب تک پولیس نے تسلی نہ دی اور ایف آئی آر کی کاپی نہ ملی تب تک یہ تھانہ میں بیٹھے رہے