شکریہ ڈی آئی جی ساوتھ اسد رضا اس وڈیو کو دیکھ کر مجھے غصہ اور تکلیف دونوں ہوئی غصہ اس بات پر کیا آپ کسی کو تشدد کا نشانہ بناسکتے ہیں بغیر کسی ڈر خوف کے اور پھر اس وڈیو کو آرام سے سوشل میڈیا پر پوسٹ کردیں یہ لڑکا جس پر چاہے کسی بھی وجہ سے تشدد ہوا ہے کس قدر ذہنی اذیت سے گزررہا ہوگا میں نے یہ وڈیو عبداللہ جمال کی وال پر دیکھیں اور ان سے تفصیلات پوچھیں جو معلومات ان کے پاس تھیں وہ انہوں نے اس واقعے کے حوالے سے شئیر کردیں میں نے یہ ڈی آئی جی ساؤتھ اسد رضا کو بھیج دیں شاید اگلے ہی دو تین منٹ میں مجھے ایس ایس پی ساوتھ کی کال آگئی انہوں نے مجھے بتایا کہ ڈی آئی جی ساؤتھ اسد رضا نے ڈیفنس فیز 8 میں نوجوان کو بہیمانہ تشدد کا نشانہ بنانے کا نوٹس لیتے ہوئے ایس ایس پی ڈسٹرکٹ ساؤتھ کو انکوائری افسر مقرر کرتے ہوئے رپورٹ طلب کرلی ہے جبکہ انہوں نے ہدایت دی ہے کہ ویڈیو میں دکھائی دینے والوں کا فوری طور پر سراغ لگایا جائے، متاثرہ نوجوان سے رابطہ کر کے واقعے کی مزید معلومات حاصل کی جائیں اور فوری طور پر مقدمہ درج کر کے ملوث ملزمان کے خلاف قانون کے مطابق کارروائی عمل میں لائی جائے۔ جبکہ ایس ایچ او ساحل فاروق سنجرانی نے مجھے بتایا کہ واقعہ فیز 8 میں چند روز قبل پیش آیا ہے لیکن ابھی تک متاثرہ نوجوان نے پولیس سے رابطہ نہیں کیا، مگر انہوں نے یقین دلایا کہ پولیس ویڈیو جو میں پوسٹ نہیں کررہی ہوں کی مدد سے اس تشدد میں ملوث نوجواانوں کو تلاش کر رہی ہے جنہیں جلد قانون کی گرفت میں لے لیا جائے گا۔ امید کرتی ہوں کہ اس تشدد کے واقعے میں ملوث جو بھی نوجوان ہیں انہیں قانون کاسامنا کرنے پڑے

کراچی: ساوتھ پولیس نے ڈاکٹر آکاش قتل کیس میں ملوث دو مرکزی ملزمان کو گرفتار کر لیا۔ پولیس کے مطابق ملزمان سے غیر قانونی اسلحہ، موبائل فون اور واردات میں استعمال ہونے والی جعلی نمبر پلیٹ لگی سوزوکی آلٹو گاڑی برآمد کر لی گئی۔ پولیس کا کہنا ہے کہ 13 جولائی کو ڈاکٹر آکاش کو ڈکیتی کے دوران فائرنگ کرکے قتل کیا گیا تھا۔ ابتدائی تفتیش میں گرفتار ملزمان نے واردات کا اعتراف کرتے ہوئے بتایا کہ انہوں نے بینک سے رقم نکلوانے کے بعد مقتول کی ریکی کر کے واردات کی۔ پولیس کے مطابق بینک کے اندر موجود ایک ساتھی نے مقتول کی نقل و حرکت اور رقم سے متعلق معلومات فراہم کی تھیں۔ ساوتھ پولیس کے مطابق گرفتار ملزمان اسٹریٹ کرائم اور ڈکیتی کی متعدد وارداتوں میں بھی ملوث رہے ہیں، جبکہ ان کے دیگر ساتھیوں کی گرفتاری کے لیے چھاپے مارے جا رہے ہیں۔

ساؤتھ زون پولیس نے عثمان آباد، لیاری میں ڈرگ اسکریننگ سینٹر قائم کر دیا، جہاں منشیات کے عادی افراد کو تھانوں کے بجائے طبی و نفسیاتی تشخیص، کونسلنگ اور بحالی کے لیے منتقل کیا جائے گا۔ ڈی آئی جی ساؤتھ سید اسد رضا نے کہا کہ منشیات کے عادی افراد مجرم نہیں بلکہ علاج اور بحالی کے مستحق ہیں، جبکہ اس منصوبے کو مستقبل میں ساؤتھ زون کے دیگر علاقوں تک بھی توسیع دی جائے گی۔

It was a pleasure meeting Syed Asad Raza, PSP, DIGP South Zone a highly skilled and dedicated police professional committed to public service and law enforcement excellence.

ساوتھ زون پولیس کا اہم اقدام: پارکس کو "نو اسموکنگ زون" قرار دینے کا آغاز ساوتھ زون پولیس نے شہر میں صحت مند اور محفوظ ماحول کے فروغ کے لیے ایک اہم اور مثبت اقدام اٹھایا ہے، جس کے تحت ساوتھ زون کے پارکس کو مرحلہ وار "نو اسموکنگ زون" قرار دیا جا رہا ہے۔ اس سلسلے میں پہلے مرحلے کے لیے فریئر ہال کا انتخاب کیا گیا ہے، جبکہ آئندہ دنوں میں مزید پارکس کو بھی اس مہم میں شامل کیا جائے گا۔ اس اقدام کے ساتھ ساتھ تمام تعلیمی اداروں کے اطراف طلبہ کو سگریٹ کی فروخت پر پابندی عائد کر دی گئی ہے، جبکہ 18 سال سے کم عمر بچوں کو سگریٹ فروخت کرنے پر خصوصی طور پر سخت پابندی نافذ کی گئی ہے۔ اس مقصد کے لیے باقاعدہ آگاہی مہم بھی شروع کر دی گئی ہے، جس کے تحت مختلف مقامات پر پوسٹرز آویزاں کیے گئے ہیں تاکہ شہریوں، والدین، طلبہ اور دکانداروں میں اس حوالے سے شعور بیدار کیا جا سکے۔ ڈی آئی جی ساوتھ اسد رضا کی نگرانی میں ساوتھ زون پولیس اس انیشی ایٹو پر بھرپور انداز میں عملدرآمد کر رہی ہے، تاکہ نوجوان نسل کو تمباکو نوشی کے مضر اثرات سے محفوظ رکھا جا سکے اور عوامی مقامات کو صاف، صحت مند اور محفوظ بنایا جا سکے۔ ساوتھ زون پولیس عوام سے اپیل کرتی ہے کہ اس نیک مقصد میں پولیس کا ساتھ دیں، تعاون کریں اور اپنے اردگرد ایسے اقدامات کی حوصلہ افزائی کریں، تاکہ ایک بہتر اور صحت مند معاشرہ تشکیل دیا جا سکے۔