انا وأنتي حكايتنا مثل صدر السما والطير
كثير اللي يطالعها ولا احدن طالها غيره
انا وانتي حكايتنا مثل لعبة وطفل صغير
مع إنه دوم يهملها رفض يسمح بها لغيره
J
اعتقوني واتركوني في انعزالي
يكفي اللي راح من عمري نهابه
ايه انا مرتاح يوم اني لحالي
ونفسي ارتاحت على جو الكئابه
بايعوني بين ظني واحتمالي
ما بقى في صدري الضايق رحابه
تحريتك على رجوى وصالٍ ما بعده غياب
وتمنيتك وانا حزني عليك اكبر من الجيه
تراودني تعاليل المحبه والشعور أسراب
واغض البال لا مني سرحت وقلت منسيه
على هون اليدين اللي على جرحي تطق الباب
وانا بابي ذرى عابر سبيل و صوت طرقيه
يمرني كل عامٍ يوم ميلادي
يومٍ اعرفه ويوم انسى مواعيده
يمرّني وانتبه للغايب البادي
واهوجس بحال غيري من مواليده
وارتاع وارتاح له يفرق وهو عادي
ينقص من العمر عامٍ في ضحى عيده
اللي على البال من فتره لفتره تمر
الصبر مافادني عنها ولا ، فادها
وجودها نور لـ ايامي وفرحة عمر
يعد ملح الحياه وثالث اعيادها
غرورها مستمر و حبّها مستمر
و يكبر بها العمر بس الكبر مازادها
نموّها كان ياخذ من نموّ القمر
واليوم تو اكتمل في عيد ميلادها