தலைமைக் கழகச் செய்தி: அனைத்திந்திய அண்ணா திராவிட முன்னேற்றக் கழகம் குறித்து @sathiyamnews தொலைக்காட்சி வெளியிட்டுள்ள செய்தி என்பது முற்றிலும் உண்மைக்கு புறம்பானது. மாண்புமிகு கழகப் பொதுச் செயலாளர் புரட்சித் தமிழர் திரு. @EPSTamilNadu அவர்களின் பெயரைப் பயன்படுத்தி, முழுக்க முழுக்க பொய்யான ஒரு செய்தியை வெளியிட்டு இருப்பது கடும் கண்டனத்திற்குரியது. பொதுவெளியில் மக்கள் அறிந்த செய்தி தொலைக்காட்சியாக இருக்கக் கூடியவர்கள், ஒரு கட்சியின் பெயரை, அதன் பொதுச் செயலாளர் பெயரை வெளியிடும் முன் அந்த கட்சியிடம் Verify செய்ய வேண்டும் என்கிற ஒரு அடிப்படை ஊடக Sense கூட இல்லாமல் இப்படி தான் புரட்டுகளை எல்லாம் செய்திகளாக எழுதுவதா? @AIADMKOfficial பற்றி செய்தி வெளியிட்டால் தான் ஊடகங்களுக்கு மக்களிடையே வெளிச்சம் கிடைக்கிறது என்ற காரணத்திற்காக, தங்கள் யூகங்களுக்கு எங்கள் பெயரையும், மாண்புமிகு கழகப் பொதுச் செயலாளர் அவர்களின் பெயரையும் பயன்படுத்துவது என்பது ஊடக அறமல்ல. இதுபோன்ற பொய் செய்திகள் இனியும் தொடர்ந்தால், கடுமையான சட்ட நடவடிக்கைகள் அஇஅதிமுக சார்பில் முன்னெடுக்கப்படும். மேலும், இந்தப் பொய் செய்தியை அடிப்படையாகக் கொண்டு நம் கழகத்தைச் சேர்ந்தவர்கள் யாரேனும் சமூக ஊடகங்களிலோ, பிற பொதுவெளிகளோ கருத்துகள் ஏதும் தெரிவித்தால், கழகத்தின் சார்பில் ஒழுங்கு நடவடிக்கை எடுக்கப்படும் என்பதை தெரிவித்துக்கொள்கிறோம்.