لا توظف أشخاص اذكى منك! هذا أول ما قاله نفال في بودكاسته الأخير، واللي نسف كثير من مفاهيم الـHR التقليدية في التوظيف وثقافة العمل. تكلم عن كيف يختار المؤسس فريقه وكيف تتشكل ثقافة الشركة من اليوم الأول. طرحه كان واقعي وصادم أحياناً ويعيد تعريف طريقة التفكير في أغلب ممارسات تأسيس وإدارة فرق العمل. اخترت لكم أهم 15 نصيحة منها: 1- لا توظف شخص يشوف نفسه أذكى منك كشخص أو كقائد. هذا النوع من الناس ما يكمل معك، ويشعرك أنه أكبر من المكان، وراح يغادر أول ما تجيه فرصة تأسيس شركة أو وظيفة يشوفها أفضل. 2- التوظيف الشغل الأساسي للمؤسس. لا تعطيه لشركة توظيف ولا لمسؤول توظيف. 3- بالبداية لا تفوض 4 أشياء: التوظيف والتمويل والاستراتيجية ورؤية المنتج. إذا غيرك صار يقودها راح تضيع بوصلة الشركة. 4- الأشخاص اللي تبني عليهم الشركة لازم يكون عندهم Low Ego. يهمهم الشغل أكثر من المسميات، فضوليين، يفكرون، ينتجون، وما يحتاجون متابعة للإنجاز. 5- أول 10 إلى 20 شخص توظفهم هم اللي يشكلون الـDNA للشركة. هم اللي يحددون طريقة تفكيرها، سرعة تنفيذها، أسلوب قراراتها، والجودة اللي تطلع فيها الشركة في المنتج والاستراتيجية. 6- لا توظف أصحاب الأنا العالية Big Ego. يتعبونك في إدارة مشاعرهم، يبطئون عمل الفريق، ويحولون الشغل لساحة إثبات بدل ما تكون ساحة إنجاز. 7- لا توظف شخص صار ترند والجميع يطاردونه. قيمة المؤسس أنه يلقط المواهب قبل ما يعرفونها الناس. 8- أفضل الأشخاص ما ينطبق عليهم وصف وظيفي جاهز. تحتاج مرونة بالدور والمسمى وطريقة العمل. الكفاءات ليسوا منتجات بخط إنتاج ولا قطع تنحط في ماكينة. كل شخص مميز له تركيبة مختلفة، ولازم يكون عندك استعداد تغيّر الهيكل أو المهام عشان تستوعب قدراتهم. يعني لا تقيّم الشخص على أساس، هل يناسب للوصف الوظيفي؟ قيمه على أساس، هل الدور يستحق أنه ينعاد تشكيله عشان هذا الشخص؟ 9- لا توظف عشان تعبي الكرسي. الكرسي الفاضي أفضل ألف مرة من شخص عادي يبطئ الشغل وينزل من مستوى الفريق بدون ما تحس. 10- الفريق الصغير أقوى من الفريق الكبير، كل ما كبرت المجموعة زاد الضجيج، كثرت الاجتماعات، وصارت القرارات أبطأ. التأسيس يحتاج مجموعة صغيرة متناغمة فاهمة بعض وتشتغل بتركيز بدون تشويش. 11- معاييرك بالتوظيف تنتقل وتصير معايير للفريق. إذا تهاونت مرة، فالفريق كله راح يتهاون بعدك. 12- لا تدمج بين ناس ما يشبهون بعض بالدوافع والشغف. الفريق القوي يجتمع على نفس الرغبة ونفس مستوى الجدية. 13- لا تبني شركة على ناس ينتظرون توجيهاتك طول الوقت. هذا النوع من الناس يستهلكونك بدل ما يدفعونك. أفضل الناس self motivated يعرفون شغلهم ويتحركون بدون متابعة، وهذولا يزيدون من سرعة نمو الشركة. 14- لازم تكسر القواعد بالرواتب والأسهم. الشخص الاستثنائي يحتاج ظروف استثنائية. الشي اللي يمشي مع الاشخاص العاديين ما يجيب لك شخص يزيد من قيمة الشركة. إذا التزمت بالقواعد التقليدية، راح تجيب ناس عاديين. ميزتك كشركة ناشئة أنك تقدر تغيّر كل شيء بسرعة. 15- لا تخلّي فريقك يعيش داخل برامج التواصل مثل سلاك. كثرة القروبات والرسائل تشتت الشغل وتقطع تركيز الفريق وتعطي إحساس كاذب إن العمل ماشي. سؤال واحد ممكن يضيع وقت 10 أشخاص. الحل إن التواصل يكون مباشر وواضح بين الشخصين المعنيين فقط. حسب تجربتك، وش أكثر خطأ شفته يتكرر عند المؤسسين؟