sᴀɪᴅ ᴇʟ ᴍᴀʀᴏᴜᴋ

#النفس_المطمئنة مو مجرد مسلسل رعب وخلاص.. العمل جامع بين الحب، الغموض، والرعب بطريقة خليجية مختلفة ومميزة، ومن أول الحلقات واضح إن فيه شغل كبير على مستوى الصورة والإخراج والتفاصيل. الصراحة الإخراج مرتب، الكادرات حلوة، والأجواء البصرية معمولة بذوق يعطي العمل شخصية خاصة، غير إن القصة نفسها فيها جرأة وتجديد، وهذا الشي مو دايم نشوفه بهالشكل في الأعمال الخليجية. والأجمل إن العمل يثبت مرة ثانية إن الفن الكويتي عنده قدرة يقدم محتوى مختلف ومتنوع إذا توفرت له الرؤية والإنتاج الصح. شاشا قاعدة تمشي بخط واضح في إنتاج أعمال خليجية بطموح أكبر، و#النفس_المطمئنة واحد من الأعمال اللي فعلاً يبين فيها هذا التطور. عمل متعوب عليه من كل ناحية.. قصة، صورة، إخراج، وتمثيل، وتجربة تستاهل المتابعة. واللي يحب الأعمال القصيرة والمكثفة، لا يطوفه 👀🔥