ڈی جی آئی ایس پی آر کے بیان کی مکمل تائید اور حمایت کرتے ہیں صدر جمعیت اہلحدیث پاکستان ڈاکٹر علامہ ہشام الٰہی ظہیر مکہ دفاعی معاہدہ فعال ہو چکا، شکوک و شبہات ظاہر کرنے والوں کے پاس تنقید کے سوا کچھ نہیں:ڈی جی آئی ایس پی آر پاکستانی فوج کے ترجمان لیفٹیننٹ جنرل احمد شریف چوہدری نے مکہ دفاعی معاہدے بارے بات کرتے ہوئے کہا کہ مکہ دفاعی معاہدہ فعال ہو چکا ہے، اور اس پر شکوک و شبہات ظاہر کرنے والوں کے پاس تنقید کے سوا کوئی کام نہیں۔ پاکستان، سعودی عرب اور ترکیے کے درمیان یہ معاہدہ اجتماعی دفاع اور دشمن کو جارحیت سے روکنے کے لیے کیا گیا ہے۔ یہ کسی ملک کے خلاف جارحانہ اتحاد نہیں، بلکہ خالصتاً دفاعی نوعیت کا معاہدہ ہے۔ تینوں ممالک کے درمیان دفاعی تعاون کا مقصد یہ یقینی بنانا ہے کہ کوئی بھی ملک ان میں سے کسی ایک پر حملہ کرنے سے پہلے اس کے نتائج پر سنجیدگی سے غور کرے۔ اگر کسی رکن ملک کو خطرہ لاحق ہوتا ہے تو اس کے جواب اور دفاع کے طریقۂ کار کا فیصلہ تینوں ممالک کی قیادت اور متعلقہ فوجی حکام کریں گے۔ اس معاہدے پر عمل درآمد کے عملی طریقے اور فوجی کارروائیوں کی تفصیلات خفیہ رکھی جائیں گی، کیونکہ کوئی بھی ملک اپنی فوجی حکمتِ عملی اور تعیناتی کی تفصیلات عوامی سطح پر ظاہر نہیں کرتا۔