Sarnai Dandar

Нөгөө урт пост маань. Мөрийн хөтөлбөр уншсан сэтгэгдэл 1. УТ-ийн намууд нийгмийн асуудлуудыг оношлохдоо, шийдэл санал болгохдоо, м/х боловсруулахдаа судалгааны байгууллагуудтай хамтарч ажиллаасай. 2. СЕХ мөрийн хөтөлбөр бэлтгэх “template” гаргаж, намууд түүнийг мөрдөөсэй. Үндсэн хуулийн үзэл баримтлалаа дагуулаад бүлэг бүлгээр багцлахад бараг болно. Бусдаар харьцуулахад хүндрэлтэй байна. 3. Намууд иргэд, сонгогчид, иргэний нийгмийн байгууллагуудын саналыг м/х-д тусгахдаа шинж тэмдгээс учир шалтгаан луу “орчуулга” хийх 1-2 үе явмаар байна. 4. М/х-үүдийн зүйл заалтууд хоорондоо уялдаа холбоотой, нэгдсэн нэг том төлөвлөгөө, бодлогын чиглэлд зангидагдсан байх хэрэгтэй байна. Эрчим хүчний үнэ чөлөөлчихөөд, инфляци барина гэх мэтээс авхууулаад авцалдаа алга аа. 5. Төсөвтэйгөө нягт уялдуулмаар байна. Бүх зүйлийг хүсэх амархан ч хийж хэрэгжүүлэхэд, ээлж дараа, ач холбогдлын эрэмбэ байж таарна. 6. Иргэд сонгогчид хэрсүү болохын хэрээр, намууд ч мөн таалагдахыг хичээж сайжрах байх гэсэн “романтик” бодол байгаа тул энүүгээр нэг мөрийн хөтөлбөрт уриаллаа 7. Энэ 6-с ч илүү романтик бодол байж магадгүй. Гэхдээ л намууд үзэл баримтлалаараа ялгараасай гэж бодож байна. Өнөөдөртөө бол хяналт тэнцвэр илүү чухал болж ирсэн гэж харж байна. 8. Боловсролын салбарыг аль нам эрх барихаас үл хамааран, тогтвортой алсын хараатай төрийн бодлого, төсвийн хувиарлалтаар 10-15 жил гүрийгээд дэмжмээр байна. Хүч хаямаар байна аа. 9. М/х- өө таниулах орчин үеийн аргуудыг ашигламаар байна. Soundcloud, spotify дээр сонсдог байдлаар оруулж болно, инфографик хийж болно. Мөн унших, харьцуулах хүмүүст амар байх үүднээс скандсан биш хайлт хийх боломжтой файл хэлбэрээр оруулмаар байна. За баярлалаа.

Via Ч.Бат-Уянга Хөдөөд олон хүний хувьд, үүн дотроо төрийн албан хаагчдын хувьд нам бол ажилтай, орлоготой байх баталгаа. Бидний сошиалд намаар талцах бол үдийн будаа, зүгээр хоолны амтлагч төдийхөн мааз шүү дээ. Энд харин жинхнээсээ амьдралын баталгаа. Сонгууль дагаж хууль тогтоох, гүйцэтгэл засаглал л солигдох учиртай атал жирийн төрийн албан хаагчдыг хомроголон халсаар сүүлдээ хувийн амьдралын түвшинд хүртэл нэвччихээд байна. Байна ч гэж байсаар ирсэн, ерөөсөө шинэ юм биш. Тийм болохоор хөдөөд сонгууль бол жинхнээсээ өрсөлдөөн, тулаан болсон. Чи зүгээр л 30 сурагч, дөрөв таван багш, ажилтантай багийн сургуулийн захирал байсан ч хамаагүй, нам чинь ялаагүй бол ажлаа өгнө. Зарим сум гайгүй, зарим сум яг ийм хууль үйлчилнэ. Эргээд эрх баригч намаас өөр нам танай сумын сонгуульд ялбал 4 жил хөгжил удааширна. Могой тасравч гүрвэлийн дайтай, эрхбиш нэг толгойтой, нэгдсэн улсын юм гэсэндээ л төрийн ажил үргэлжлэхээс бус горьгүй шүү дээ. Гэтэл төрийн ажил ингэж явах ёсгүй. Цөөхөн хүнтэй улсын зовлон ч биз. Өнөөдрийн Өвөрхангайн хэрэг үнэхээр харамсалтай. Энэ зөвхөн үр дүн төдийхөн болохоор харамсах ч хангалтгүй, бүр эмгэнэх ёстой. Хувь хүмүүсийн харилцааны түвшинд хүртэл намчирхах үзэгдэл нэвчиж, монгол хүнийг эвдэж дууслаа. Хөдөөдөө ч биш, төрийн захиргааны албан хаагч хүн бүрийн хувьд сонгууль, сонгуулийн үр дүн айдас хүйдэс. Ямар нам гарах юм бол, ямар нь ч гарлаа ялгаагүй л дарга нар солигдоно, тэр дарга багаа дагуулж ирнэ, бөөн холио солио. Хольж солихгүй ч шинэ даргын ааш зан, ажиллах арга барилыг ойлгох гэж зовлонтой. Төрөөс бүх юм хамааралтай болсон. Эдийн засгийн амьдрал ч төрөөс хамаарна. Мөнгө хаана байна, төрд л байна, яг голын эх ундарга шиг. Найман уулын дундаасаа наян булаг урсаастай гэж дууны үг шиг л төрөөс хамаарч урссан ная наян булаг ширгэвэл хоногийн хоолны зовлон угтана. Уул нь ямар нь ч гарлаа, том зургаараа бол амьдралд нэг их нэмэргүй. Гэтэл л өнөөдөр Монголд амьдрал ийм л байна.