ميكانيكا الكم و الحوسبة.

الاكتئاب و السوشل ميديا

ابغى اصارحكم واقول لعبت سايلنت هيل الجديدة .. لكن سرعان ما طفشت منها من اول حلقة ولا ابغى اتصنع الاستمتاع لنه غير صحي لي و لكم جزء من الخطأ يقع علي لن سقف توقعاتي كان سايلنت هيل ٢ القرافكس خيالية والقصة شكلها ممتازة بس المكانكس حقت الاعداء والاسلحه خربت علي كثير المعذرة 🤍

اليوتيوب: "ملزلز رفع مستوى جودة الانتاج في المحتوى العربي و رايد يحاول ينزله " حزت في خاطري ف غيرت لون القلم في الرسام.

ناس كثير يرسلون لي في الخاص شوف هذا يدقك بالكلام شوف هذا يتكلم عنك شوف هذا يقصدك اللي يتكلم عني الان واللي بيتكلم عني في المستقبل خلوهم .. انا مسامحهم النضج نعمة تجارب حياة مهو عمر واخذ الامور بصدر رحب اختيار نقدر نختاره.

اذا سالت اي AI انه يعطيك رقم بين 0 و 10 راح يقولك 7 في معظم الاحيان وفي معظم المودلز (فيه مودلز ممكن تعطيك شي مختلف) لكن 7 يحصل بشكل مكرر وواضح جدا لانه يحاول يقلد البشر في العشوائية ويتعلم من انماط البشر اذا قال 1 بيقول واضح انها مهي عشوائية لني خذيت اول رقم اذا قال 2 بيقول واضحة اخترت اول رقم زوجي واضحة واضحة واضحة لين يوصل ل 7 ويقول هذا عشوائي كفاية لكن الغريب في الامر ان حتى الانسان ممكن يسوي نفس الشي على فترات متباعدة اذا اعطاك رقم ٣ ترجع بعد فترة طويلة احتمال كبير يعطيك ٣ مره ثانية العشوائية عند الانسان مهي حقيقية بالشكل اللي نتصورة الانماط المتكررة تسود في مواقف كثيرة .. حتى في التصرفات المؤذية.

حاط اسمه 2030 يعني ترا انا معكم وفاهم ال slang

شي مهم جدا.. أنا تعمقت في الموضوع أكثر إذا أدوبي راح تسوي مسائلة قانونية تجاه الشخص هذا راح تكون بسبب 1- أحد شروط استخدام منتجات أدوبي هو منع المستخدمين بقيامهم للهندسة العكسية أو مراقبة المدخلات والمخرجات وتصرفها (يقدر يهزمها) 2- ممكن يكون له علاقة في ضعف تسجيله لعملية ال-clean room اللي سواها .. لن فعلا ما اثبت بشكل صحيح انه فصل بين المراقب و بين الشخص اللي يسوي re-implementation أدوبي ما راح تسوي مسائلة قانونية تجاه الشخص بسبب إنه نسخ اي شي لانه ما سوى الشي ذا لكن بشكل عام.. الهدف من المقطع ان المستقبل في يد المستهلك . 🤍شكرا youtu.be/aYFHW4Q06_U?si=NFfq…

What is better ? to be born good, or to overcome your evil nature through great effort ? -Paarthurnax

اتفق مع عبدالرحمن.. فيه شروط واضحة قبل ما تسوي اي شي في منتجهم لكن المشكلة مهو ان المستخدم جاهل الشروط هذي وعشان كذا زعلان المستخدم مهي عاجبته فكرة انك ما تملك الاشياء اللي تدفع فلوس فيها من الاساس وهذا شي اكيد لازم يتغير و من ابسط حقوق المستخدم انه يسوي بالنسخة اللي يشتريها اي شي يبغاه يبيع يأجر يعدل يحرق القانون هذا ما يحمي شركات بل يخليها جشعه اكثر واكثر تحكم بالمستخدم ورغباته في حلاله اذا انا شريت لعبة ب ٢٥٠ ريال ورجعت ابيعها ب ٢٠٠ ريال .. انا خسران ٥٠ ريال ما ربحت الا التجربة الشركة ما تبغاك انت توفر ٢٠٠ ريال ولا اللي بعت له يوفر ٥٠ ريال تبغاك انت تدفع ٢٥٠ وهذاك يدفع ٢٥٠ بكل بساطة تبغى كل فتات خبز في السوق مع الاسف..

اليوم راح نتعلم عن تكنيك في علم النفس اسمه "المدح ثم الانقلاب" وراح نستخدم الحثالة هذا كمثال (اكرمكم الله) يبدأ بالمدح "ترا صالح اوبلز ... ماله بالسياسة وشخص خلوق من قبيلة زهران الكفووو" والهدف هو -تبديد الشكوك بنواياه القذرة -ارخاء انظمة دفاع مخك (عشان تتقبل السم الجاي بدون مقاومة) -يوهمك بالعدل (عشان السم يضهر وكانه طالع من مكان مستحيل يظلم) هنا يبدأ يرمي قذارته (الانقلاب) "ولكن جميع المؤثرين السوشل ميديا تم توجيه لهم أوامر مباشرة في التكلم في موضوع الحرب اليمن" في امل منه ان خطوة المدح نجحت تدرون كيف يتعلم الانسان هذه الحيلة ؟؟ اذا تم استخدامة عليه بشكل متكرر في مرحلة الطفولة تدرون الحيلة هذي تنطلي على من ؟؟ الاطفال فقط تعلمها هذا الحثالة لما اذناب ايران جندته والحين يحاولها على ناس بالغة فاهمة ارجع لجحر جهلك البدائي هنا ناس تدافع عن بلدها و اهلها و حكومتها رجال و نساء اطفال و بالغين وزير و طالب فقير و غني مشهور او مجهول يفكرون نفس التفكير .. لنهم تربوا نفس التربية وشافوا نفس الامن والامان ما تجينا "اوامر مباشرة" عشان نبصق عليك زي ما تجيك انت.

مهو كل شي تخسره خسارة..

وانا صغير بغيت اموت .. كان فيه تلفزيون CRT خارج الخدمة في البيت على بدايات انتشار شاشات البلازما فتم استبداله جتني الفكرة العبقرية انه اذا فكيت ال CRT بعرف كيف يشتغل و بكتشف الذرة وبتنحل مشاكل الحياة لكن تعلمت درس لن انساه الCRT كانت فيه قطعة اسمها anode connector يخزن شحنات موجبة توصل لعشرات الاف الفولتات شغلته يسرع الالكترونات عشان الصورة تكون واضحة واشياء كثير حتى والCRT مفصول لوقت طويل الشحنات هذي تضل موجودة لوقت طويل ايضا طبعا اول شي توجهتله كان هو لن شكله كان جذاب قررت افكه بيدي.. الشحنات هذي تفرغت في جسمي خلال ثواني من قوة الصعقة وقف الوقت اسوا صعقة كهربائية تعرضت لها في حياتي وانصعقت من اشياء كثير كهرباء البيت/بور سبلاي الخ.. لكن ال anode connector كان مميز باحساسه الشنيع هل باقي اعراضه موجودة فيني الين اليوم ؟ يمكن. تذكرته بسبب مقطع تابعته قبل شوي.

اسوء سنة في تاريخ البليستيشن 😂 تخيل اقفل مليون ثغرة مع كل اصدار وادفع ملايين على الشي هذا في الاخير يجي واحد يكتب ل كلاود "احس اني ابغى البليستيشن ٥ على البيسي" ويقله تم. العالم تغير وابغى اشوف كيف بيحاربون الشي هذا مع البليستيشن ٦ .

اذا وقفت اهتمام كل شي يصير واضح.. لا تحاول تتحكم بالنتائج (افعل بدون خلط مشاعرك مع توقعات النتائج) كذا تكون حاضر / تفكيرك واضح/وتتأقلم بشكل اسرع مع التغيرات التحكم الحقيقي ما يجي مع محاولة اجبارك للحياة انها تخضع لاهدافك التحكم الحقيقي هو قدرتك على التأقلم مع ضروف الحياة عشان تحقق اهدافك.

افضل قرارات اتخذتها في حياتي كانت دائما بالغلط / بالحظ الحمدلله اني عبيت الجهاز RAM قبل المصيبة اللي صارت شيكت على الاسعار قبل شوي واللي قاعد اشوفه شيء اقل ما يقال عنه .. قلة ادب.

العراك بين الاندرويد و ايفون بالنسبة لي صار غير منطقي مؤخرا المسافة بينهم قاعده تتقفل اصبحوا يشبهون بعض .. سواء في الخصائص او الاسعار او قلة الادب الفروقات صارت رؤوس اقلام تكاد لا تذكر الاشياء اللي كانت تميز الاندرويد يا انها تختفي او التفاحة المأكولة تسرقها.. والعكس صحيح العراك الحقيقي مفروض يكون بين الاكس بوكس و البليستيشن بنزل مقطع قريب عن هذا الموضوع 🙂.