َ

من لحظة صدور ألبوم #اليسا اللي بيتضمن ١٤ أغنية «دفعة وحدة مش تقسيط» فيها طرح جديد ومعقد لمواضيع الحب والفراق والإنتقام ومدته ٥٣ دقيقة يعني ألبوم نخبوي ومش هدفه الترند وغير موجه لجيل التيك توك... تعالت صيحات فانزات الفنانات المحرومين من ألبومات بتصدر دفعة وحدة وبتحمل ثقل فني بالكلام واللحن والتوزيع بتوقيع أسماء من أهم صنّاع الموسيقى بالعالم العربي. المهم، إسمعوا الألبوم بصمت وحسرة على الحال اللي وصلتله فنانتكم وحاولوا تتقبّلوا الواقع... مش ذنب اليسا إنو فناناتكم مش قادرين يقدّموا ألبومات بهالمستوى 😏

#رامي_صبري بيلقّح على #ياسمين_عبدالعزيز وبيحرج كريم فهمي‼️ واضح إنه مش متخطي فكرة غناء بوسي التتر الأساسي لمسلسل «وننسى اللي كان»، وطالع زي خالتي اللاتاتاه يلقّح على ياسمين ويتهمها إنها السبب باستبعاده… يا رامي عم تثبت إنك بعدك عالق بالماضي، التجاهل أرقى من التلميح، خصوصاً لما يكون واضح إنّ القصة بعدها عاملة معك أزمة…😏

ونحنا قدّيش ممتنين لشغفك بفنك، ولحرصك من أكتر من ٢٠ سنة إنك دايمًا تقدمي لجمهورك أحلى وأفضل ما عند صنّاع الموسيقى، من دون ما تتنازلي عن هويتك الفنية أو تركضي ورا ترندات ممكن تكون أسهل طريق لنجاح سريع وأرباح مؤقتة، على حساب المضمون وأغنيات بتعيش معنا للأبد✨ والأهم إنك بعدك محافظة على ارتباط اسمك بفكرة «السوبر ألبوم» وإصداره كامل دفعة وحدة، بوقت صارت فيه هالتجربة عم تختفي تدريجيًا. وهيدا أكتر شي بيخلينا نقدّر علاقتك بالفن وبجمهورك، لأنك بعدك بتآمني إنو الألبوم مش مجرد مجموعة أغنيات، بل تجربة من القلب للقلب، وهيدي لحالها قيمة فنية بتُحسبلك✨🎶🫶🏻

يا أستاذ ريكاردو، #فضل_شاكر صارله سنوات عم يغنّي ويصدر أغنيات قبل ما يسلّم نفسه، يعني إذا عندك شك ببراءته، شو دخل الغناء بالموضوع 🤔 خلّينا نحكي بصراحة، إنت مش مقتنع ببراءته…قولها متل ما هي، بدل ما نضل نحلّل مسيرته الفنية وكأنها صك إدانة أو براءة‼️

مش كل خسارة بتتعوّض بالمال، خصوصاً لما تكون الأشياء المفقودة مرتبطة بذكريات شخصية وأشخاص غابوا…وهذا ما يجعل خسارة المغنية #اصاله مؤلمة، بعد سرقة مقتنياتها الثمينة التي تُقدّر قيمتها بنحو ٦ ملايين دولار أميركي، بحسب التقارير الصحفية، ومن بينها قطع خاصة مرتبطة بذكرى والدها… وقد ظهرت آثار هذا التأثر خلال بروفاتها لأغنية «صندوق»، التي استحضرت فيها ذكرى والدها، حيث انهارت وأجهشت بالبكاء… برأيي، أصعب ما في هذه الخسارة هو فقدان أشياء لا يمكن استبدال قيمتها العاطفية. كل التعاطف معها، وأتمنى أن تتجاوز هذه المحنة بأقل قدر من الألم 🤲🏻

هوس المراهقات بالمسلسلات، خصوصاً المعربة منها، بلّش يتخطى حدود الإعجاب بالشخصيات الدرامية. وآخرها مسلسل «حب ع ورق» اللي جمع #انس_طيارة و #هيا_مرعشلي‼️ التفاعل مع المسلسل امتد عند بعض المتابعات للحياة الشخصية لأنس وزوجته كارول بو خالد، ووصل لتعليقات مسيئة على مجموعة صور جمعت أنس بزميلته #سيرين_عبدالنور، كانت كارول ناشرتها بحكم شغلها كستايلست لإطلالة سيرين وزوجها، اللي بيجمعهم عمل درامي. أكيد من حق الجمهور يحب ثنائية معينة ويتفاعل معها، بس هالشي ما بيعطيه الحق يتدخل بالحياة الخاصة للفنانين أو يوجه تعليقات مسيئة بحق عائلاتهم. في فرق كبير بين التعلّق بشخصيات المسلسل وبين نسيان إنو الممثلين عندهم حياة حقيقية لازم تُحترم

وهيك، بعد ٣٠ يوم، اكتملت الأسطورة الموسيقية للموزّع تميم بصوت وإحساس #اليسا، لتولد واحدة من أيقونات ألبوم #اليسار «احتمال»... الأغنية اللي كتبها أمير طعيمة ولحنها وليد سعد، وبتطرح فكرة حبّ بيتخطّى الزمن، وبتتقاطع مع فلسفة التقمّص وتناسخ الأرواح؛ وكأن روحين تعارفوا قبل الوجود، وافترقوا عبر حيوات مختلفة، ليرجع القدر ويجمعهم من جديد… الحلو بالأغنية إنّها بتترك مساحة للخيال والتأويل، وهون بتجي بصمة اليسا اللي بتعرف كيف تعطي كل كلمة إحساسها، وتحمل المستمع إلى عمق الحكاية من دون تكلّف..مش بس بتغني الإحساس، بتعرف كيف تخلّينا نعيشه 🥹

قدّيش #يارا فنانة راقية ومحترمة لتقبل تطلّ بحفل #فضل_شاكر، رغم إنّه سبق وأهانها علنًا بعبارة «مش شبعانة من بيت أهلها» ‼️ التسامح من شيم الكبار، وتجاوز الإساءة موقف يُحسب لها 👏🏻👏🏻

جمهور #اليسا من زمان عم يطالبها بأغاني جرعة الدراما فيها عالية، وإذ فيها بألبومها الـ١٤ تدعس على قلبها وتغرقنا بأغاني بتحتاج لحبوب مهدئة 💊لتقدر تسمعها... وإلا النتيجة تقطيع شرايين عاطفية وانتحار جماعي‼️ بس بعيداً عن المزح، كمية الإبداع الدرامي بهالألبوم مش طبيعية… إليسا عم تلعب على الوتر الحساس بكل أغنية، وعم تثبت من جديد إنو الدراما مش بس لون غنائي عندها، بل هو اساس هويتها الموسيقية

متل ما عوّدتنا دايمًا، #اليسا ما بتقدّم ألبوم لمجرد إنها تصدر ألبوم، بل بتبني من خلاله مجموعة قصص ورحلة فنية وموسيقية متكاملة... البداية مع «كشف الحساب» و«سهلة الأذية»، اللي بيكشفوا كلماتهم بوضوح الحالة اللي دخلت فيها اليسا الاستديو بعد كل المعارك اللي خاضتها. وكأنها قررت تحوّل كل اللي مرقت فيه إلى مادة فنية، وحطت هدف واحد قدّامها هو «الانتقام ودعس» كل مين حاول يوقف بطريق مسيرتها وشغفها الموسيقي… #Elissar

#كاريس_بشار بتفتخر ينحط اسمها إلى جانب اسم #أمل_عرفة، بس بتتحفّظ لما تنطرح المقارنة مع #سلافة_معمار ، انتقائية لافتة في تقبّل المقارنات، لما المقارنة تصير جدّية وبتحطّها أمام منافسة حقيقية، فجأة بيصير عندها تحفظات 🤔 عشنا وشفنا دسّ السم بالعسل بين الممثلات السوريات... ومع هيك، طالع الصيت على اللبنانيات، على الأقل اللبنانيات بيهاجموا بعضن بالعلن وبالمباشر، مش بجرعات دبلوماسية مغلّفة بالمجاملات 😏 ونعيد ونكرر ناديا الزعبي لا تصلح لشاشة عريقة مثل شاشة «ام بي سي» كتير سوقية

كل اللي بيتهم #باميلا_الكيك بإنها حقودة وكارهه شوفوا روحها شو لذيذه ورياضية 🤣 بينما #نادين_نسيب_نجيم حتى بالذكاء الاصطناعي بتستخدم شفافها كسلاح 💋 بس على مين باميلا اللي بتعرف ترجّع كل شي لحجمه الطبيعي بشكة إبرة 🪡🤣

#ناديا_الزعبي من أضعف التجارب الإعلامية على شاشة الأم بي سي، أسلوبها بالحوار بيفتقر للرصانة والاحترافية وعفويتها المصطنعة بتخلي المقابلة سوقية بشكل نافر وأقرب إلى التهريج...فوضى كلامية مغلّفة بإسم العفوية‼️🤡 قيمة الشاشة ومكانتها بتفرض اختيار وجوه بتعرف تحاور وتحترم أصول الحوار، مش كل شخص عنده قدرة على الكلام بيكون مؤهّل لتقديم برنامج حواري…

تصحيحًا وحفاظًا على مصداقيتنا: تبيّن أن «هيصة الجمهور» بأغنية «تعا» للمغني #الشامي لم تكن من إنتاج الذكاء الاصطناعي، بل بأصوات حقيقية… لكن خلّينا نكون واضحين؛ كون الأصوات حقيقية لا يجعل الفكرة مبتكرة أو استثنائية، فـ«هيصة الجمهور» بحد ذاتها مش اكتشاف موسيقي جديد وسبق تمت إضافته لكتير اغنيات. الفرق الوحيد أنها حقيقية وليست مصطنعة، وهذه نقطة ثُحسب للموزّع الموسيقي اللبناني سليمان دميان، الذي اختار الابتعاد عن الذكاء الاصطناعي 👏🏻

بعد أقل من ٢٤ ساعة بيصدر ألبوم #أليسار، وبيتضمّن «شتا الرياض»، أول تجربة لـ #اليسا باللهجة الخليجية بمسيرتها الفنية 🎼 خطوة جديدة ومختلفة، وكلنا ثقة إنّها رح تترك بصمتها الخاصة بهاللون الغنائي، متل ما عوّدتنا بكل تجربة فنية بتخوضها 💿🎶⏳