يُولّيو.

حذاري يا أصحاب من الاستغفال الاستغفال يهدم ما بناه القلب لك ، تماديك بالغلط واختبارك لصبر الليّ يحبك وكأن في قلبه متسّع لا ينتهي بينهيك شخصيًا داخله ، انك تستغفل شخص معطيك عمره فوق عمرك خيانه صامته بحقّه ، والطعن مايكون دايم بسكين ترا ممكن يكون بتجاهل ، بكلمه ماتنقال ، او حتى باعتذار متأخر مثلًا ، وفي كل مرّه ترجع ويستقبلك وكأنك ملاك حتى ظنيت أن الرجوع عادة وبكل وقت بتكون عنده محفوف بالحب ، بنفس الوقت هالروح قاعده تجمّع خيباتك وتبتلعها وبيجي اليوم الليّ "ماعاد تشوفك" أصلًا شيء . عمومًا "القلوب القويّة لاتصفّق طويلًا لمن يسخر من النُبل" -وتساؤل أميمة طالب "كيف تبغى الشوق يرجع؟" كان يجسّد لنا هذا الشُعور .

الوقت مب عُذر أبدًا، الظروف مهما كانت صعبَه ليست عذرًا صالحًا، كتابة رسالة "مُطمئنة" ماتاخذ عشر دقايق ، وإرسالها مايستغرق حتى ثواني .. تخيّل إنك في أقل من دقيقه تقدر تحمي قلب إنسان من الخوف، من القلق، ومن الفزَع -لايهمّ مضمون الرسالة "أمـانها" يكفي .

-عبادي الجوهر يقول : "لهفتي صوبك حقيقة ولهفتك صوبي خيال التردد من يطيقه ما بقى بي طول بال الصبر خلص طريقه والعذر يبقى محال " في عزّ لهفتك وشوقك يا إنسان بس ودّك منه لو بكلمة يبيّن لك مكانتك عنده ، لكن يخلص الصبر و الأعذار ما تخلّص ، تحاول وتحاول لين التساؤلات تزاحم النفَس بصدرك و مايبقى "ليه؟" ما يشيلها صدرك .. -و أخيرًا توصل لأقسى تساؤل يمرّ عليك: عكاز صبري إنكسر .. متى بتمّد إيدك؟.