فیک نیوز الرٹ 🚨 🚨 پاکستان تحریک انصاف کے آفیشل اکاؤنٹ (@PTIofficial) کی جانب سے ایک زیرِ گردش ٹویٹ کے ذریعے جھوٹی خبر پھیلائی جا رہی ہے، جس میں شمالی وزیرستان کے لیے بنائی گئی علاقائی نمائندہ و ترقیاتی کونسل (ARDC) کے چارٹ میں ردوبدل کر کے یہ جھوٹا دعویٰ کیا گیا ہے کہ فہرست میں ایک ایسے شخص کا نام شامل کیا گیا ہے جو کئی سال پہلے دہشت گردی کے واقعے میں شہید ہو چکے تھے۔ یہ دعویٰ مکمل طور پر جھوٹ اور جعلسازی پر مبنی ہے: ضلع شمالی وزیرستان کی علاقائی نمائندہ و ترقیاتی کونسل کے اصل سرکاری چارٹ سے موازنہ کرنے سے ثابت ہوتا ہے کہ پی ٹی آئی کے آفیشل اکاؤنٹ سے شیئر کی گئی تصویر میں ڈیجیٹل ٹیمپرنگ (ردوبدل) کی گئی ہے۔ اصل چارٹ میں وزیر قبیلے سے تعلق رکھنے والے 61 سالہ قبائلی رہنما ملک حاجی شیر محمد کے نام کے ساتھ سفید ٹوپی پہنے اصل حیات کونسل ممبر کی تصویر موجود ہے، جبکہ پی ٹی آئی کی جانب سے پوسٹ کیے گئے جعلی چارٹ میں ان کی جگہ سیاہ پگڑی پہنے ایک مختلف شخص کی تصویر لگا دی گئی ہے۔ شمالی وزیرستان کے اصل چارٹ میں شامل تمام پانچوں ارکان ملک خان مرجان، ملک نصراللہ، مفتی مصباح اللہ خان، ملک حبیب خان اور ملک حاجی شیر محمد باقاعدہ حیات ہیں اور ضلع کے مقامی عمائدین میں سے نامزد کیے گئے ہیں۔ سرکاری چارٹ پر تصویر تبدیل کر کے کسی شہید شخص کو کونسل کا رکن ظاہر کرنا پی ٹی آئی کے آفیشل اکاؤنٹ کی جانب سے عوام کو گمراہ کرنے اور نئی انتظامی کونسل کو بدنام کرنے کی ایک دانستہ جعلسازی ہے۔