Perro Loco

Hoxe visitamos Casa do Rouco, preto de Vilalba, un dos restaurantes máis legendarios de Lugo: construído baixo terra, entre pedra e madeira, e cunha das mellores seleccións de chuletóns da provincia. Seguimos descubrindo recunchos singulares da nosa terra.

Vendima 2026, lista. A man, acio a acio, bancal a bancal, nun día espectacular. A D.O. Ribeira Sacra esixe vendima manual e transporte en caixas para evitar o esmagamento. A uva de Xeomante procede de dúas parcelas familiares. Na adega, procésase o mesmo día.

Percorrendo Chantada: a misteriosa sepultura dobre de Fornas, escavada na propia rocha; e a ermida de San Lucas, erguida sobre o antigo castro de San Amaro. Séculos de historia agochados entre pedras, camiños e aldeas.

Lonxe da Ribeira Sacra, mais dentro da mesma Galicia atlántica que marca o carácter do noso viño. Praia de Area, na costa lucense, onde a terra galega se atopa co Cantábrico.

Hoxe visitamos o Dolmen da Moruxosa e o Altar de Adai. Tesouros xeolóxicos e megalíticos de Lugo. A terra galega faise escoitar.

O mellor polbo de Lugo na Festa da Empanada de Chantada.

A Galicia máxica e os seus tesouros xeolóxicos. Portalén: Din que, se atravesas este portal, podes visitar o máis alá. Só tes que lembrar saír pola mesma vía pola que entraches.

Xeomante é a persoa que practica a xeomancia; aquela antiga técnica de adiviñación que utiliza obxectos terrestres ou figuras trazadas sobre a terra. Este viño é produto dunha visión: ser unha homenaxe aos que nunca deixaron de soñar con atopar o camiño de volta á súa terra.