Muhammad Naeem

قطعِ نظر اسکے کہ میں ارشاد بھٹی کو صحافی سمجھتا ہوں یا نہیں، اسے کنفرم جانبدار ترجمان تصور کرتا ہوں یا نہیں۔۔ قطعِ نظر اس کے کہ کیپٹن صفدر ایک محبِ وطن سیاسی خاندان کے تاحیات داماد ہیں، اور میں اس سیاسی جماعت سے ہمدردی رکھتا ہوں یا نہیں، ان تمام ترجیحات، تعصبات اور سیاسی وابستگیوں سے بالاتر ہوکر آپ کو ایک مشورہ دینا چاہوں گا کہ ارشاد بھٹی کا کیپٹن صفدر کے ساتھ پوڈکاسٹ ضرور دیکھیے۔۔ اس نشست میں بہت سی نئی باتیں سننے کو ملیں گی۔ بعض سے آپ اتفاق کریں گے، بعض سے اختلاف، لیکن گفتگو بہرحال سننے، سمجھنے اور غور کرنے کے لائق ہے۔۔ البتہ اس انٹرویو کا ایک پہلو ایسا ہے جسے نظرانداز کرنا آسان نہیں۔۔ ارشاد بھٹی نے جس انداز میں بے تکے، حد سے متجاوز، ذاتیات پر مبنی اور اخلاقی حدود کو پھلانگتے سوالات کی بوچھاڑ کی، اور جواباً کیپٹن صفدر نے جس مہارت، حاضر جوابی اور میڈیا ہینڈلنگ کی تکنیک کے ساتھ صورتحال کو سنبھالا، وہ حیران کن ہے۔۔ میڈم @MaryamNSharif میڈیا ہینڈلنگ اسے کہتے ہیں۔۔ چند طعنہ زن بیبیوں کو آگے کرکے ابلاغی محاذ فتح نہیں ہوتے۔ میڈیا ہینڈلنگ مخالف کو چپ کرانے یا طنز کے تیر برسانے کا نام نہیں، بلکہ ذاتی حملوں کی بوچھاڑ میں بھی اپنا دفاع کرنے، جواب دینے اور گفتگو کا پانسہ پلٹنے کا ہنر ہے۔ کیپٹن صفدر نے اس نشست میں یہی ہنر دکھایا۔۔ بعض اوقات مخالفین جسے مہرہ سمجھ کر میدان میں اتارتے ہیں، وہی ان کیلئے سبکی کا سامان بن جاتا ہے۔ اس پوڈکاسٹ میں کیپٹن صفدر نے ایسی مات دی کہ یوں محسوس ہونے لگا، اصل ہیرا گھر میں موجود ہے، مگر میڈم چیف منسٹر کی نگاہیں باہر کے کنکروں پر جمی ہیں۔۔ پاکستان کی صحافت میں اگر واقعی غیر جانبداری، شائستگی اور پیشہ ورانہ دیانت کا کوئی معیار باقی ہے تو اسے کیپٹن صفدر کے اس انٹرویو کے بعد ضرور زیرِ بحث آنا چاہئیے۔ کیونکہ جب سوالات صحافتی تجسس کے بجائے ذاتی عناد کا تاثر دینے لگیں اور انٹرویو تحقیق کے بجائے کردار کشی کا تماشا بننے لگے تو پھر صحافی اور سیاسی بھانڈ کے درمیان فرق واضح کرنے کی ذمہ داری خود صحافت پر عائد ہوتی ہے۔۔ 👈 اصل سوال کی طرف۔۔ 👈ایک سوال آپ سے بھی پوچھنا چاہتا ہوں۔۔ ارشاد بھٹی نے کیپٹن صفدر کے انٹرویو میں شریف برادران، نواز شریف، شہباز شریف اور مریم نواز کے متعلق سخت سوالات کئے۔ بعض سوالات تو ایسے تھے جن میں ذاتی زندگی، کردار اور پرانے تنازعات تک کو موضوع بنایا گیا۔۔ بہت خوب! سوال کیجیے، ضرور کیجیے؛ لیکن پھر یہ اصول سب کیلئے ہونا چاہیے، محض مخالفین کیلئے نہیں۔۔ کیا کل عمران خان جیل سے باہر آتا ہے تو ارشاد بھٹی اس سے بھی اسی بے باکی، اسی تیاری اور اسی بے رحمی کے ساتھ سوالات کریں گے؟ کیا کیلیفورنیا کی عدالت کے فیصلے سے متعلق معاملات، سیتا وائٹ کے ساتھ تعلق اور شادی سے متعلق سوالات، ٹیریان وائٹ کی نسبت، کرکٹ کے زمانے میں ان پر عائد کئے جانے والے مالی بے ضابطگیوں کے الزامات، شوکت خانم ہسپتال کی مبینہ یہودی فنڈنگ اور وہاں تجربات کئے جانے کے دعووں، نیز عائلہ ملک سے منسوب مبینہ آڈیو لیک کے متعلق بھی سوالات اٹھائیں گے؟ اور صرف سوال ہی نہیں کریں گے، بلکہ ہر دعوے کی صحت، اسکے پس منظر اور اس کے ثبوت بھی اسی سنجیدگی سے پرکھیں گے جس سنجیدگی کا مظاہرہ وہ شریف خاندان کے معاملے میں کرتے دکھائی دئیے؟ یا پھر عمران خان کے سامنے پہنچ کر صحافت کا لہجہ بدل جائے گا، سوالات کی دھار کند ہوجائے گی، مائیکروفون کی جرأت دم سادھ لے گی اور وہی بے باکی جو دوسروں کیلئے پیشہ ورانہ اصول سمجھی جاتی ہے، یہاں بے ادبی قرار پائے گی؟ صحافت کسی سیاسی جماعت کی ذاتی جاگیر نہیں، نہ کسی لیڈر کی مدح سرائی کا ٹھیکہ ہے اور نہ کسی مخالف کی کردار کشی کا لائسنس۔۔ اگر شریف خاندان سے سوال کرنا صحافت ہے تو عمران خان سے سوال کرنا بھی صحافت ہے۔ اگر ایک خاندان کی نجی زندگی سے متعلق متنازع معاملات پر سوال اٹھانا آزادیِ صحافت ہے تو دوسرے سیاسی رہنما کے متعلق قابلِ تحقیق معاملات پر سوال اٹھانا بھی اسی آزادی کا حصہ ہے۔ البتہ ہر سوال کے ساتھ ثبوت، سیاق و سباق، قانونی احتیاط اور جواب سننے کا حوصلہ بھی لازم ہے۔۔ ورنہ یہ صحافت نہیں، سیاسی پسند و ناپسند کی دکانداری ہے، جہاں مخالف کیلئے سوالات کا تازیانہ اور اپنے پسندیدہ رہنما کے لئے تعظیم کا قالین بچھایا جاتا ہے۔۔ 👈اب فیصلہ آپ کیجیے۔۔ کیا آپ بھی عمران خان کیساتھ ارشاد بھٹی کا ایسا ہی بے لاگ، بے باک اور سخت سوالات پر مبنی انٹرویو دیکھنا چاہتے ہیں؟ کیا صحافت کا ترازو واقعی سب کیلئے ایک ہونا چاہیے، یا پاکستان میں سوال پوچھنے سے پہلے یہ معلوم کرنا ضروری ہے کہ سامنے بیٹھا شخص اپنا ہے یا پرایا؟ بالخصوص @IrshadBhatti336 کو صحافتی آداب، اخلاقی حدود اور پیشہ ورانہ ذمہ داریوں کا سبق ازبر کروایا جانا چاہیے۔۔