كل شيٍ يزول الى نوى الله زواله وكل نفسٍ تعيش من الليالي تعلّم ياكبر غارة الدنيا على كل داله غير ماتفجع الا غافلٍ ماتولّم فاقدٍ لي عزيزٍ راح واللي بقى له ذكرٍ يفوح طيب وعهدةٍ ماتسلّم ودي احب خشمه وانشده كيف حاله غير انا مالي الا امرّ قبره واسلّم قلبي اللي من اللوعات ياما جرى له ينزف من الجروح ويجحد ولا يعلّم خايفٍ مثل خوف المذنب من العداله وباهتٍ كنّه القصر القديم المظلّم الله يعيننا ويظلّنا في ظلاله يوم الافواه تسكت والجوارح تكلّم

المملكه من فضل ربي حصينه ولا عليها الا من اللي جعلها قلب الخليج النابض ونون عينه القبله اللي ماندور بدلها 🇸🇦 يصونها من صان عرِضه ودينه لاهاجموها اللي يحسدون اهلها قلوبهم ماتطهر امن الضغينه حتى لو ان غرّ المزون اتغسلها

الطيب ماهوب كله في ( قضيّا اللزوم ) الطيب بذل العطا الواجد ورفض العطا

من يشوف وضع اخواننا بين جوع وخوف تلاشى الكلام اللي على خاطره كله انا مونسٍ من حالهم حرقةٍ في الجوف مثل حرق " صلو الجمر " في عاتق الدله لاقامت على الاسلام حربٍ على المكشوف مع المسلمين " اللي نصرهم وهم قلّه " مثل ما السجين يعيش ولا يمدّ الشوف مانقدر نعيش احرار والقدس محتلّه #غزه_تموت_جوعاً