Rawan ♛

من المواقف اللي صج خلتني أعيد نظرتي بأحد الأشخاص إني كنت أعرف وحدة من قبل لا تصير فاشينستا وقبل لا تعرفها الناس وقبل لا يصير لها اسم ومتابعين وكانت بينا معرفة وكنت أشوفها إنسانة عادية مثل أي أحد بس سبحان الله الأيام دارت وتغير وضعها وصارت معروفة وصار لها جمهور ومن يومها وأنا أشوف منها تصرفات ما توقعتها لدرجة إن إذا شافتني تسوي نفسها ما تعرفني ولا كأن بينا معرفة من قبل تخيلوا إن شخص كان يعرفكم قبل الشهرة وقبل الأضواء وفجأة عقب ما صار معروف صار يتعامل معاكم كأنكم غربا وكأن معرفتكم فيه شي المفروض ينكره والله إن مو الشهرة اللي ضايقتني ولا إن حياتها تغيرت بالعكس الله يزيدها من فضله لكن اللي صدمني إن الإنسان ممكن تتغير نظرته للناس بهالسرعة وممكن ينسى العشرة لمجرد إن صار عنده اسم وصار الناس تعرفه ترى مو كل من صار فاشينستا صار له قيمة أكبر ومو كل من زاد عدد متابعينه ارتفع قدره بعين الناس لأن في فرق بين شخص كبرت شهرته وشخص كبر عقله وأخلاقه والفلوس مو عيب ولا الشهرة عيب لكن العيب إن النعمة تخلي الإنسان يشوف نفسه على غيره وينسى إن الناس اللي كان يعرفهم قبل لا يعرفه العالم مو أقل منه بشي وأكثر شي يضحكني إن بعض الناس تحسب إن محد ملاحظ تغيرها وإن تجاهلها للناس يعطيها هيبة ومكانة وهي ما تدري إن هالتصرفات ما تكبرها بعين أحد بالعكس تصغرها الحمدلله إن المواقف تكشف لنا معادن الناس لأن مو كل شخص خسرناه يعتبر خسارة ومو كل شخص كنا نحسبه غالي يستاهل المكانة اللي عطيناه إياها الله لا يغير علينا إلا للأحسن ولا يجعل النعمة سبب في تكبرنا على خلقه لأن بالنهاية محد ياخذ معاه لا فلوسه ولا شهرته ولا عدد متابعينه لكن الناس تتذكر أخلاقه ومواقفه وبعض الناس فعلًا الشهرة ما غيرتهم قد ما كشفت حقيقتهم 🤍