O₃

يعني إنتي معتبرة الصلاة عادة مو عبادة، صح؟ لأن لو تشوفينها عادة، عادي تتركينها أسبوع أو سنة أو حتى سنتين، وبعدين ترجعين لها متى ما تبين، لكن لو استشعرتي إنها عبادة فعلًا، والله العظيم حتى لو الدنيا كلها حولك حرب، بتلقين نفسك تحرصين على الصلاة لأنك عارفة إنك واقفة بين يدين ربك حاولي تستشعرين إنك بين يدين الله، بالله مو شعور يشرح الصدر؟ تحسين بالأمان والطمأنينة وإنتي بين يدين العزيز الحكيم، بين يدين خالقك اللي بيده حياتك وتوفيقك ورزقك، واللي يسمع دعواتك ويعلم بكل شيء في قلبك، وكل شيء تتمنينه وتحتاجينه هو القادر عليه الصلاة مو مجرد حركات نأديها ونخلص، الصلاة وقفة بينك وبين ربك، تلجئين له فيها وتفضفضين له عن كل شيء بقلبك، وتطلبين منه العون والراحة والهداية ، فلا تخلينها مجرد عادة تسوينها خليها عبادة تقرّبك من الله وراحة لك ونصيحتي لك لا تحاولين تلتزمين بالصلاة لأنك تحسين إنك مجبورة، التزمي لأنك تبين تكونين قريبة من ربك ابدي من اليوم لا تقولين بكرا أو إذا تعدلت نفسيتي أو إذا صرت أحسن لأن الصلاة مو بس للإنسان اللي حياته مرتبة ونفسيته زينة الصلاة نحتاجها بكل حالاتنا، بفرحنا وحزننا وضعفنا وقوتنا ومهما قصّرتي ومهما كثرت ذنوبك، لا تخلين الشيطان يقنعك إنك ما تستاهلين تصلين أو إنك بعيدة عن الله لدرجة ما تقدرين ترجعين له لأن باب التوبة مفتوح، وربك رحيم بعباده وإذا فاتتك صلاة، لا تخلين الشيطان يستغل هالشي ويخليك تتركين باقي الصلوات، ارجعي وكمّلي وجاهدي نفسك حافظي على فروضك الخمسة وحطي منبّهات وحاولي تفهمين معاني الآيات اللي تقرينها ومع الوقت بإذن الله بتبدين تستشعرين حلاوة الصلاة ولا تنتظرين لين تحسين بحلاوتها عشان تلتزمين أحيانًا الالتزام يجي أول وبعده تجي لذّة العبادة والطمأنينة وتذكّري إن الدنيا مهما أعطتك من أشياء، ما فيه شيء يعوّضك عن قربك من الله، وإنك مهما ضاقت فيك الدنيا، عندك رب يسمعك ويعلم بحالك، تقدرين توقفين بين يدينه وتدعينه بكل اللي في قلبك فلا تحرمين نفسك هالشعور وخلي الصلاة موعدك مع الله مهما كانت ظروفك لأنك مو بس تصلين عشان تؤدين فرضك إنتي تصلين لأنك محتاجة ربك بكل لحظة من حياتك