االفاضي

﷽ ﴿ قُلْ هُوَ اللَّهُ أَحَدٌ ۝ اللَّهُ الصَّمَدُ ۝ لَمْ يَلِدْ وَلَمْ يُولَدْ ۝ وَلَمْ يَكُنْ لَهُ كُفُوًا أَحَدٌ ۝ ﴾

بانت اللي تنثر المسك من قبل الختام كل ما وقفت بكفه رجح مكيالها اقرب من الروح وابعد من حدود الملام ما ينافس كبرياها يكود ظلالها ان مشت بين المخاليق في وسط الزحام كنها تمشي على الارض بس لحالها غيداً تثر المحاسن وتجتث الظلام مابه من الغيد منهو شرب فنجالها ان نصاها اللي من الضيق في صدره كلام من حلاها كل كلمه رجع ماقالها ضعت فيها ضيعة اللي ماعين له مرام بين برقً من ثغرها وحبة خالها ودي ارد عندها مثل ميراد الحيام واقرب من العد واشرب وانال وصالها كل يوم وكل فرصه ووقت وكل عام ما نزود بيعة العمر عمر الا لها مرخصً وقتي وجهدي لممشوقة قوام مستعد ابيع عمري واعيش قبالها.

ياعديل الروح رد الروح قبل تموت غله رد للعاشق صباه ورد له ماضي سنينه بالشواهد والثوابت والحقايق والادله ما بعد بعدك غناه ولا بعد وصلك غبينه جل منهو فارقك عن كل حزب وكل شله فارقً عندي مثل فرق الصغير لوالدينه التأمل فيك من باب النظر في بدعة الله كل وصفً فيك زين وكل حاجه فيك زينه القمر لو توقف بجنبه شغلت الكون كله كيف تلقا الناس فارق واحدً بينك وبينه.

من الأيام أخذت الضيق كله يا نهار السبت حسافة ليه ما خلّيت ضيق لبكرة أضيقه جعل فيك الله من الريب و من الحزن و من الكبت ما لا ربي جعل في وجه غيرك من مخاليقه ياعنك إنّي ليا من وايقت شمسك علي ارتبت ما كنّي غير من يدرا الخناجر عن معاليقه يصبرني على وجعاك سجّاتي فبطن الخبت و غروٍ جعلني ما اعتاض في صافي عسل ريقه أبو عودٍ لو يتوب الهوى عن الهوى ما تبت من مجاذب ثماريه المراديم و مواريقه ياكثر الرزق في وجهه وكثر الما و كثر النبت ويا كثر القلوب المرجهنّة في صناديقه صدفته في دروب العابرين و رحت له ما هبت واخذته من عشاشيق الزمان و من مطاليقه تعللنا بدايات الصبابة لين شاب و شبت على الحب العفيف اللي تشوف النفس توفيقه أنا لولاه ما غنّيت ما أغنّيه و لا جبت من طروق المحبة طرق يالولا طواريقه خذاني لين صار إن غاب عنّي عن حياتي غبت عسى لا غاب همّي تقدر الأيام تفريقه يكفيني من الضيقات ضيقي في نهار السبت حسافة ليت خلّا ضيق لا جا بكرة أضيقه.

البارحة كل المساري مشاريه البارحة كل الذنوب محسوبة البارحة ضيق وكدر خاطر و تيه كن السما بجبال الأرض محجوبة رددت ليه و راح ليلي على ليه وأصبحت والسهران صبحه عقوبة منين أبلقى لي طريق أخضر أمشيه؟ ومنين أبلقى لي عن الحزن توبة؟ حتى القصيد اللي سعة خاطري فيه والله ماعاد اللي تسلي دروبه

ما ارتعد سلسال ناسعة الفضايل في نحرها تبتسم مع كل هزة جذع وتقول محميّه كلما هبت نسايمها على وارف زهرها قالت لكل الديار استأمني نجدك عذيّه السماء لبسّتك الغيم وتهادى لك مطرها والرعد سما عليك ولبّس الأرض برديّه ما على شبه الجزيره خوف وانتي من ديّرها في سنا نورك طموح وفي مدى قوتك فيّه ارجفوا عدوان دين الله وربي ما نصرها يحسبون الشرع و المله قتل نفسٍ بريّه ارجهني وجهك الأبيض ما شوهتّه صورها دونك اللي في رضا نفسك مخلينك وصيّه ما عليك خلاف وانتي شمس الأوطان وقمرها لو تطاولك ألسن الأعداء لا زلتي أبيّه ضمّت اطرافك من اقحاح العرب ناسٍ أثرها لا يزال يجدد أمجادك مع كل أولويه لك ولانا لو نجوب الأرض ونهيم فسفرها تختلف الأسما ويجمعنا على حبك هويّه من نشت روحه على حدك يضمك لاحتضرها وده يموتك شهيد وودنا بالموت زيّه.

رساله....أرسلت ولم تقرا.....

أطلق الليل حر الصدر من ماكره من عذابات شوقك يالجديد القديم كم مضى للوعد و أنا أنتظر باكره كن موعدك فآخر يوم باكر مقيم لو صفا الود منّك ماني بناكره لكن اشتقت والمشتاق حرفه عقيم لدّ لي نجلك السجّادة الشاكرة خل دمي يفور و خل قلبي يهيم فاكرك والشعور اللي معك فاكره كيف بأنساه ما ينساه غير الغشيم والله إني لغرّتك الشعر حاكره مابعد ذاق غيرك من سحايبه ديم وكل ما مرّت طيوفك على الذاكرة مرّ صدري من الجنة هبايب نسيم.

ميلي شوي في عودك علي يا غزالة لين وجهي على دمثا نحرك ايتغشّى أنتي لحال و العالم بزينه لحاله ما لحد معك من كل البدايد معشّى فيك شيٍ من الأيام حالته حالة وفيك شيٍ من أصناف اللذايذ محشّى غير وجهٍ من الجنة جمال و جمالة ومنحرٍ من خرز لول الجناين موشّى كنت ظالم و فعيونك لقيت العدالة ورحت ماشي لك و خليت غيرك يمشّى وكنت قبل أخلص لحبك بتيه الضلالة وجيت مثل الدوا قبل الضلالة تفشّى جعل عمري على عمرك يبرك رحاله ياعذابٍ من السم السقطري منشّى عنك لا نفسي مصدة ولا القلب داله لين منّك مجاويع الضماير تعشّى.

لعيونك السود حتى اسلوبي ابتكره الشعر يزهاك وابداعي يساعدني مغير اداريك وش ترغب ووش تكره وعلى كثر ما اتقرب منك تبعدني الحب ماينوخذ من صاحبه مكره يسرق من القلب خلسه وان ظهر يدني ماراح تفقدني الليله ولا بكره لاقامت الناس تبكيني بتفقدني.

جابك الشوق وإلا أني في بالك خطرت ما يهم المهم أنك تجيني و أجيك أشعل الليل يا وجهٍ لقربك صبرت كن مالي سعادة غير منّك وفيك كنت أنا والمساء والشوق ولا شعرت غير أنا والمساء والشوق وأنت بيديك عطني من الهوى ما جاد وإن ماقدرت أصبر أقرأ عليك من القصيد يهديك لا تعذر وأنا اللي من حنانك كبرت لين صرت أدمنك وأتشفقك وأشتهيك أنت بايامي الغره قطعت وعبرت ولا أنا تدري أني بالعمر مشتريك لو أعذر الظروف الممحلة ماعذرت الجفا اللي تدرى فيه مثل الدريك يا حبيبي يطول الشرح لو اختصرت وين أبلقا بشر مثلك وأحطه شريك كلما خابت الهقوة بأحد وانكسرت قمت اللملم شتاتي واتوجد عليك كم على ضوّ طيفك في غيابك سهرت وكم قصيدٍ كتبته فيك ولا يجيك كيف أجاريك و أجازيك في مابدرت وانت حتى الغلا والحب ما يحتويك راح فيك الزمان الشين ولا نكرت الاحاسيس هذي والليالي هذيك يا كثر رغم بعدك ما كرهت وخسرت لين صرت أنتهي غيرك وأردّ أبتديك.

طاحت الشمس في حضن الجبال وجفاك اشرق بعيني اللي منه ادميتها قلت لي لاخر المشوار ببقا معاك وغبت ب أوّل محطة ما تعديتها روحي اللي تحرّت في غيابك لقاك عاتبت ساعة الفرقا و توقيتها كنت غالي ولا زال بخفوقي غلاك العهود القديمة ما تناسيتها بين طلة بهاك و بين نظرة دهاك اسرفت روحي لوصلك ولا جيتها كيف اخلي رضا العالم وادور رضاك و أنت حتى ليالينا تحاشيتها يوم خليت نفسي تندفع في هواك ليه خليتها تشقا و خليتها وليه غبت وغيابك كيف جاك وخذاك أسئلة ماتت بصدري ولا أحييتها مابقا غير ذكرى برقها في سماك اخذت العمر بيديها و خاويتها ضاع عمري معاك وضاع عمري وراك و العزاء للحياه اللي تمنيتها ادفن البوح في قبر المكابر هناك و عبرتي عن عيون الناس خبيتها اتخطا المصايب واتخطا الهلاك بس ليلة فراقك ما تخطيتها.

وشلون باصبح على قل اهتمامك صبور وانا اتغذى على لبيه منك والو ينعش غلاك الضمير ويستثير الشعور واللي يشوفك يصيبه في غرامك غلو حضورك اليا حضرتي يستفز الحضور للناس ما تنظرين الا بنظرة علو اذا رضيتي هنا واذا زعلتي سرور في كل الاحوال وجهك يا مليحه حلو.

أبطيت ما حرّك ركونك قاف يالضلع المنيف والارض ما سالت بواديها وهبّت نودها أتلا العهد بك يوم للبارق من المنشى رفيف وحبال صوتي وابل المزنه يحل عقودها قبل الغصون يحتّ خضر أوراقها فصل الخريف وتضحّك الدنيا هبايبها على عنقودها حوّلت من وسقك وانا عايف ومحوالي كليف وتقودني رجلي عن المحوال وانا أقودها إن غبت تبكيني عيون الشعر والخبت المريف واللي على أدنى طاريٍ منّي تفل جعودها يا كثر ماتومي بي الدنيا على الجرف المهيف وأصد عنها لو معاليقي تبيح سدودها ماودّي أجرح عنقها الوضّاح والقدّ الرهيف وأنا وعد ضحكة ثناياها وأنا موعودها ولاّ ترا الأيام لذّتها على المشتاق زيف ماهي بقاطعةٍ ظما روحي لراوي عودها غيداً يباريها النسيم العذب ويدفّ القنيف كن الهوا الغربي هواها والسحاب حدودها عيّت تخلي للحيا طاري وللنسمه مصيف إلا على جرّة مواطيها وحمر خدودها أخير لي من جرّة الطاروق فالظّل الوريف جرّ النسم ما بين لبّتها وغضّ نهودها لاجات واللهفه تقود عنانها خطو العسيف ومن الغيا تنقض ظفايرها وتغضي سودها خطواتها وحده لعاشقها و وحده للنكيف خطرٍ تحس القاع ويصح الغرام رقودها ماكنها إلا اللي تقول ليا لقيتو لي وصيف يمكن عيال إبليس للجنّه تروح وفودها قولو لها وليا تباطتني وأنا وقتي معيف ترخي على بارد فرايصها دفا منضودها ماني بناسيها وأنا بالي لطاريها مضيف إلا أن مكه ما تبّل المحرمين عدودها إما يشّح الوقت ويحرم الوليف من الوليف وإلا يردّ الوقت فاقدها على مفقودها.

جاء على بالي ...اسمع لحمد الطيار

منازل نافر الشّقة من الوسمي سقاك السيل يهوينّ المنازل و أنتي أنتي ما بعد هنتي عرفتك قبل أذوق الحب من ظبيك و أذوق الويل وجيتك من سماوات الشموس لظل مسكنتي على أنها ما تمشّت في مداهيلك قدم جبريل أحسك من شفيف أنوار خطواته تكوّنتي لو إنك من الدهر كنه نفخ بترابك إسرافيل أشوفك من وهج ماضيك بالجوهر تزينتي هنا كان أوّل أيام اللقا بك يا عروس الجيل هنا طوّل سوالفنا المجادل لين ما لنتي هنا كان العناق يلم في حضنه فم التقبيل هنا كان الزهر يزهر بصدع الجدر الإسمنتي هنا كل السنين النابتة من تربة التبجيل وما كانوا هنا ويّاي لو ويّاي ما كنتي على الغيدا الغنوج اللي ثناياها مناهل نيل ينافس صفق قلبي صفق موج البحر الأطلنتي وحيدة ناظري كنت الوريث و كنتي الإكليل تعالي للأواوين احسمي لي عرش سلطنتي تعالي للمكان اللي جمعنا نشعل القنديل ما دامي ما تلوّنت و ما دامك ما تلوّنتي تعالي قبل يهدم بيتنا جيش أبرهة بالفيل ترى ما عاد باقي من الحبايب غير أنا و أنتي.

ياروتيني إللي جمل فعيني الروتين ماكنت ادري التكرار مع حضرتك مغري لاصرتي علي مثل النسانيس في تشرين تطول السنين الغبر ماضيقت صدري فداك العمر والمال يفداك لو بتجين احب المصاري صح بس ماني بمصري عطيني من الاحساس مايقدره قلبين انا وضعي العادي مثل وضعي المزري يهب الهوا منا وافكر تجين منين هذا اكثر سؤال البارحه شاغلٍ فكري لو إنك ماهميتيني تجين و تروحين ماتاخذني اللهفه على شارعك بدري تطلين و تعم السكينه من تطلين على قلبي العيّ وعلى احساسي الثوري يهب النسيم العذب ويزيد لينك لين ونغني انا والليل والغصن والقمري قبل عودك المبري ماعرف المبره زين وعرفت المبره زين من عودك المبري امسي على الحلوين واسامر الحلوين هم إللي بعد ربي يزيدون من عمري ماحب الضياع الا ضياعي معك تدرين ليا ضعت بين ثنين عنابي و نمري تشوفين نفسك لامشيتي على الباقين مثل عفريٍ مذعور واجمل من العفري على خبرك اشوفك جميله مامنك ثنين وجمالك طموح الاغلبيه على خبري دعت عينك وشفتي من عيوني الامين تقولين وش دراك اقول المحب يدري انا فاهمك من طاحت العين وسط العين لو تكلميني بالفرنسي وبالعبري اغني لك العصما واغني لك البيتين بوادر محبه سقتها لوجهك البدري تبعني بعد حبك شريحه من الغاوين من سلوبك الهادي طغا سلوبي الشعري.

قلبي اللي كل يوم اعاتبه وانبش جروحه كل ماهبّت نسانيس الهبايب تستبيحه لي ثلاث سنين اكافح رغبته واكسر جموحه ودي انه يستريح مع القلوب المستريحه مايجّنب عن مطاليبه ولا يبعد شبوحه لين يمسي في مهب الريح والديره فسيحه في حجا ضلعٍ كواسر فيّته تاصل سفوحه يشرح الشاعر ضميره فيه وتهيض القريحه لو تحوّل به بيوت الشعر من عالي صروحه نظرته دايم بعيد ونيته دايم صريحه نوب في شعره حلاوة نوب في شعره ملوحه شي في حمر العيون وشي فالعين المليحه ياوليف الروح ياللي لك ورى الاضلاع دوحه أقفت الايام والعشره مواردها شحيحه ادرك العاشق بحبل الوصل قبل تروح روحه واعطه الحب الحقيقي قبل تعطيه النصيحه من لقي منك الغلا يكفيه عن باقي طموحه مايعيش الا على طاريك لو كبده جريحه يمكن انك تجرحه ويجيك يطلبك السموحه أنت حتى الغلطه اللي منك يحسبها صحيحه.

ظنون الجفا بين الحبايب تجيب الظنك لا يلحقك شكه فالحياه الغراميه غلاك يتنامى فالحشا مثل قرض البنك ما تثر عليه الأزمه الاقتصاديه لكن أستبيحك عذر لو اني أبطي عنك مصير الليالي تجمع الحي مع حيه أنا منشغل تفكيري مع اللي إغلا منك وانتي عاد ما إغلا منك غير السعوديه.

على كثر ما مرّت الفرحه على قلب الملول ما قد لقيت الفرحه اللي فالمحيا تبتسم كم مره احبّك لي قصيده لين اوقفها و اقول حرام هذا الوجه ما ياخذ من الحبكه قسم مرابعي لك فالحشا وش يمنع تصول و تجول و اعلق فنحرك قصيده زاهيه من دون اسم قم اطلب الي تطلبه و يصير يا الطرف الخجول انت النسم لا تزعل و تقطع علي مجرى النسم بعدك ذوات الحسن ما فيهم من احسان وقبول راحو فدا خصرٍ على عنقك من اشباهه بسم الله عطاك من الدلع ما يأسر ألباب العقول و من المفاتن والعذاب الي على ذاك الجسم لا تقول بانك تتسم بالزين و الظبي الجفول الزين و الظبي الجفول اللي بزينك تتسم ما ولدت الي تشبه اوصافك على مر الفصول انت الوحيد الي جنابك جيّته مثل الوسم و شلون تخفي دمعتك و تقول لي ماني زعول و انا اعرف احساسك رقيق ارق من ريش الرسم حتى القمر في طلتك يرضى من انصاف الحلول هذي حقيقه و الحقيقه ما تبي فصل وحسم.

🇸🇦🇸🇦🇸🇦🇸🇦