نايف حمد السّعيد

بيدري الموسم ده قد يكون افضل خط وسط في العالم بسبب العظمة اللي بيقدمها في كل المباريات هو اللي شايل خط وسط برشلونة دايما ، اكتر بكتير من رودري بيقدم للمشاهد متعة بصرية ملهاش حدود والله مشكلته ان برشلونة شرس هجوميا وبالتالي المدح كله بيروح لرافينها و لامين ، لكن لو ركزت مع بيدري هتشوف سحر قطع كرات موجود استحواذ عالكورة موجود تمريرات بينية موجود تحكم في المباراة موجود زيادة هجومية موجود ضغط عكسي موجود الراجل في الموسم ده بيقدم النموذج المثالي لخط الوسط اتمني يستمر علي كدة

برشلونة هو اقوي و امتع فريق في العالم حاليا و بفارق كبير عن اي نادي اخر ممكن تعترض و تقول ان فيه اندية لو لعبت في الدوري الاسباني هتكسب اول 6 ماتشات لكن اللي مش عادي انك تلاقي فريق بيكسب 6 ماتشات و هو مسجل فيهم 28 هدف و صانع عدد فرص محققة مهول و اهداف متوقعه مرعبة تخيل ان برشلونة النهاردة سدد 29 تسديدة ، بمعدل كل 3 دقائق بيسدد كورة صنع 12 فرصة محققة ، بمعدل كل 8 دقائق بيصنع فرصة محققة متوقع يسجل 6.5 هدف و ده رقم مرعب برشلونة الموسم ده داخل يكتسح كل الاندية داخل يبعث رسالة لكل اندية العالم و يقول انا رجعت بكل قوتي ويبقي السؤال من قادر علي ايقاف طوفان برشلونة ؟