نبض المشا؏ـر

: لو كان دمعي يوزّع ، بين هالمسلمين كان المدامع بـ عيني . . للبشر ، كافيه ولو مـ الاجر وعد ربي الكون للصابرين ان كان بيّن بـ وجهي . . علـة ٍ ، خافيه اقسم بربي جريح وفوق جرحي حزين وكل العوالم بعيني . . ماهي بـ صافيه ماغير اردد لجرحي . . قولة : الله يعين تبقى لقلب الجريح . . الكلمه الدافيه برحل ، ولو زاد شوقي داخلي والحنين ما كـل ذكرى جميله . . بالزمن وافيه دام الموادع ، بداية . . سيرة الراحلين يالله بـ غيمة براد ٍ . . عالصدر ضافيه بـ أودّعك يالحبيب اللي حفظته سنين فمان ربي . . واشوفك وانت في عافيه #ابولميس :

: اشباح . . لـو كانوا حقيقين صوره و ازوالهم من رهبة الضيق ، تنزاح كنّا هنا . . و الحرف فاح بـ عطوره و اليوم ، كل ٍ في يده عطر ، مافاح غصـة قصيد الوجد تغتال . . زوره يوم الفرح وقّف على دربه ، و طاح العالم أثْره ، لـو يسرّك . . حضوره يبقون ناسه من ورا الشاشه اشباح #ابولميس :

يارب . . والدنيا تضيق . . ولو بها فجوج ٍ وساع غيـر السعد . . ياربي . . الدنيا علي . . تستكثره يارب . . في محكم كتابك . . ( إنما الدنيا متاع ) لكن ضعف قلوبنا . . شـاف السعاده . . مدبـره واللي تقرّب لك شبر . . من رحمتك ، بتجيه بـاع ومن جود عطفك رحمتك قبل الطلب والمغفره لا ماجزعت من القدر ، وامرك على الدنيا مطـاع لكنّي ، بحمل ٍ ثقـيل . . آخـاف . . ماعـاد اقـدره اعيش في حالة هدو . . واعيش في حالة ضياع شتات فكر . . وقل حيل . . وهم ليل . . وبعثره يقبل صباحي . . غير شمسه دون نور ولا شعاع والليل . . مل من الونين . . اللي بصدري يسهره صدري من اول لو قست دنياي . . تلقاه بصراع وامشي على ضيم الكسر . . لين اتعوّد ، واجبره اما انكسرت من الزمن والا انكسرت من الوداع وابكي من الحيّين . . قبل اللي بـ جوف المقبره في بحر تيه . . ولا معي مركب ، ولا ريح ، وشراع واذا نجيت من الغرق . . والا البحر . . يامااكبره وكفوف وقتي مااكتفت تلوي مـع الوقت الذراع تمسك ضلوعي ضلع ضلع ، وكـل زفره تكسره واغمّض عيوني غبـن . . واتعذّر بـ كثـر الصداع والناس ، حتى الميّت اللي . . بالقبر . . ماتعذره حتى . . مع اللي لامني . . ماعاد فيني . . للدفاع وآحب جداً وحدتي . . ولاآحب كثر . . الجمهره بردت . . حتى من شعور . . أوّل اجيه بـ اندفاع لين انطفيت ولا بقى . . بالوقت شي استشعره يارب . . هوّنها علي . . لو كنت مذنب ، للنخاع ان نلت عفوك . . مابقى . . ماهمني لو اخسره اعيش ياربي صدوق . . ولا يجي وجهي . . قناع وان مت . . فالدنيا كذا . . باب وطريق ٍ نعبـره #ابولميس