Nouf Alghamdi

اللهم ارزقني حسن الخاتمة يا أرحم الراحمين، اللهم ثبتني عند سؤال الملكين، وأجعل قبري روضة من رياض الجنة ولا تجعله حفرة من حفر النار.. اللهم الجنة ونعيمها ولذة النظر لوجهك الكريم ..

دعوة ادعيها من سنوات ولا زلت .. اللهم ارفع شأني وقدري دنيا وآخره .. اللهم اجعل كتابي في عليّين واحفظ لساني عن العالمين ..

يارب اجمعني بكل شيء حنون .. يارب طول مسيري بهذي الدنيا أنزل الطمأنينة على قلبي والسكينة على روحي وقوّي عزمي بحولك وقوتك وحدك..

اهم شيء إنك على الأرض موجوده .. وباقي الأمور واللي وراها هواين !

رأى جانبها المظلم، فملأه بالنور !

أنا اتفهم اللي مروا بتجارب صعبه في علاقاتهم.. سواء صداقه سابقه او زواج سابق .. اعرف تمامًا ان بعض المشاعر تتكون .. والتوقعات للمستقبل تتغير .. وانك تحتاج وقت لاسترجاع توازنك واطمئنانك وبناء الثقه في علاقات مستقبليه بعيدًا عن ترسبات ونتائج افعال اشخاص في الماضي ولا لهم وجود في حاضرك.. واعرف ان مشاعر الحذر والخوف تحركك احيان، وابتعادك عن اي مواري تذكرك بشخص ما وما عاد تبغى تشوفها مدى حياتك ومع اي شخص آخر مستقبلًا .. لكن اللي ابغى أوصلّه .. لا تخلي أعمال شخص بالماضي تتحكم بمسار اختيارك وتهميش معرفتك بالشخص اللي انت معه .. راح تظلمه وتخليه في قالب قديم مصنوع في ذاكرتك .. تعامل مع الشريك او الصديق الموجود بحاضرك او راح يكون بمستقبلك كفصل مستقل بدون تهميش للي تقبله انت واللي ما عاد تقبله .. لكن لا تجرّده من استقلاليته واطباعه وشخصيته وتمحي كيانه عشان آثار انت ما زلت شايل أشخاصها ككيان كامل معك وتقولب الناس الجديده في قالب اشخاص ما عاد تبغى تتذكرهم ! بتدخل صداقه جديده عامل صاحبك كشخص ماله علاقه بأصحابك اللي خذلوك بالماضي، وخليك واضح معه في علاقتكم .. نفس الشيء بتتزوج وبتنقل قالب الشخص اللي انفصلت عنه معك، فهنا لا تظلم نفسك ولا تظلم اللي بترتبط فيه .. لانه مهما قدّم لك وضغط على نفسه راح تظل تحطه بالقالب القديم عند اول خطأ او زعل يصير ! الماضي فايدته لك انك تعرف وش الصح اللي سويته والخطأ اللي ارتكبته واللي تقبله نفسك واللي يكون عندك غير مقبول وخط احمر .. كل هذا توضحه للشخص اللي بيكون معك بدون القولبه! مع الوقت عقلك راح يلعب دور المظلوميه وان الناس سواسيه وانا الطيب المسكين .. ركّز بداخلك قبل تظلم اي احد قريب منك وتخلّص من كيانات الاشخاص اللي خذلوك او اذوك ..

ليش بعض البشر يزعل او ياخذ موقف إذا الشخص اللي قدامه اختار راحته وما تعدى عليه ولا أذاه .. احترام رغبات البشر إذا هو بداخلك ما راح تزعل من اي شخص اختار راحته ويعمل اللي يناسبه بغض النظر عن موافقته لرغباتك او نظرتك عمومًا !

يا مبسمٍ كل ما شفته، قلبي تهنّى ..

عسى المكتوب في نوڤمبر كله خير ..

أثاري العمر برفقتها رحابة 🧡..

جرعة ارتواء لروحي ولمزاجي 🧡

امس تمنيت .. واليوم ربي يسّرها لي مع صاحباتي وجلست اغلب اليوم بجو مليان ضباب من الظهر إلى آخر المساء ♥️ الحمدلله .. اني بس التمست حصول أمنية بسيطه هذي نعمه بالنسبه لي ..

WILD drone show in Sheffield 💛 I had the best day ever!

شفت شباكي ولقيت الدنيا ضباب ما كنت عارفه ان الأجواء اللحين كذا .. ليتني اقدر امشي بمثل هالجو 💔 احب الضباب مره

أنا إنسانه ما تتحمل الصوت العالي خاصة وقت العصبيه .. التزم الصمت وأغادر بكل هدوء بمجرد ترتفع طبقة الصوت وتصير عندي ردة فعل عكسية وغضبي من هذا الصراخ والأسلوب هو صدّتي من كل قلبي ويصير بداخلي شيء تجاه اي شخص عنده هذا الأسلوب .. احب يكون الجو فيه موده حتى رغم الخصام .. نتكلم بكل هدوء وبدون نغلط او نجرح او نقلل من اي شخص ثاني.. بالنسبه لي تبان الحنيّة من الاشخاص المقرّبين لي واللي احبهم ويعنون لي في مثل هذي المواقف، إذا هي جد او فقط شيء يتغنى به الشخص امامي .. أنا رحومه وحنونه حتى وقت الخصام وما أرضى احد يعاملني بقسوه ويتعدى علي في هذي الحاله حتى لو بحثت له عن اعذار الدنيا بيظل بقلبي شيء..

كل من شافك يحبك، ومين ما يهوى الجمال !

وانا بطريقي للمكتب امر هذي الكلية، بالنسبة لي منظر هذا المبنى يعتبر بهجة ♥️

الناس اللي ابتسامتهم وترحيبهم يسبق سلامهم، الله يكثّركم حولي وعساكم بالجنة 🤍

بعض من الناس يصفون انفسهم بأصحاب الدين وتطبيق الشرع بالحرف في علاقاتهم ومظهرهم الخارجي .. لكن عند اول نقاش جدي وممكن يكون حاد يظهر بذاءة باللسان عجيبه! المتوقع منك اكبر لانك وضعت نفسك بهذا القالب .. كلنا مسلمين ويحكمنا دين الله وفينا الوسطي مثل ما فينا المتشدد .. الدين مو مرتبط بس باللباس وسماع الأغاني والكف عن رؤية المنكرات والأمر بالمعروف والنهي عن المنكر وغيره من الأمور .. الدين اساسه الأخلاق .. ثقله الأخلاق والتعاملات الإنسانية .. اللسان لوحده ممكن يخليك مكبوب بالنار على وجهك كما ورد بالحديث عن الرسول عليه افضل الصلاة والسلام.. أولى ان تحفظ لسانك عن النميمه، الغيبه، الشتم واللعن والسب، القذف، البذاءة عمومًا واذى خلق الله .. رطّب لسانك وعوّده على الكلام الليّن واللطيف ..