نواف السويط

يا مل قلبٍ مللوه ومل والنار تاكل جوفه وتصلاه ماهو بزول اللي تشوفه ، ظل لواحد ٍ ضيّع دواه بداه عسى السنين المقفيات بـ حل ويا عل ماهي المقبلات أشباه حتى القصيد التالي أخذ وخل ما عاد يسوى نسمع ونقراه ما بين مستشعر ومرضى غل وما بين يا ويلي ويا ويلاه الشاعر الشاعر دقاقة جل شعره من مزون السما نقّاه اللي بجفافك لا كتب تبتل ويخشركْ في ضيقة وفي نجواه وعلى خطى راكان قل ودل شيخ ٍ يوردها على المضماه جعل السحاب اللي علينا هل يغسل صدى قلبي مسايل ماه كبرت راسي مامسحه الذل وضحكت راهي داخل المأساه وخذيت بالدنيا علوم الكل فلاسفة وأهل الأدب ورواه ولا عشير الا بشوش الدل ولا لطيف الا لطيف الفاه ولا كريم الا كريم القل ولا بخيل الا بخيل الجاه ولا ختول الا شبيه الصل وزينك وشينك بكرة بتلقاه اليا طووك الربع مثل الزل وأعزهم صد و بكت عيناه لكن لهذا اليوم صوم وصل هذي هي الخيرة قسم بالله

رسالة إلى بنتي علياء في الكويت : قولوا لعليا أنا مارحت رغم الرحيل وقولولها ما سلكت دروب نسيانها وقولولها ما بقى بي دمع حتى يسيل وقولولها ما صبرت الا على شانها وقولولها لا غزا شيب السنين الجديل في وقتها تمسح الذكرى بغفرانها وقولولها أني على كل شي بالي طويل الا على أني أتوق لدافي أحضانها شبيهة المسألة والظن والمستحيل وتحت قدمها الملوك تطيح تيجانها وحيدتي بنت قلبي والنسيم العليل اللي أقدم سنيني وأخذ أحزانها في شجرة أسمي وجداني بتلقى مقيل وأن ضاقت كويتها ما ضاق صمّانها

سامح الله تغريبة هذاك النهار غربةٍ ثبتت بالقلب جرحينها جرح فرقاً جليّة ماعليها غبار وجرح خذلانها بعيون شارينها من بعدها تساوت بالعيون الديار فتنة ٍ ما خلق ربي مثل زينها ديرة ٍ شمسها تصبغ علي السمار ومن بحرها عجن ملحي ومن طينها أتعرفني ولدها وأتعرفني أغار وأتعرف أني أقرب من هدب عينها ما أسألت عاشرتها والبحر والفنار ما أسألت عن مساييري دواوينها؟ كنت أغني حنيني من ترف وأختيار وصرت أغني وحزني بيني وبينها