Hukumar Tace Fina-Finai da Ɗab’i ta Jihar Kano ta aika wa fitaccen mawaƙi, Tijjani Gandu, da saƙon gayyata bisa zargin karya dokokin hukumar da ya yi yayin sakin wata waƙa. Sanarwar da hukumar ta fitar ta ce wajibi ne ga duk wani mawaƙi ko marubuci ya gabatar da waƙarsa ko rubutunsa ga hukumar kafin ya saki ga al’umma, domin tantancewa. Hukumar ta kuma yi kira ga mawaƙi Tijjani Gandu da ya mutunta kansa tare da girmama doka ta hanyar amsa gayyatar da ta yi masa.