﷽ އަޅުގަނޑު، ޙުސައިން ލަމްޢާން އަޙްމަދު (މ. ގެލެކްސީ)، ކުރިއަށް އޮތް ނޮވެންބަރު 27 ގައި ބޭއްވުމަށް ހަމަޖެހިފައިވާ އެމް.ޑީ.ޕީ.ގެ އެތެރޭގެ އިންތިޚާބުގައި މާފަންނު މެދު ދާއިރާގެ ޤައުމީ މަޖިލިސް މެންބަރުކަމަށް ކުރިމަތިލުމަށް ނިންމައިފިން. އެމް.ޑީ.ޕީ އަށް ވެރިކަން ގެއްލުނު ދުވަހުން ފެށިގެން މިއަދާ ހަމައަށް، ސަރުކާރު ޖަވާބުދާރީ ކުރުމުގެ މަސަކަތުގައާއި ޕާޓީގެ ޙަރަކާތްތަކުގެ ކުރީ ސަފުގައި އަޅުގަނޑު ވަނީ ސާބިތުކަމާއެކު މަސައްކަތްކޮށްފައި. އަޅުގަނޑަކީ ޕާޓީގެ ކަންކަމަށް ފުރިހަމައަށް ވަގުތުދީ، މާފަންނު މެދު ދާއިރާގައި އެމް.ޑީ.ޕީ.ގެ ރޫޙު އާލާކޮށް، ޙަރަކާތްތައް އިތުރަށް ވަރުގަދަކުރުމަށް އެންމެހާ މެންބަރުންނާއެކު ގުޅިގެން މަސައްކަތްކުރާނެ ފަރާތެއް. ވޭތުވެދިޔަ ތަނުގައި އަޅުގަނޑު ޕާޓީއަށްޓައަށް ދިންވަގުތާއި، ކުރި ބުރަ މަސައްކަތް ދާއިރާގެ ލޮބުވެތި މެންބަރުންނާއި، ޕާޓީގެ ލީޑާޝިޕްއާއި، ޕާޓީގެ އާންމު މެންބަުންނަށް ސާފުކޮށް ފެންނާނެއެވެ. ވީމާ، މާފަންނު މެދު ދާއިރާގެ އެމް.ޑީ.ޕީ.ގެ އެންމެހާ ލޮބުވެތި މެންބަރުންގެ ތާއީދާއި އިޢުތިބާރަށް ނުހަނު އިޚްލާޞްތެރިކަމާއެކު އެދެން. ޝުކުރިއްޔާ!