من روع فرقاهم لذلحين وجعان
وارجي من الله عز وجل اطيبي
يمرني شيٍ يغيّب بالاذهان
الله يجعله مايمر الصحيبي
يعني لو اني مالتهي بعض الاحيان
والله العظيم ان تفرط يدي جيبي .
ياملهمة شاعرك شاعرك شاعر فريد
يقدر يقصر لسان الشعر ويطوله
انتي تبينه كل يوم يسوي جديد
أما ذبحه الشعر ولا قتله الوله
والأكلبي من خلقه اللّٰه راعي قصيد
وانتي كلامك نزيه وعينك مهوله
عيونك تقول للهجوس هل من مزيد
وانا معي منك موال ابي اموله
محد قدّك إلا قدّك المترف الميّاس
وشقارٍ يدينك تجمعه وأرجع أثرّه
دخيل الوساع اللي تناعس بدون نعاس
ترفق علي إن كان ماهي بمضطره
وش أهديك غير الشعر وأنتِ عريبة ساس
ولك جدّ يُرجى خيره و يتّقى شرّه
ما أجيب القصيد الجامد اللي بدون احساس
أجيب القصيد اللي يخليك منغرّه
سرى الليل وش غير الحماسه وابو تمام
نديم الورق والحبر والقهوه الساده
بصدري كلام وفي خيالي وصل واوهام
لو اخير منهن دمعة فوق سجاده
انا اكثر بشر تغريه الاحلام والاحلام
يموت الولد من دونها مادرك مراده
ماعاد ادري شلوني من الفقد والالام
قعدت اتجنب سطوة الوقت وعناده
يالايام وش باقي تخبين يالايام
عسى باقي من ديرة الوصل نشاده
يالايام وش باقي تخبين يالايام
عسى باقي من ديرة الوصل نشاده
تحسب القصيد الهام ! والله مهو بالهام
قصيدي شعور ماعرف وش هي أبعاده
كتبت ومليت الارض شعر ووله وهيام
ولاطعت فيك الناس والناس نقاده
مثل من ملى الدنيا لحون وصدى وانغام
لو انه تشتت بين ورده و میاده
ياكثر الفتن من غرتك لاسفل الاقدام
وجهاد الفتى نفسه عليك اعظم جهاده
اشوفك وطن وتشوفني رحلة استجمام
واشوفك عمر وسنين ماهي بمنعاده
معي قلب واحد لو تقسمه خمس اقسام
بحبك بكل اقسامه الخمس وزياده.
الهيبة الهيبة محمد بن سلمان عز الهيبه
من طيبه من طيبه تطيب هومات العرب من طيبه
يجيبه يجيبه الحلم لو يبعد مداه يجيبه
يحريبه يحريبه المجد ورثه كيف ما يحريبه