EL_Metwally 🦅🇵🇸

New pic 😉 لايك وانت معدي ♥️

فزاعة وفقاعة صنعها الاعلام الرياضي المصري عشان بس يصدرولك انه مرعب ومش بيتغلب عشان ثقتك تتهز وتنزل خسران الهدف منذ انشاء النادي ده انه ياخد الدوري والمحاولات السنة دي هتزيد ، لو عندنا لاعيبة رجالة بجد ينزلوا ياكلوا الفرقة دي عادي عشان هي فرقة عادية ..

عشاق محمد هاني هيزعلوا مني بس التلاتة لعبوا مكان هاني ومحسيناش فرق كبير بينهم وبينه بالعكس ده فيه ناس تفوقت عليه دفاعيا وهجوميا ..

اللي بيعمله مجلس ادارة الاهلي حاليا هو الصح مافيش نادي بيدار بالجماهير ، لكن كان فين الكلام ده لما حضرتك سمعت كلام الجمهور ومشيت موسيماني وبعده كولر وبعدهم مرضتش تجيب البدري ؟ حضرتك حاليا بتعمل اللي كان المفروض يتعمل بس مع الشخص الخاطيء وفي الوقت الغلط ..

الراجل طلع يحلل لاعيبة الاهلي واحد واحد وينظر علي المدرب وحسسنا انه جوارديولا انهارده بياكل 3 عادي وولا شوفنا شلاطة ولا ابوسنة ، منه لله اللي كان السبب ..

تاني بكررها عموتة مش مدرب سيء وCV قوي وراجل حقق نجاحات في اغلب محطاته التدريبية لكن فلسفته مش ماشية مع هوية النادي ، بس الراجل مضربناش علي ايدينا ، حضرتك عارف اسلوبه وعارف طريقة لعبه وعارف انها مش هتعجب الجماهير وبرضو اختارته ! المشكلة عندنا صدقني ..

ولم نكن نعلم انها بداية اللعنة ...

عامل 25 دقيقة رائعة ضغط عالي ب3 لاعيبة في كل موقف وانتشار ممتاز واتقدمت بهدف . ايه اللي حصل بعد كده ؟! ايه التراجع الغير مبرر ده ؟ ليه شكلنا وحش كده ، ليه بنسيب الفرقة اللي قدامنا تمسك كورة وتلعب علينا بالطريقة دي ؟

مصطفي شوبير انقذ الدوري وانقذ عموتة وانقذ جمهور الاهلي من الجلطات ..

لا مش حظ ولا توفيق .. ده عمل علي ضهر جمل والجمل بيجري في الحبشة ومحدش عارف يوقفه !!!

فردة تقيلة اوي في مركز 10 .. نقطع الاعارةوينضم في يناير وياخد فرصة هنشوف عظمة ..

حتي لو الاداء مكنش احسن حاجة ، بس كل الدعم لو كملت في السكة دي يا عموتة ، احنا عايزين اللاعيبة اللي تموت نفسها مش شلة الموظفين وصدقني العدل اساس الملك . والنتايج هتتحسن والاداء كمان .. كمل يا عموتة واحنا معاك ...

اهم ماتش في الموسم .. مفترق طرق ومباراة هتحدد مصير الموسم ..

هو عمر معوض مزعل حد في النادي ؟!!

محمد هاني قال للادارة مستعد اجدد 5 ،6 سنين واكمل مع الفرقة بس متحطوش بند نسبة المشاركة والادارة رافضة مع احترامي ودي مفاوضات وعادي ان كل واحد يتمسك بطلباته بس هو هاني مش واثق للدرجة دي انه هيكمل اساسي بقيت سنين عقده ، يعني عارف ان لو فيه باك كويس شوية هيقعده

الراجل ده اندرريتد جدا .. بيروح اي مكان يغير الفرقة ويحقق نتايج كويسة حتي في الاردن حاليا ، وعلي الرغم من كده ناس كتير شايفاه مدرب متوسط معرفش ليه ؟!!

اعتقد هنحتاج مهاجم في يناير ..

هي يا عم عموتة طول عمرها ماشية بطاهر وافشة والشحات ، دي كانت ماشية كمان بكهربا وشريف بس عشان كان فيه سلكان ولاعيبة بتلعب عشان الفانلة والجمهور مش عشان لقطة وفلوس هو ده نوع اللاعيبة اللي عايزينه ،النوع التاني بقي ده يقعدلهم دكة عادي وهتمشي والله صدقني ..

مع احترامي انا عارف ان زيزو مجبش فورمة ولا مستواه افضل حاجة لكن عشان نبقي منصفين الراجل بيحاول بيجري مش مقصر زي امام ف حرام نحطهم في خانة واحدة ع الاقل حتي الآن ، زيزو محتاج يتوظف صح بس ، محتاج مدرب يشتغل علي ميزاته اللي احنا جبناه عشانها وهيفرق معانا ..

خروج هاني وامام من القايمةودخول الشباب ما هو الا حركات حمصي عشان الجمهور يهدي عايزني اصدقك يبقي اشوف الشباب بياخدوا فرصة حقيقية واللي يلعب اللي يستاهل مش الاسامي ومش ماتش كيتارا لا اشوف ده في ماتش مودرن كمان ساعتها احس تغيير غير كده مش هشتري يا باشا خلاص ..

الادارة ممكن تفشل في اختيار مدرب مرة لكن 3 مدربين متتاليين !! هنا بقي لازم نقف ونقول المشكلة كبيرة فعلا والاختيار لا يتم علي اسس واضحة تناسب هوية النادي ، الاهلي عنده مشكلة كارثية في من يدير ملف كرة القدم اخر سنتين ..