ماجد قليب الذيب

على اخر نفس حلم وبقايا رجاء وشعور تعبت .. ومآ باقي من سواقِ الصبر ساقي ! لو اني اجامل كل مره .. وامثل دور وتناهيد حزني .. كنها تجرح اعماقي ! جفاك الصباح وشمسه اللي تشع النور ياوجه الشمال اللي دفن بردك اشواقي جليد الاماني هد سور .. وبنا له سور وطريق الهقاوي وحشته تخلف الهاقي ! لو تشوف من كل اتجاه العيون العور ماشافت خطاء نفسي قبل طيّبت اخلاقي ! ياكم دمعة ذابت وكم خاطرٍ مكسور وكم كلمة فالصدر ماهيب تنطاقي ! عن الاندلس من يخبر الحاجب المنصور ؟ من امجادها ، واطلالها ، مابقى باقي ! توارى علمها اللي بصدر السماء منشور وصدح صوت الاعدا في كنف صرحها الراقي ! يدين الشرود اخير منها .. يـد المبتور ، لا جا الماقف اللي دونه تشد الاعناقي ! حمس واقعي صدري مثل حمسة الميسور على نار قرم لا يماني .. ولا اعراقي ! تشيّمت عن لقمة يتيم ، وشهادة زور ولا نيب طايح لين ما ينكسر ساقي ! فدتك الوعود الصادقه ياوعد بلفور من يصدقك ماهوب نازل ، ولا راقي !

عيدكم مبارك وكل عام وانتم بخير 🌹

الشعر وين ما حلّت طواريه كِلّ ما قام عزّ الله مقامه الذَهَب عنق غاده لو زهى فيه الادَب تاج لبّاس العمامه قاصر الشوف ما يدرك مساعيه لو ملك عين زرقاء اليمامه المبدع : عمر رشيد @OmarRsheeed #شاعر_المليون12

ابارك للشعراء المبدعين من ابناء العمومه تأهلهم ووصولهم الى مرحلة 48 من برنامج #شاعر_المليون12 @SALAHFUHAD @OmarRsheeed @sultan_alhawali متمنياً لهم التوفيق والسداد

مشاركتي في شاعر المليون تفرق الغيم من عقب المطر والضباب والارض عقب الحيا بانت تجاعيدها ! تقول ما مرها صيف وعجاج ومهاب والناس ماكنها داجت .. جراهيدها ! تجددت بأمر من بأمره يسوق السحاب والبدو .. نوّت وشدت عن مواريدها ! وانا ورى الغايه اللي لو يطول ، الغياب مع كل فرصة عمر ، تنعاد ؟ بعيدها ! لو ينقطع كل درب وينقفل كل باب يدين الآمال معها .. مّطّلقٍ ، قيدها ! ما والله اقف على باب الندم والعتاب لين البسيطه معاد اطى على بيدها ! ماقسا من الخيبه الا الحزن والأكتئاب مشاعرٍ ما تحملها .. ولا اجيدها ! تعف نفسي عن المنه وطرد السراب والدمعه اللي جروح الماضي تزيدها وانا لو اني معرض للخطاء والصواب اقرب خطرها ولا اقرب من مناقيدها واللي ماهي من ذراعي ماحسب لها حساب لو علقوا لي قلادتها .. على جيدها ! صريح .. لكن على قد السؤال الجواب ماكل خضرا ورق ، توكل عناقيدها ! اقدّر من المعارف كل طيّب جناب واحفظ معاريف الاجواد وتقاليدها ! من يتبع حيلة الثعلب ، وخبث الغراب ماهو مخاشر ذياب الضلع في صيدها !

العام ماكنت احسبن الوصال اخير منه الفراق يالين شفت الدعاوي بعضها مايندهن سيرها ! ترا اول النار ماتاكل سوى الا كل عودٍ دقاق وليا قوّت نارها تاكل كبير القوم وصغيرها !

اليوم صدر الوسيع اللي ماعمره ضاق من شي ضاق حتى سوالفه لا سولف معاد يجيد تعبيرها ! سواحل عمان مايشفق عليها غير راعي الحداق ولا البدو لو تبي تشفق تبي تشفق على غيرها !

يامرحبا عد ماهب الهوى من غرب والبال راق ترحيبتن قدرها عند الرجال يزيد تقديرها ! لا عاد تستغرب العرجا ليا فازت بشوط السباق احياناً الغاديه ياصاحبي تغدي مداويرها !

عيدكم مبارك ، وكل عام وانتم بخير 🌹

صح الله بدنك يابو منصور واللي مثلك وشرواك يستاهل المدح ويزهابه

#الجديد قصيده .. مهداه لـ صاحب المواقف المشرفه والعلوم الطيبه ! ( بدر منصور بن مهيني ) @baderalmheni تصميم المبدع @shgmuom