صباح التأخير وعدم النوم والجري المتواصل في الساقية بدون هدف واضح أو مستقبل ليه ملامح الله المستعان.

المرأة كُلما غَّضت بصرها، متَّعها المولى بقِصر طرفهَا على زوجهَا، فلا تملّ مِنه ولا تطمَع بغَيره بدلا! وتنعمت بنعيم نساء أهل الجنة "قَاصِرَاتُ الطَّرْفِ عِين"

فَإِن تَسأَلَنّي كَيفَ أَنتَ فَإِنَّني صَبورٌ عَلىٰ رَيبِ الزَمانِ صَليبُ حَريصٌ عَلىٰ أَن لا يُرىٰ بي كَآبَةٌ فَيشمُتُ عَادٍ أَو يُساءَ حَبيبُ!

هوا انا بجد ليه مبخلصش دراسه !!!

كل إللي علي لساني الايام دي لما بتكلم مع صحابي جملة "أنا مفيش" الجمله دي عميقه أوي أوي وحقيقيه لدرجه غريبه بتوصف قد أي البني آدم خلصان وجايب آخر آخره.

اكتر شخص أحترمه هو اللي يحترم مساحة الصمت في أول ساعة من اليوم بدون السعي إلى تدنيسها بالكلام تصرف أصيل، نبيل، إنساني

انا و الله مكنتش عامله حسابي ان الدنيا هتبقى صعبه اوي كده لما اكبر

من اغبي الحاجات إللي قابلتها في العادات المتخلفه إن البني آدم يبقي ربنا رزقه بمولود ويقوم عامل سبوع ويشغل اغاني يارب ربنا ميبتلنيش وتبقي عقليتي متخلفه لدرجه إني اعمل دا

ببقي قاعده وفجأه بدون مقدمات بفكر ف قد ايه نفسي اجيب لماما الدنيا كلها والله

اللهم عافني من اغتراري بأن في الوقت متَّسعًا، قبل أن ينفلت العمر من بين يدي!

النهارده كنت هبدأ جلد الذات لتقصيري في كذا حاجة، ولكن ربنا ذكرني بحديث النبي ﷺ: "أَحَبُّ الأَعمَالِ إِلى الله تعَالى أَدْوَمُهَا وَإِن قَلَّ" ربنا جل جلاله بيقبل من عباده القليل وده أمر عظيم، طب ليه بنعذب نفسنا في الأمور الدنيوية الهينة! أمر الإنسان غريب، يا رب يا هادي

خايفه أوي والله إن الأيام تعدي وأنا مستنيه حاجة تتغير، وفجأة أكتشف إن العمر كله عدى وأنا مستنيه بس.!

ماشاءالله هو حضرتك نايم كام ساعه ع الرغي ده كله

صباح الخير ليه مينفعش الانسان يصحى يقدم عذر انه والله مش قادر يواجه العالم النهارده.!؟

قاعده بشتغل نفسي وباكل مقرمشات عشان معيطش.

التمثيل بأنك كويس وتمام مرهق جدًا، أكتر إرهاق بكتير من الاستسلام للحزن اللي إنت خايف منه

فيه أيام كدا في حياتي بحس ان لازم ومش اوبشن هو لازم مكونش شخص إيموشينال علشان هحس بأحاسيس وحشة كتير.

مش عارفه حقيقي هتكون مع مين وامتا وهل هلاقي حد ارتاح ليه واطمنله اصلا ولا لأ.. بس الدُنيا واسعة:))

نفسي أنزل على صورة ما في خيالي - يادي النعيم اللي انت فيه يا قلبي من بعد العذاب- حساها حنينة أوي فوق الوصف يارب يا مُنعم أنعِم علينا❤️

بحب الشجاعة جدًا في القول والفعل يارب صفة الشجاعة تفضل ملازماني طول حياتي ومتحاوطة دايمًا بأشخاص تغلب طباعهم عليهم الصفة دي