ℳℴ𝓈𝓉𝒶𝒻𝒶 ℱ𝒶𝓇𝒾𝒹

النهاردة من أسعد أيام حياتي بجد ♥️✨ أنا من الناس اللي ما بتحبش تتكلم عن حياتها الشخصية أو شغلها على الميديا... بس حابب أوثّق اللحظة دي. من يوم 15/12/2022 وده كان أصعب يوم في حياتي. فارقت ضهري وسندي وقدوتي في الحياة... والدي العزيز رحمة الله عليه 🖤 الدنيا حرفياً ادّتني ضهرها. ومبقاش فيه أي حاجة عدلة. ومن بعدها إخفاقات وصدمات وعدم توفيق في حياتي عموماً. كأن الدنيا بتعاقبني. وسط كل ده كنت مطالب تكون قد المسئولية اللي ربنا حاطك فيها. وسط كل الظلام ده كان فيه بريق أمل من بعيد... وهو شغلي. الشئ الوحيد اللي وقف جنبي ومتخلاش عني. فكنت بديله حقه دايماً وبيكون من أهم أولوياتي. يشاء القدر، وزي ما يكون في ترتيبات كونية من عند ربنا، إن يتسند لي بوزيشن + شغلي الأساسي. وده كان تكليف. فكان الموضوع ريسك كبير جداً... يا تعلى بيه يا تنزل. الموضوع كان صعب في البداية. ولازم البداية تكون من عندك... تخلق دوافع وتحديات لنفسك. وقد كان 💪 بتوفيق من ربنا تفوقت على نفسي لدرجة إن محدش حس إن فيه حاجة متغيرة. بل بشهادة أغلب الملاك... اتقدرت جداً. خصوصاً إني لقيت كذا ميل متقدم إنّي مقصر في شغلي وإني وإني... اطلعت عليها بحكم البوزيشن الجديد، ولقيتها من أقرب الناس ليا في الشركة. قدامك ملاك ومن وراك حاجة تانية. استغربت... وكملت عادي. خلص التكليف اللي كان مسنود لي، وفاكر كام كلمة معلقين معايا لحد دلوقتي: "إنت أبهرتنا كلنا بأدائك وشغلك وتفانيك. إحنا محقوقين ليك إننا فكرنا في يوم إنك مقصر أو مش قد المسئولية. خصوصاً المهمة مكنتش سهلة ومكناش متوقعين منك كل ده" 👑 لما تكون مش على علم إن واصل حاجات عنك وانت أصلاً مظلوم... ويكون الرد كده، فده إن دلّ يدل إن ربنا عادل جداً. وترتيباته لينا هي الخير دايماً 🤍 القصة مخلصتش هنا... دي بدأت. من 3 شهور تقريباً اتسند لي مهمة أصعب من اللي فاتت. المرة دي كان المتحكم الرئيسي هو "إنت". رأس الهرم حرفياً. فده كان امتحان أكبر ومسئولية أعلى بكتير. بس المرة دي الدوافع والتحديات كانت أكبر، والثقة اللي محطوطة فيك أكبر. وبعد توفيق ربنا ودعوات أهلي وكل الناس اللي بتحبني وبتحبلي الخير 🙏 كانت النتيجة فاقت كل التوقعات. والشغل طلع على أكمل وجه. حسيت إن ربنا بيكافئني حرفياً عن كل إخفاق أو صدمة عشتها في الأربع سنين اللي فاتوا. لما يكون في مشروع بيتسلم وإنت أهم واحد في الحفل... وكل الناس بتبصلك إنك إنت كنت قد المسئولية. لحظة جميلة إنك تتعب وتستغل الفرصة وتطلع بأحسن شكل ممكن. لو قعدت أرسم خطط وسيناريوهات كتير عمرها ما هتكون أعظم ولا أحلى من كده. حقيقي كرم ربنا فاق كل توقعاتي 🥹✨ كان نفسي والدي يكون جنبي في يوم زي ده... بس أنا على يقين إنه حاسس بيا وفخور جداً بتربيته ليا. ربنا يرحمك يا أبي ويجعل كل تعبي في ميزان حسناتك ♥️ #الحمدلله_دائماًوأبداً

حاجة لاحظتها بقالي فترة وهي إن الناس بقت وحشة اوي، وحشة في كل حاجة في أسلوبهم ونفسياتهم وعلاقاتهم وتعاملاتهم، وحشة في تدخلاتهم الغريبة في حاجات متخصهمش، وحشة في البجاحة وفي نشر الكدب واللبخ من غير أي مبرر، وحشين في كل حتة. وحشة لدرجة إنك لو اعتزلتهم، وسيبتهم في حالهم، وماعرفتهمش أي حاجة عنك، يفضلوا يخترعوا مواضيع وحكايات ويتلصصوا على حياتك عشان يعرفوا أي حاجة عنك ويبنو عليها قصة تناسب شخصيتهم اللي للأسف مش محترمة. والمشكلة إنك مهما حاولت تفضل محافظ على تربيتك وجدعنتك واحترامك، غصب عنك بيضطروك تطلع شخصية مش لطيفة بس عشان تناسبهم وتوقفهم عند حدهم، ربنا يفك الضيقة والله.

طبق ياخد 10 من 10 😋👌

كنت فاكر إن التفاهم بين أي اتنين معناه إنهم بيسمعوا بعض وبيقدموا حلول للمشاكل وبس؛ بس مع الوقت فهمت إن التفاهم ليه معنى أعمق وأغلى من كدا بكتير التفاهم الحقيقي هو إنك مهما عكىٍت في الكلام، متتفهِمش غلط، وإن اللِّي قدامك يبقي شايفك على حقيقتك وصورتك النضيفة من جوه يبقي مرايا صادقة ليك سهل أوي تلاقي حد يفهم كلامك لمّا تتكلم، بس الصعب بجد إنك تلاقي اللِّي فاهم طبيعتك واللِّي جواك ومستوعبك تحت أي ظرف.

حاضر يعم هعيش عيشه اهلي بس كنت تسال عنهم قبل متقول كدا

كفايه انه بقاله ليله ويوم على طول فى خيالى ومفيش نوم

الغربة ليها ميزة غريبة إنها بتخليك تشوف الناس من غير زحمة العلاقات والمجاملات بتعرف مين بيسأل عليك من غير مناسبة ومين بيفتكر وجودك وقت ما يحتاجك ومين بيفرح لنجاحك بجد ومين مش قادر يشوفك أحسن منه الغربة بتختصر عليك سنين طويلة من اكتشاف الناس

إنك ترسم حياتك وأحلامك مع شخص مفيش بينك وبينه أي رابط رسمي، وتتعلق بوجوده وتطمن له، وبعدها تلاقي نفسك كل شوية داخلين في خناقة مين غلطان ومين المفروض يعتذر ومين اتغير تفضل العلاقة واخدة من وقتك ومشاعرك وطاقة كبيرة، وفي الآخر تفضلوا عايشين في منطقة مش عارفين هي رايحة على فين والأصعب إن ممكن بعد كل ده واحد فيكم في وقت معين يخلص طاقته ويقرر يمشي، فتكتشف إنك كنت متعلق بحاجة من البداية مكنش ليها ضمان مش كل علاقة تستاهل إنك تبني عليها أحلامك، خصوصًا لو مفيش خطوة واضحة رايحة بيها لمكان واضح.

متخليش اهتمامك بالناس يخليك تنسى نفسك اسأل على اللي بتحبهم، وقف جنبهم، وراعي مشاعرهم، بس افتكر إنك أنت كمان تستحق حد يعمل معاك نفس الشيء....

متقبلش تكون الشخص اللي الكل بيجري عليه وقت ما يحتاجه ولما إنت تحتاج حد تجري عليه متلاقيش.. متبقاش دايمًا السند اللي بيشيل عن الكل، ولما تتعب محدش يحس بيك.. العلاقات مش كلام حلو وقت الرضا العلاقات مواقف واهتمام متبادل، واللي مش بيظهر غير وقت احتياجه ليك مش من حقه يزعل لما ييجي وقت احتياجك وتختار نفسك.

لما تلاقي الناس بترتاحلك وبتحب وجودك، حتى وهم لسه عارفينك من فترة قصيرة، متستغربش وتفضل تسأل نفسك: هما حبوني بالشكل ده إزاي؟ قال الله تعالي: ﴿إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا﴾ يعني من كرم ربنا إنه يحط ليك قبول ومحبة في قلوب الناس، فتلاقي وجودك مريح ليهم، وبيفرحوا لما يشوفوك حتى من غير ما يبقي بينكم معرفة كبيرة فمحبة الناس ليك مش دايمًا بتبقي مجرد صدفة، ساعات بيبقي ربنا هو اللِّي ألّف بين القلوب وحط المودة فيها.

هتعرف إنك نضجت لما تبطل تـــ ــحارب عشان تثبت إنك مهم، وتبدأ تختار الأماكن اللي وجودك فيها مُقدَّر من غير مجهود.

الكلام الحلو في وقت الراحة سهل لكن قيمته الحقيقية بتبان وقت الزعل والخلاف في فرق بين شخص بيطمنك وإنتوا كويسين وشخص وسط الخناقة يختار كلمة تهديك وتفهمك إنه لسه متمسك بيك وإن الخلاف مش معناه إنك تهون عليه وفي فرق بين هدية غالية تجيبها لحد وإنت قادر وبين حاجة بسيطة تجيبهاله وإنت على قد حالك بس حابب تفرحه وحتى السؤال عن حد وإنت فاضي مش زي إنك تفتكر تطمن عليه وسط زحمة يومك وانشغالك الحاجات دي يمكن تكون بسيطة في نظر ناس كتير بس قيمتها الحقيقية مش في حجمها ولا تمنها قيمتها في إن الشخص اختارك وسط كل اللي شاغله وافتكرك رغم كل الظروف

ما هو مش أي حد يليق عليه البرغندي بردو 👑🍷

🖤✨