𝑳 𝑨 𝑺 𒉭

أنا بقول كلامي هذا مو فقط للرجال صاحب التغريده هاذي اقولها لكل مشجعين انديه روشن الي يقولون مثل ذا الكلام خلنا نتفق اول شي على قاعدة واضحة ( كل نادي يزرع يحصد ) ملعب أرامكو ماهو "هبة" ولا طاح من السما علينا هذا مشروع عملاق خلفه شركة عملاقة مثل أرامكو اللي معروفه بالتخطيط احترافي والعمل الإداري على اعلى مستوى القادسية ما أخذ شي حق غيره ابد النادي اشتغل على نفسه ووسع مشاريعه وله رؤية واضحة تستاهل كل دعم اما سالفة "راح لفريق عديم الجماهيرية" الي تكررونها على مسامعنا في كل تغريداتكم تبي جماهير بالحاضر والمستقبل؟ الأندية الكبيرة والواعية تُبنى بالعمل و البنية التحتية وجذب العائلات والجيل الجديد في الشرقية الملعب الحديث هو أول خطوة لجذب الجمهور مو عذر عشان يحرمون النادي من ابسط حقوقه الشرقية منطقة حيوية ومليانة عشاق للكورة والقادسية يمثل واجهة لمنطقة كاملة تستاهل ملعب بهذا المستوى وأكثر وبخصوص صياحكم على ان الهلال و الاتحاد و النصر و الاهلي أولى بالملعب الرياض فيها مئات الملايين، وتملك أضخم الملاعب (استاد الملك فهد، الأول بارك، الملز، كينغدوم أرينا، الجامعه ) غير المشاريع المستقبلية الكبرى للرياض و نفس الشي جده فيها ( الجوهره، الملك عبدالله، وسط جده، القدية ) و مشاريعها المستقبليه ليش زعلانين أن الشرقية تاخذ نصيبها من التطور وتلقى لها ملعب يليق فيها؟ تشتت الهلال أو غيره من الأندية في الرياض و جده هذه مشكلة إدارية واستثمارية تخصهم وتخص الأندية الكبيرة هناك مالها أي علاقة بالقادسية وإنجازاته روحوا طالبوا إداراتكم ورعاة أنديتكم يبنون لكم مثل ما أرامكو بنت لناديها ولا تنقزون وتصيحون على مشاريع غيركم باختصار القادسية ماشي بطريق الصح واللي يتعب ويخطط يوصل والصياح ما يغير من الواقع شي