📍Dar es Salaam ▪️Tanzania na Misri kuendeleza ushirikiano wa kimkakati kupitia Bandari ya Dar es Salaam Mkurugenzi wa Diplomasia ya Uchumi katika Wizara ya Mambo ya Nje na Ushirikiano wa Afrika Mashariki, Balozi John Ulanga,amekutana na kufanya mazungumzo na Balozi wa Misri nchini Tanzania, Mheshimiwa Sherif Ismail tarehe 14 Aprili, 2026 katika Ofisi ndogo za Wizara jijini Dar es Salaam. Lengo la mkutano huo ilikuwa ni kupitia maendeleo ya uhusiano wa kidiplomasia ya uchumi na kujadili fursa za kimkakati za ushirikiano, hususan katika kuimarisha miundombinu ya usafirishaji na lojistiki nchini. Majadiliano hayo yalijikita zaidi katika pendekezo la upanuzi wa Bandari ya Dar es Salaam, ambapo Serikali ya Misri imewasilisha nia yake ya kuchangia katika masuala ya usafirishaji wa meli na lojistiki za mizigo. Pande zote mbili zilisisitiza kuwa kuimarishwa kwa miundombinu hiyo kutachochea muunganiko (connectivity) bora na kurahisisha usafirishaji wa bidhaa za kibiashara kati ya nchi hizo mbili, jambo ambalo litaleta manufaa makubwa ya kiuchumi kwa pande zote. Kupitia ushirikiano huu, Misri inalenga kutumia uzoefu wake katika sekta ya miundombinu kusaidia jitihada za Tanzania za kuwa kitovu cha biashara kikanda. Hatua hii inatarajiwa kufungua milango mipya ya uwekezaji na kuongeza ufanisi katika mnyororo wa usambazaji bidhaa ndani ya soko la Afrika, huku ikijenga misingi imara ya ukuaji wa uchumi wa viwanda kupitia mifumo ya kisasa ya uchukuzi.

5:Mkurugenzi wa Idara ya Uratibu wa Biashara ya Kimataifa na Diplomasia ya Uchumi kutoka Wizara ya Mambo ya Nje na Ushirikiano wa Afrika Mashariki, Mhe. Balozi John Ulanga akizungumza katika Mkutano wa Waandishi wa Habari, Ikulu Jijini Dar es Salaam kuhusu Ziara ya Kikazi ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, aliyofanya Dubai, Umoja wa Falme za Kiarabu (UAE) tarehe 2-6 Februari, 2026.  Mhe. Balozi John Ulanga alielezea fursa mbalimbali ambazo Tanzania imepata kupitia Uwekezaji wa Teknolojia ya Mawasiliano. 6:Mkurugenzi wa Idara ya Ushirikiano wa Kimataifa kutoka Wizara ya Mambo ya Nje na Ushirikiano wa Afrika Mashariki, Mhe. Balozi Noel Kaganda akizungumza katika Mkutano wa Waandishi wa Habari, Ikulu Jijini Dar es Salaam kuhusu Ziara ya Kikazi ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, aliyofanya Dubai, Umoja wa Falme za Kiarabu (UAE) tarehe 2-6 Februari, 2026. Balozi Kaganda alielezea kwa kina faida za ushiriki wa Tanzania katika mikutano mbalimbali ilifoyanyika Dubai. 7-8:Viongozi mbalimbali waliohudhuria Mkutano wa Waandishi wa Habari, Ikulu Jijini Dar es Salaam tarehe 16 Februari, 2026 kuhusu Ziara za Kikazi za Rais wa Jamhuri ya Muungano wa Tanzania, Mhe. Dkt. Samia Suluhu Hassan, alizofanya Jijini Addis Ababa nchini Ethiopia tarehe 12-15 Februari, 2026 pamoja na Dubai, Umoja wa Falme za Kiarabu (UAE) tarehe 2-6 Februari, 2026.

📍Vietnam ▪️TANZANIA YANADI FURSA ZA BIASHARA NA WAWEKEZAJI VIETNAM   Mkurugenzi wa Idara ya Diplomasia ya Uchumi na Biashara ya Kimataifa katika Wizara ya Mambo ya Nje na Ushrikiano wa Afrika Mashariki Balozi John Ulanga ameongoza ujumbe wa Tanzania kwenye mazungumzo na makumpuni ya Viet Nam, ambapo wamenadi fursa mbalimbali za biashara na uwekezaji zinazopatikana hapa nchini.  Mazungumzo na makumpuni hayo, yaliyofanyika jijini Ho Chi Minh, Mei 1, 2025 yalilenga kuyashawishi makapuni hayo kuja kuwekeza nchini katika sekta mbalimbali ikiwemo ujenzi, uvuvi wa kisasa, kilimo na kutafuta soko la bidhaa za kilimo ikiwemo korosho.    Makampuni hayo yaliyotembelewa kwenye Makao Makuu ya Ofisi zao na kufanya mazungumzo na ujumbe wa Tanzania ni pamoja na Viet Nam Association Seafood Exporters and Producers, Hao Binh Construction Cooperation na Viet Nam Cashew Association.   Viongozi na Watendaji Wakuu wa Makampuni hayo baada kuvutiwa na fursa na motisha zinazotolewa kwa wawekezaji nchini wameeleza utayari wao wa kuanza kufuata taratibu  zitakazo wawezesha kufanya biashara na uwekezaji hapa nchini.    Ujumbe wa Tanzania katika mazungumzo hayo ulijumuisha Mkurugenzi wa Kituo cha Uwekezaji Tanzania (TIC) Bw. Gilead Teri, Mkurugenzi wa Idara ya Asia na Australasia katika Wizara ya Mambo ya Nje na Ushirikiano wa Afrika Mashariki Bi. Felista Rugambwa, Rais wa Chemba ya Biashara, Viwanda na Uwekezaji Bw. Vicent Minja, Mkurugenzi Mtendaji na Mmiliki wa Kampuni ya SM Holdings Bw. Nahdi Saleh Mbarak, ukiongozwa Balozi John Ulanga.  📸:W/Mambo ya Nje