عالم الشركات الناشئة(startups) ده، افضل تعبير انا وصلت ليه يوصفه انه عالم "مُسكِر". خليني اشرحلكم، بس اولاً احب اقول ان انك تبدأ شركة من لا شيء او من مجرد فكرة وتنجح دي حاجة في غاية الصعوبة ومش لأي حد. انا مثلاً مش شاطر في الحكاية دي، وعرفت كده للاسف بعد عدة محاولات كلها فشلت. عرفت عن نفسي اني الحتة من صفر ->١ دي انا مش بعرف اعملها، ولكن انا بعرف آخد حاجة وهي ١ واوديها لعشرة بسرعة جداً. مشكلة بقى العالم الي بتلاقي نفسك فيه وانت بتشتغل على شركتك الناشئة دي انه دائرة مقفولة الافكار فيها بترن اكنها صدى صوت. مافيش حد بيقف يفكر او يحاول يعمل اي validation لكثير من الادعائات زي الادعاء الي تحت ده. واحد حكى لواحد حكى لواحد، تنظير لا نهائي ما هو كل الناس بتجرب وده مش عيب، ولكن بتعتقد وانت في الفقاعة دي انك بتمتلك الحقيقة مش بتجرب. فتلاقي نفسك في حالة انا مش لاقيلها وصف غير انها حالة "سُكر" و هوس. للاسف لا يخرجك منه الا القلم الي بتاخده على وشك لما تفشل. ربنا يبعد عنه وعن كل الناس الفشل يارب، بس بقرأ حاجات كثير لنفس الشخص لا تبشر بأي خير الحقيقة.