Iván Sanz Falque

Clasificacións europeas, reconquistas, ovacións, goles, asistencias... Momentos que quedarán para sempre na memoria do celtismo. Tras 15 tempadas no primeiro equipo do Celta, o Rei das Bateas convértese no xogador celeste con máis partidos da nosa historia. Lenda, @aspas10 👑

[COMUNICADO] 🖊️ Europa recibe aos Fillos dunha Paixón. É unha consecuencia. Unha consecuencia dunha afección entusiasta, dunha canteira única ao amparo de grandes veteranos, dun fútbol pleno de valentía e ambición, de converter o “queremos máis” nun obxectivo e non nun lema baleiro, de crer, querer e soñar. O RC Celta regresa a Europa, Europa regresa á vida do RC Celta, por décima vez, case 10 anos despois. Con 10 futbolistas e empate no marcador quedaba este equipo hai uns días e o partido acabou con xogadores e xogadoras celestes celebrando unha vitoria clave, mesturados coa afección, cantando ao unísono. Esa imaxe define este éxito. Da bancada saíron moitos dos futbolistas que locen agora o escudo no campo, nunca deixaron de ser parte dela. E falta un 10 nesta serie de coincidencias, pero nin sequera fai falta verbalizar a quen corresponde, nin enxalzar o que fixo, ou soñar co que fará. As súas bágoas de frustración e tristeza en Old Trafford son agora de felicidade. A afección vive con entusiasmo este regreso, sente parte del. E o é, máis que nunca. O Celta volve a Europa cunha clara identidade, con raíces fortes e profundas, con orgullo, da man dos fillos dunha paixón. Outro 10, xigante da nosa historia, sacouse unha vez a súa camiseta celeste para mostrar unha mensaxe que este club, dirixentes, equipo, corpo técnico e empregados gritan: GRAZAS, AFECCIÓN! 🩵

🩵 Vigo e Galicia, co CELTA 🩵