InvestSky

🛑 ممكن تختار القطاع الصح… وتخسر في الشركة الغلط🛑 لأن نمو القطاع ما يعني إن كل الشركات داخله بتنجح. السؤال هنا: وش العوامل اللي تخليك تدخل شركة وأنت مرتاح أكثر لقرارك؟ في الأجزاء السابقة من دليل السوق الأمريكي بدأنا من الصورة الأكبر: 🌎 الاقتصاد 🏭 ثم القطاع واليوم ننزل خطوة إضافية: 🏢 الشركة نفسها كيف تعرف إنها تنمو فعلًا؟ نفككها وحدة وحدة 👇🏼 لا تنسى تحفظ الثريد بتحتاجه 🔁

🚨 الكوريين مهووسين بالثراء.. وهالمقطع من شوارع سيول يوضح ليه! 💸 في كوريا الجنوبية، الاستثمار صار حديث الشارع.. والكل يدوّر طريقه للفلوس. وهالحماس ينعكس على السوق: يوم الثلاثاء، مؤشر كوسبي ارتفع 4.4%، وسهم إس كيه هاينكس 6.7%. 🤔 تشوف ثقافة الاستثمار بالطريقه هذي صحية ؟

🚨 كين غريفين، مؤسس سيتادل: لو ولدي بيأسس صندوق تحوّط.. هذا أول سؤال بسأله! 🧠 «هل أنت مستعد تحيط نفسك بناس استثنائيين.. يدفعونك بطرق ما ترتاح لها؟» غريفين بدأ يتداول من سكنه في جامعة هارفارد، واليوم سيتادل من أكبر صناديق التحوّط في العالم. وقاعدته واضحة: المنافسة اليوم عالمية.. واللي حولك يحددون سقفك. 🤔 مين الشخص اللي رفع سقفك أكثر من أي أحد؟

🚨 تي إس إم سي دخلت اللعبة من أوسع أبوابها!! 😳 بحسب إفصاح تي إس إم سي: مجلس الإدارة وافق على استثمار حتى 500 مليون دولار في أسهم أنثروبيك بسعر الطرح، وحتى 500 مليون في أوبن إيه آي. يعني الشركة اللي تصنع رقائق الاثنين.. بتصير شريك في الاثنين. ووافق بنفس الاجتماع على قرابة 41 مليار دولار إنفاق رأسمالي. وبحسب أسوشيتد برس، أنثروبيك تستهدف تقييم قرابة 1.3 تريليون دولار في طرحها. تتوقع طرح أنثروبيك يتم قبل نهاية نوفمبر؟ نعم ولا لا؟ محتوى تثقيفي، وليس توصية استثمارية. $TSM

🚨 أليكس كارب، رئيس بالانتير: الذكاء الاصطناعي يصب بنزين على مجتمع أصلاً مشتعل! 🔥 كارب يقول إن شركات الذكاء الاصطناعي تقول للناس: حياتكم بتسوء وبتخسرون وظايفكم.. وبعدها: «اعتمدوا علي أعطيكم فلوس.. وبالمناسبة، أنا قاعد أصير غني». والمفارقة؟ كارب نفسه يبيع الذكاء الاصطناعي، وبالانتير من أبرز شركاته في السوق. 🤔 تتوقع الذكاء الاصطناعي يخلق وظايف أكثر من اللي ياخذها؟ $PLTR

التضخم الأمريكي ما يبي يهدأ!! 🤯 بحسب مكتب إحصاءات العمل الأمريكي: الأسعار ارتفعت 0.4% في أكتوبر مقابل 0.3% متوقعة، والتضخم الأساسي 0.3% مقابل 0.2%. وهالمرة ما فيه رقم سنوي، لأن بيانات أكتوبر 2025 ما انجمعت بسبب الإغلاق الحكومي. وبعد الرقم، عائد السندات الأمريكية لعشر سنوات قفز إلى 4.99%. تتوقع الفيدرالي يرفع الفائدة في ديسمبر؟ نعم ولا لا؟ $SPY $TLT

وش اللي سوته كورويف!! 😳 بحسب إفصاح كورويف: إيرادات الربع الثالث وصلت 3.66 مليار دولار، بنمو 168%، وأعلى من التوقعات عند 3.54 مليار. والطلبات المتراكمة صارت قرابة 132.5 مليار دولار. لكن صافي الخسارة 709 مليون، ومصروف الفوائد وحده 846 مليون في الربع. والأهم: الشركة تتوقع قرابة 9 مليار دولار دفعات مقدمة من العملاء خلال 3 شهور بس.. فلوس تدخل قبل ما تقدّم الخدمة. تتوقع كورويف تحقق صافي ربح قبل نهاية 2027؟ نعم ولا لا؟ محتوى تثقيفي، وليس توصية استثمارية. $CRWV $NBIS

🚨 سبيس إكس ما بدأت كشركة صواريخ.. بدأت بفكرة «بيت زراعي» صغير على المريخ! 🌱 في 2001، دخل إيلون ماسك موقع ناسا يدوّر متى بيرسلون بشر للمريخ.. وما لقى أي خطة. ففكّر في مشروع اسمه «Mars Oasis»: يرسل بيت زراعي صغير فيه نباتات للمريخ، عشان يرجّع حماس الناس للفضاء. المشكلة؟ الصاروخ نفسه كان غالي بشكل مجنون. راح لروسيا يحاول يشتري صواريخ مستعملة.. والسعر ما كان منطقي. وهنا جته الفكرة: ليه ما يبني الصواريخ بنفسه؟ وفي 2002 أسس سبيس إكس. 🤔 تتوقع نشوف بيت زراعي على المريخ قبل 2035؟ $SPCX

🚨 أكثر لحظة تأثّر فيها إيلون ماسك قدام الكاميرا! في 2012، سبيس إكس كانت تحاول تثبت إن شركة خاصة تقدر توصل للفضاء. وأكبر المنتقدين؟ نيل آرمسترونغ، أول إنسان مشى على القمر، ويوجين سيرنان، آخر إنسان مشى عليه. الاثنين وقفوا قدام الكونغرس ضد الاعتماد على الشركات الخاصة في رحلات الفضاء. ماسك ما قدر يمسك نفسه: «هذولي أبطالي.. وهذا صعب جدًا». واليوم سبيس إكس شركة مدرجة، وسهمها رجع أمس فوق سعر الطرح. 🤔 لو أبطالك انتقدوك علنًا.. تكمل ولا توقف؟ $SPCX

🚨 ستانلي دراكنميلر حقق قرابة 30% سنويًا لمدة 30 سنة.. بدون ولا سنة خسارة! 🧠 وفي هالمقطع يشرح قاعدته: ما يشتري أي سهم إلا إذا كانت الأساسيات قوية، والرسم البياني قوي.. الاثنين مع بعض. وبعدها ما يطالع في الحاضر.. يطالع وين بتكون الشركة بعد 18 شهر. لأن السعر اليوم فيه اللي الكل يعرفه.. واللي يحرك السهم هو التغيير الجاي. 🤔 أنت تعتمد على الأساسيات ولا الرسم البياني.. ولا الاثنين؟

🚨 وارن بافيت: حتى لو سهمك نزل 50%.. ما فيه داعي للهلع! 🧠 وهو ما يتكلم من فراغ.. سهم بيركشاير هاثاواي نفسه نزل قرابة النص أكثر من مرة، ومع ذلك صارت من أكبر الشركات في العالم. فكرته بسيطة: السهم مو رقم على الشاشة.. هو جزء من شركة. إذا الشركة نفسها ما تغيّرت، نزول السعر ما يغيّر قيمتها. والأسبوع الماضي مثال حي: مؤشر الرقائق نزل 12% في يوم واحد. 🤔 لو سهمك نزل 50%.. وش أول شي بتسويه؟ محتوى تثقيفي، وليس توصية استثمارية. $BRK.B

🚨 إريك شميدت، رئيس قوقل السابق: أسهل طريقة تصير غني في السنتين الجاية.. تأسس شركة وكلاء ذكاء اصطناعي! 🤖 الوكيل (Agent) مو مجرد شات يرد عليك.. هو برنامج ياخذ مهمة وينفّذها بنفسه من البداية للنهاية. وشميدت يشوف إن اللي يبنون هالوكلاء الحين، هم اللي بيكسبون الموجة الجاية. المقطع 28 ثانية بس.. وانحفظ أكثر من 14 ألف مرة. 🤔 لو بتأسس شركة وكلاء ذكاء اصطناعي اليوم.. وش أول مهمة بتخليه يسويها؟

🚨 اليوم الساعة 4:30 العصر بتوقيت السعودية، تصدر بيانات التضخم الأمريكي لشهر أكتوبر. التوقعات تشير إلى ارتفاع التضخم السنوي إلى 3.9%، مقارنة بـ3.7% في سبتمبر. إذا جاء الرقم أعلى من المتوقع، ممكن يقوّي مخاوف استمرار ضغوط الأسعار ويزيد ترقّب السوق للفائدة. وإذا جاء أقل، قد يخفف جزءاً من الضغط. لكن قراءة شهر واحد ما تحسم مسار الفيدرالي. برأيك، الرقم بيطلع أعلى من 3.9% ولا أقل؟ $SPY

🚨 روكيت لاب تكبر بسرعة… لكن الربح للحين ما وصل 🚀 إيرادات الربع الثالث سجلت رقماً قياسياً عند 268 مليون دولار، بزيادة 73% عن السنة الماضية. والطلبات المتراكمة وصلت 3.57 مليار دولار. بس صافي الخسارة كان 79.7 مليون دولار، أو 12 سنتاً للسهم. الشركة حققت تدفقاً نقدياً تشغيلياً موجباً بقيمة 7.2 مليون دولار، لكن ربعاً واحداً ما يكفي عشان نقول إنها صارت على طريق ربح ثابت. الرهان الجاي هو تحويل النمو إلى هوامش تغطي التكاليف. ونيوترون عنده 16 مهمة محجوزة، لكن أول إطلاق له ما هو متوقع قبل 2027. تتوقع روكيت لاب تحقق صافي ربح قبل نهاية 2027؟ نعم ولا لا؟ محتوى تثقيفي، وليس توصية استثمارية. $RKLB

بحسب أسوشيتد برس: أسهم الرقائق في آسيا ارتدت بقوة اليوم: إس كيه هاينكس +6.7%، سامسونج +4.7%، طوكيو إلكترون +6.1%، ومؤشر كوسبي +4.4%. لكن سهم واحد مشى عكس الموجة: إنفيديا نزلت 4.3% أمس، بعد ما أعلن مجلس إدارتها تحقيق مستقل في تقارير إن رئيسها التنفيذي كان هدف لجهة استخبارات أجنبية. المجلس قال إنه «ما عنده سبب يعتقد» إن الأمن القومي أو أسرار الشركة تأثرت. والصين نفت الاتهامات. تتوقع ارتداد أسهم الرقائق يكمل لنهاية الأسبوع؟ نعم ولا لا؟ محتوى تثقيفي، وليس توصية استثمارية. $NVDA $SOXX

العقود موجودة، والإيرادات ترتفع. طيب ليه آيرن أجّلت موعد هدف الـ4 مليارات؟ في الربع المنتهي في سبتمبر، إيرادات آيرن من الذكاء الاصطناعي وصلت 200 مليون دولار، بزيادة 182% عن الربع السابق. هذا نمو سريع، لكن الهدف الأكبر تحرك. الشركة كانت تستهدف تشغيل أكثر من 4 مليارات دولار من الإيرادات السنوية المعدّلة بنهاية 2026. الحين تستهدف نهاية يناير 2027، مع احتمال يمتد الموعد إلى نهاية فبراير. وتقول إن السبب تعديل تصميم طلبه العميل، مع توقيت الموردين. وهنا فيه فرق مهم: الـ4 مليارات هي ARR، يعني معدل إيرادات سنوي محسوب للطاقة الحاسوبية المركّبة والمتعاقد عليها. مو إيرادات محققة خلال سنة كاملة. وبعد تشغيل الأجهزة، الإيراد الفعلي يتدرج مع الاختبارات وقبول العميل. وتقرير The Information ربط تأخيرات آيرن في موقع تشايلدرس بتأجيل مايكروسوفت جزءاً من إنفاقها المخطط. مايكروسوفت أنفقت نحو 5 مليارات دولار أقل من المتوقع على النفقات الرأسمالية، لكن التقرير ما يثبت أن تأخير آيرن وحده يفسر المبلغ كامل. أما خطة آيرن الأوسع، فتتضمن 15 مليار دولار من الإنفاق المتبقي للسنة المالية. الشركة تقول إن 9 مليارات منها مغطاة بالنقد وتمويل وحدات GPU الملتزم ومقدمات العملاء؛ والـ6 مليارات الباقية تعتمد على مصادر تمويل تستهدفها، ومشروطة بظروف السوق. يعني نمو الإيرادات واضح، لكن الاختبار الجاي هو: هل تقدر آيرن تشغّل الطاقة المتعاقد عليها في موعدها، وتواصل تمويل توسعها؟ تتوقع آيرن تشغّل هدف الـ4 مليارات ARR بنهاية فبراير؟ نعم ولا لا؟ محتوى تثقيفي، وليس توصية استثمارية. $IREN $MSFT

🚨 دولار واحد في بيركشاير هاثاواي عام 1965.. صار قرابة 55 ألف دولار! 🧠 وبنفس الفترة، الدولار في مؤشر إس آند بي 500 صار قرابة 391 دولار بس. بيل آكمان يشرح السر في هالمقطع: الفائدة المركّبة. بافيت ما كان يدور على صفقة سريعة.. كان يشتري شركات تطلع أرباح، ويعيد استثمارها، سنة بعد سنة. والفرق بين 19.9% سنويًا و10.4% سنويًا ما يبان في سنة.. يبان بعد 60 سنة. الوقت أقوى أداة عند المستثمر. 🤔 كم سنة تقدر تصبر على استثمار قبل ما تبيعه؟ $BRK.B

الوظائف فاقت التوقعات، والبطالة نزلت، والأجور ارتفعت. ليه ممكن هالخبر يضغط على الأسهم؟ الاقتصاد الأمريكي أضاف 165 ألف وظيفة في أكتوبر، مقابل 65 ألف كانت متوقعة. والبطالة نزلت إلى 4.1%، والأجور ارتفعت 0.4% خلال شهر. للاقتصاد، هذي أرقام قوية. لكن السوق يقرأها من زاوية ثانية: الوظائف والأجور القوية ممكن تخلي التضخم عنيد، وتعطي الفيدرالي سبباً إضافياً يرفع الفائدة أو يبقيها مرتفعة. بعد تقرير الوظائف، ارتفعت توقعات السوق لرفع الفائدة في ديسمبر إلى نحو 77%، بزيادة قرابة 10 نقاط مئوية عن الخميس. هذا تسعير المتداولين، مو قرار من الفيدرالي. الفائدة الأعلى ترفع تكلفة الاقتراض، وممكن تضغط على تقييمات الأسهم. عشان كذا الخبر اللي يطمّن على الاقتصاد ممكن يقلق المستثمرين. بكرة الثلاثاء، الساعة 4:30 العصر بتوقيت السعودية، تصدر بيانات التضخم لشهر أكتوبر. إذا جت أعلى من المتوقع، ممكن تقوّي رهان السوق على الفائدة. وإذا جت أهدأ، ممكن تخفف الضغط. تتوقع التضخم يطلع أعلى من المتوقع؟ نعم ولا لا؟ محتوى تثقيفي، وليس توصية استثمارية. $SPY $TLT

🚨 قبل ما يصير أغنى رجل في العالم.. إيلون ماسك ما قدر حتى يتوظف! 😳 في التسعينات، قدّم ماسك على وظيفة في Netscape، أشهر شركة إنترنت وقتها. ما أحد رد عليه. وراح لمقرهم ووقف في الاستقبال.. واستحى يكلم أحد، وطلع. بعدها بفترة قصيرة، أسس شركته الأولى Zip2 مع أخوه. وفي 1999 انباعت بقرابة 307 مليون دولار، وطلع منها ماسك بـ22 مليون. أحيانًا الرفض اللي يزعلك.. هو اللي يفتح لك الباب الصح. 🤔 لو Netscape وظّفته.. تتوقع كان بيأسس تسلا وسبيس إكس؟