صحافی اوصاف علی خان نے اپنے ایک ویلاگ میں دعویٰ کیا ہے کہ ہو سکتا ہے یہ میری آخری ویڈیو ہو، اس کے بعد مجھے اٹھوا لیا جائے یا میرے ساتھ پتہ نہیں کیا سلوک ہو یا مجھے مار دیں۔ میں آپ کو سب سے پہلے یہ بتا دوں کہ وزیرِ اعلیٰ پنجاب مریم نواز صاحبہ نے 7 ارب روپے کا پرواز کارڈ پروجیکٹ شروع کیا تھا، جس میں کہا گیا تھا کہ نوجوانوں کو بڑی اچھی اپرچونٹیز ملیں گی، وہ باہر جا کے ملٹی نیشنل برینڈز میں کام کریں گے اور پاکستان میں پیسہ بھیجیں گے۔ لیکن ان رئیلٹی ہوا کیا؟ پرواز کارڈ کا پروسیس شروع ہوا، اس میں 135 سٹوڈنٹس سلیکٹ ہوئے، جن میں سے 90 لڑکے تھے، 45 لڑکیاں تھیں، سارے پڑھے لکھے تھے، اچھے اچھے جگہوں پر جابز کر رہے تھے۔ٹک ٹاک پر اپ لوڈ اپنے ویلاگ میں ان کاکہناتھاکہ اس کے بعد پروسیس شروع ہوتا ہے، سب سے پہلے، انہیں کہا جاتا ہے کہ آپ اپنی جیب سے پیسے لگائیں، ان دی اینڈ آپ کو صرف پیسے مل جائیں گے جتنا آپ کا خرچہ ہو رہا ہے، پاسپورٹ پہ خرچہ ہو رہا ہے، ٹکٹ پہ خرچہ ہو رہا ہے، سارے پیسے آپ کو ملیں گے۔ سارے نوجوانوں کے چار چار لاکھ روپے لگتے ہیں۔ اس کے بعد انہیں، ان سے ایک فارم سائن کروایا جاتا ہے، جس میں لکھا جاتا ہے کہ آپ نے 5 ہزار ریال ریسیو کر لیا ہے۔ سٹوڈنٹس اس فارم پہ سائن کرتے ہیں لیکن ساتھ پوچھتے ہیں کہ ہمیں تو 5 ہزار ریال ملے نہیں، آپ ہم سے کیوں سائن کروا رہے ہیں؟ وہ ان کو کہتے ہیں کہ آپ کو مل جائیں گے آپ بے فکر رہیں۔اس کے بعد، سی ایم ہاؤس میں پرواز کارڈ کا لانچنگ ایونٹ ہوتا ہے، اس ایونٹ میں سٹوڈنٹس کو بتایا جاتا ہے کہ آپ نے مریم نواز صاحبہ کے سامنے کہنا ہے کہ آپ کا ایک روپیہ نہیں لگا، آپ کے سارے پیسے حکومت دے رہی ہے۔ اس کے علاوہ، ان کو کہا جاتا ہے کہ آپ وہاں پہ ملٹی نیشنل برینڈز میں جاب کریں گے، لیکن ان سے جو فارم سائن کروایا جاتا ہے، وہ فارم وہاں پہ صفائی کمپنی کا ہوتا ہے، اب پروسیس شروع ہو جاتا ہے ،سی ایم ہاؤس میں ایونٹ بھی ہو جاتا ہے، آپ نے ویڈیوز دیکھی ہوں گی سوشل میڈیا پر کہ پرواز کارڈ کی لانچنگ میں آگے لڑکیاں بیٹھی ہیں جو بتا رہی ہیں کہ ہماری 13 ہزار ریال جاب لگی، کوئی کہتی ہے 11 ہزار ریال جاب لگی، جاب جو لگی ہوتی ہے وہ صرف 11 سو ریال کی جاب ہوتی ہے، وہ سارے 135 بچے جب سعودی عرب پہنچتے ہیں، تو ان کو پتہ چلتا ہے کہ ان کے ساتھ حکومت نے فراڈ کیا ہے، وہ کسی ملٹی نیشنل برینڈ میں جاب کرنے نہیں آئے، کسی اپنی فیلڈ سے ریلیٹڈ جاب میں کام کرنے نہیں آئے، بلکہ یہاں پہ جھاڑو پھیرنے آئے ہیں۔وہ واپس آنا چاہتے ہیں، تو وہاں کی حکومت جس کمپنی میں وہ کام کر رہے ہوتے ہیں، وہ کہتی ہے کہ 5 ہزار ریال دو، یعنی کہ 5 لاکھ دو، تو واپس چلے جاؤ۔ اب وہ نوجوان وہاں پہ پھنس چکے ہیں، ان کے ساتھ پہلا فراڈ یہ ہوا کہ انہوں نے سارے جیب سے پیسے لگائے، لیکن حکومت نے یہ تاثردیاکہ سارے پیسے ہم لگا رہے ہیں، بیچ میں جو مریم نواز صاحبہ کے نیچے بندے ہیں، وہ سارا پیسہ کھا چکے ہیں،135 میں سے 15 سے 20 نوجوان پاکستان آئے ہیں، جنہوں نے آ کے مجھے بتایا ہے کہ وہاں پہ ابھی بھی کافی لڑکیاں پھنسی ہوئی ہیں، وہاں پہ ابھی بھی کافی لڑکے پھنسے ہوئے ہیں، جو افورڈ ہی نہیں کر سکتے کہ ان کے پاس 5 ہزار ریال یعنی کہ چار سے ساڑھے چار لاکھ، پانچ لاکھ روپیہ نہیں ہے، وہ واپس نہیں آ سکتے۔ سارے غریب، خونخوار فیملیوں سے تعلق رکھتے ہیں۔ ایک نوجوان جو شکر گڑھ میں رہتا ہے، اس نے مجھے بتایا کہ جب وہ گیا تھا، تو وہ قرضہ اٹھا کے گیا تھا، تاکہ اپنی فیملی کو سپورٹ کر سکے، لیکن جب وہ واپس آیا، تو اپنی والدہ کے زیور بیچ کے آیا ہے۔لیکن اس نے بتایا کہ وہاں پہ کئی ایسے سٹوڈنٹس ہیں جن کی ماؤں کے پاس زیور نہیں ہے، وہ وہاں پہ پھنسے ہوئے ہیں، کئی لڑکے وہاں پہ ڈپریشن کے مریض ہو گئے ہیں، ایک لڑکی نے مجبوری میں وہاں پہ شادی کر لی ہے، کئی لڑکیوں پہ پتہ نہیں کیا کیا ظلم ہو رہے ہیں، اس وقت میں آپ کو بتا نہیں سکتا۔ اتنا بڑا فراڈ ہوا ہے، یہ اتنا بڑا میگا کرپشن سکینڈل ہے، پرواز کارڈ کا، جو نوجوان بچے بچوں کے ساتھ ہوا ہے اور کس کی وجہ سے پہنچے ہیں؟ حکومتِ پنجاب کی وجہ سے پہنچے ہیں، میں نے پانچ سے چھ بچوں کے انٹرویوز کیے ہیں، ان سارے بچوں کے پاس واپس آنے کے لیے پیسہ نہیں ہے، حکومت کو فوری ایکشن لینا چاہیے۔