فيه حاجة بتضحكني أوي كل مرة تحصل.. أوقات بكتشف بالصدفة إني رسمت ايد ال figure في اللوحة ب ٦ صوابع مش خمسة.. في اللوحات السريعة اللي برسمها بدون وعي غالبًا.. أول مرة الموضوع ده حصل كان في مشروع في الكلية ولما الدكتور علقت عليه قولتلها حلو أوي هسميها A six-fingered hand
معرفش ايه نوع الخلل اللي ممكن يخليني كل ما أحس ان الحياة قاسية عليا أقوم أشتغل وأموت نفسي في الشغل عشان أتلهى عن مشاكلي بس الأكيد انه عندي وانه مش كويس وهيخليني في يوم أقع فجأة كأني (حصان حصدوا ركبتيه بمنجل) زي ما قال سركون بولص
حاسة إن نفس الطفلة اللي عيطت قدام موت الأب في Lion king هي هي اللي عيطت النهاردة على موت الأب في Whalefall بس الفرق ان شعور ال grief بقى بيتخطى الشاشة وبيتخطى الفيلم وبيجرحني بشكل حقيقي
أنا كنت قاعدة قدام المشهد ده تحديدًا بدهشة ميوصفهاش غير تعبير عربي "فاغر فاه" .. والفيلم كله والله بس المشهد ده بالذات كان طفرة
صعبان عليا نفسي فشخ إني متصابة في حادثة ومقضية يومين من أسوأ أيام حياتي بين قسم ونيابة وجاية أحكي ألاقي ناس بتشتمني! محدش فاهم اد ايه حاجة كبيرة وتقيلة فشخ على انسان انه يبقى عنده فرصة يطلع ميتين حد أذاه ويقرر إنه يسيبه!