Hamdyٖ

ابتديت أدرك إن اللي بيغلطوا في حقي مش مضطر أدورلهم على مبرر، وإن تكرار التقصير معناه إن صاحبه عارف بيعمل إيه، وإني مش شرط أكون وحش وده سبب إن فُلان اتغير معايا؛ لأن فيه ناس مشكلتهم جواهم مش بسببي، وإن عتابي غالي وله حدود، أصلًا طاقتي على العتاب قلت، بقيت أحتفظ بيه للي يستحقوه وبس

التجارب خير برهان على قوة علاقتك بالاخرين .. لو على الكلام كله بيتكلم، التجارب وحدها بتثبت حقيقة الكلام ، ممكن تمر عاصفة والشخص ثابت ومتمسك بيك وممكن نسمة هوا خفيفة بالغلط تطيره!

الإهمال بيجي من حاجتين يا اما الشخص ده عنده غيرك يا اما هو مش عايزك من الأساس، كلمة الظروف دي شيلها من دماغك خالص، اللي بيحبك بجد عمره ما هيبطل يهتم بيك.

الناس كلها انانية و بتبص على نفسها و مصلحتها بس، حتى انك تحس بشعور انك مرغوب فيك بيستكتروه عليك

سهل جداً تتحب عشان شكلك وسهل اكتر تتحب عشان لبسك حلو وسهل تتحب عشان تفكيرك كويس، اللي بيحبوك كل واحد فيهم بيحبك عشان حاجه معينه فيك، اللي صعب فعلاً إنك تلاقي حد مُتقبلك بنعكشتك وكل عيوبك، خليك ديمآ مع الناس اللي متمسكة بوجودك في حياتهم وانت زي ما انت، انت مش كامل بس مش ناقص.

عمر المحبة ما بتبان واحنا حلوين مع بعض او في ضحك وهزار، المحبة بتبان في وقت الزعل وقت الخصام بتبان الغلاوة والتقدير بتعرف انت بتهون ولا لا.

بالنسبالي الفرق بين الست والراجل بيولوچي مش اكتر، مين اذكى او اقوى ده بيرجع لكل انسان وثقافته والمجتمع والتربيه

تخيل تبقا الشخص المُفضل عند حد انت بتحبه 🥺♥

من أكبر الاخطاء اللي هترتكبها في حياتك هو إعتقادك أن الأشخاص هيدولك نفس الحُب اللي انت اديته لهم

"اللي بيفهمك سابق اللي بيحبك بخطوه، واللي بيطمنك سابقهم بمشاوير" وفعلا مفيش احسن من حد يكون فاهم سكوتك وكلامك مزاجيتك نومك الكتير ردودك الملغبطه ويعرف يحتوي ده ويطمنك في الآخر.

احياناً الانسان لما بيرجع يقرا كلامه بيحس إنه كان اهبل خصوصاً لو الكلام دا متقدرش، فياريت محدش يرجع يقرا شات مع حد وبالأخص مع حد انت بتحبه عشان هتكتشف قد ايه كنت عبيط ومُفرِط في مشاعرك وقد ايه هو كان بارد في ردوده.. خليك على عماك احسن

عارف انت العلاقة اللي هي بتدخل ترمي اي كلام من غير ما تفكر وتحسب كلامك و انت مطمن ان الطرف التاني مش هيشيل ويزعل منك؟ دي احسن علاقة ممكن تمر بيها

مينفعش تطلب من حد انه يهتم بيك او يخاف عليك او يفكر فيك او يسال عنك، مينفعش تقوله كلمني او حبني او حس بيا، مينفعش تعاتب حد على حاجات هو مقصر فيها وهو مش حاسس بيها، مينفعش تعاتبه على حاجات مش مهمه بالنسبه له على انها مهمه جداً بالنسبه ليك، في حاجات لو اتطلبت تهينك قبل ما تفرحك.

أهم عامل لنجاح اي علاقة سواء كانت حب صداقة زمالة هي التقدير، مش الحب لأ التقدير

ولا مره شخص دخل حياتي وخليته عوض عن شخص أو ياخد مكان شخص تاني، كل شخص دخل حياتي كانت له مكانته ومشاعره اللي تخصّه

الجنس البشري ده غريب اوي فجأه تلاقي البشر كلهم حوليك وفجاه يختفو وفجأه يرجعو وفجاه يكرهوك وفجاه انت اجمل حاجه في حياتهم، انا زهقت من البشر هصاحب فراخ

أتمنى أن تحدث لنا جميعًا أشياء في غاية البهجة، تسكن قلوبنا و تسير معنا حتى نهايته، أن نكون مُطمئنين لا أكثر.

"مشاعر الإنسان هشة، لدرجة أن يومه الكامل قادر أن يتعكر بسبب كلمة، أو نبرة صوتٍ حادة أو حتى نظرة."

اللي بيحبك لو بتحكيله البرتقانه بتتقشر ازاي هيبقى مهتم

الحياة أقصر من إنك تقضيها في محاولة إرضاء الناس، إللي بيحبك هيشوف الجانب الحلو فيك، وإللي بيكرهك لو عملت اية هيطلع فيك ألف عيب، ريح راسك