حمد العنزي

ماوصلْك الا من طيور الهدادي فيصليٍ تَعرفِه .. و تْعرف جده لو معه صبرٍ مثل صبر المهادي معه سيفٍ يقطع الارقاب حدّه والله انك ياخبيث العرق غادي والكلام اللي تقوله منت قده ان بدا لمسعّر القاله منادي الصفوف من العدِيد الين جده تحت امر سلمان والحكم السيادي الحرار اللي تغيضك .. مستعده والوعد لا سيّل الله كل وادي - وكل حيٍ بان فعله من مردّه ماطمع في دار اخو نوره معادي خل عاد اللي ماهو محسوب نده بامر ابو سلمان تنسلْ الهنادي والعدوْ وسومنا ترْكى بخدّه كلنا دون السعودية .. نفادي مالنا لا من دعانا الدار صَده ابرقي ياشعلة الحرب وتهادي وادعسي روس المعادي .. يامعدّه وهات ياطيار من ضرب الزنادي الرخا .. ماينوخذ من غير شدّه مايناطح زمرة الفجّار .. عادي وما يذوق العز خمّام المخدّه بالسلاح اللي تمثنته الايادي الجنود .. تردد الصوت وتمدّه ماينكّس راسي وبيرق بلادي والوطن ماتطمع عْدنا بحدّه 🇸🇦