​♔︎ 𝐇𝐚𝐝𝐢𝐚 𝐊𝐡𝐚𝐧 𝐍𝐢𝐚𝐳𝐢 ♔︎

مجھے اچھا لگتا ہے جب میری بیوی مجھ پر بھروسا کرتی ہے اور زندگی کے مشکل راستوں پر میرا ہاتھ تھام کر چلتی ہے مجھے اچھا لگتا ہے جب گھر سے نکلتے ہوئے وہ پوچھتی ہے کہ کب واپس آئیں گے، اپنا خیال رکھیے گا مجھے اچھا لگتا ہے جب وہ میری تھکن کو میرے کہے بغیر محسوس کر لیتی ہے اور میرے لیے ایک کپ چائے بنا کر سامنے رکھ دیتی ہے مجھے اچھا لگتا ہے جب وہ میری کامیابی پر مجھ سے زیادہ خوش ہوتی ہے اور میری ناکامی میں میرا حوصلہ بنتی ہے مجھے اچھا لگتا ہے جب دنیا کی تلخیوں سے تھک کر گھر لوٹتا ہوں تو اس کے چند محبت بھرے الفاظ میرا سارا بوجھ ہلکا کر دیتے ہیں مجھے اچھا لگتا ہے جب وہ میری کمزوریوں کو دوسروں کے سامنے بیان کرنے کے بجائے تنہائی میں میری اصلاح کرتی ہے مجھے اچھا لگتا ہے جب وہ میرے والدین کو اپنے والدین کی طرح عزت دیتی ہے اور میرے بچوں کی پرورش میں میرے ساتھ کھڑی ہوتی ہے مجھے اچھا لگتا ہے جب وہ میری غیر موجودگی میں بھی میرے اعتماد اور عزت کا خیال رکھتی ہے مجھے اچھا لگتا ہے جب وہ میرے کندھے پر سر رکھ کر کہتی ہے کہ پریشان نہ ہوں، میں آپ کے ساتھ ہوں لیکن افسوس ہم اکثر مرد یہ سمجھ بیٹھتے ہیں کہ گھر چلانے کے لیے صرف پیسہ کمانا کافی ہے حالانکہ عورت کو بھی محبت، توجہ، عزت اور تحفظ کی ضرورت ہوتی ہے مرد ہونا صرف ذمہ داریاں اٹھانے کا نام نہیں بلکہ عورت کے جذبات کو سمجھنے اور اس کی قدر کرنے کا نام بھی ہے ایک اچھا شوہر وہ نہیں جو صرف اپنی بیوی کی حفاظت کرے بلکہ وہ ہے جس کے ساتھ رہ کر بیوی خود کو محفوظ، محترم اور خوش محسوس کرے کیونکہ خوبصورت ازدواجی زندگی میں نہ مرد حاکم ہوتا ہے نہ عورت محکوم، دونوں ایک دوسرے کے ساتھی ہوتے ہیں ازقلم #قلم_کہانی