Howida☀️🪐 188نوميرولوجى

كل واحد يحمل نصيب من إسمه لأنه قدره طول العمر. أسماء ناس طول العمر تعبانه. سعاد..سميره..غاده.. إيمان..علياء.. شيماء..سحر.. دعاء..امانى..ياسمين..شيرين.. أمل.. إلهام.. نيفين..لوجين.. نشوى..هدى..هبه.. إسلام..شريف..باسم..ياسر.. صلاح..ياسين.. إسماعيل.. إبراهيم..شادى. أسماء سلبيه .

أي حد عنده تعطيلات في حياته، سواء في الرزق أو الإنجاب أو الصحة، أو عنده أمنية نفسه تتحقق وابتلاء بيتمنى ربنا يفرّج عنه، يخلي سورة قريش جزء من ورده اليومي، ويقرأها سبع مرات بالليل قبل النوم، مع الدعاء واليقين في رحمة ربنا. وما تنسونيش أنا كمان من صالح دعائكم.

الشخص اللى بيستفزك دايما!! ..اعرف إنه بيحبك.

طاقة اليوم – القمر في العذراء النهارده يوم ترتيب أوراق ومواجهة حقائق وتصحيح أخطاء قديمة. عاطفيًا: وضوح في المشاعر وكشف حقيقة بعض العلاقات، لكن بلاش انتقاد وعتاب زيادة ماليًا: مناسب لتنظيم الميزانية ومراجعة الحسابات وترتيب الالتزامات فرصة لإنجاز المتراكم والتخطيط لخطوات جديدة

كشف الأسرار والفضايح..موسم العقرب اللى مابيرحمش وكل واحد ياخذ باله من اشياءه 😁

لما مجموع قدر الإسمين يطلع 7، فده في علم الأرقام ارتباط أرواح. الشخصين دول ما بيتقابلوش في بداية العمر، لكن بعد رحلة طويلة من المعاناة والعلاقات الفاشلة. ده مش رقم جواز، لكن لو الكون كافأهم بالجواز، فدي بتكون مكافأتهم عن كل اللي عاشوه.

وقت الخصام أو الفراق، بلاش تهديدات وتلميحات وستوريهات مقصودة، وبلاش تفضلي تقولي هبعد وهخرج من حياتك. اللي عايز يمشي يمشي في هدوء، من غير استعراض وجع ولا محاولة لفت انتباهه. لأنك كل ما تفضلي تلمّحي وتعاتبي، بتأكدي له إنك لسه مستنياه، وإن وجودك مضمون. كرامتك في موقفك، مش في كلامك

طاقة النهارده فيها ثقة بالنفس ورغبة في لفت الانتباه وإثبات الذات، لكن كمان فيها عصبية وعند وحساسية من النقد. الشغل والفلوس: ركزوا في الفرص وبلاش قرارات متهورة. العلاقات: الغيرة والكبرياء ممكن يعملوا مشاكل، فبلاش تصعيد. الصحة: قللوا التوتر والمجهود الزائد واهتموا بالراحة.

مرة واحدة في العمر هتقابل روح شبه روحك، وهتحبها من كل قلبك، ومهما طال الفراق أو المسافات مش هتعرف تنساها ولا تتخطاها. السر في علم الأرقام إن قدر الروحين بيطلع 7، رقم الروحانيات والارتباط الكوني. عشان كده فيه أرواح بتفضل مرتبطة ببعض مهما حصل، لأنها بتتقابل مرة واحدة ومابتتكررش

بنت نوفمبر.. أنوثة فيها هيبه،وشخصية فيها سياده❤️

أسماء زي جود، عصمت، جهاد، ونور، طاقتها ذكورية أكتر من أنثوية. وعلشان كده مش بفضّل تسمية البنات بيها؛ لأنها بحسب طاقة الاسم بتغلب عليها صفات القوة والصلابة وتحمل المسؤولية، وبتخلي البنت تشيل مسؤولية العلاقات والشغل والحياة لوحدها، على حساب جانب الأنوثة والليونة في شخصيتها.

ممكن يحصل إحساس بالخفقان أو التوتر والصداع والإرهاق، خصوصاً مع الضغط العصبي. اللي عندهم مشاكل في القلب أو الضغط يهتموا براحتهم ويلتزموا بالعلاج، وما يستهونوش بأي ألم في الصدر أو ضيق نفس أو خفقان غير معتاد. صحتكم أهم من أي حاجة.

القمر في الأسد: في الشغل، فرصة لإثبات نفسك بس اوعى العند يخسّرك فرصة. في العلاقات، الغيرة وحب السيطرة ممكن يولّعوا الدنيا على أتفه سبب. التحذير: بلاش قرارات وقت الغضب، ولا تدخل في صراع كرامة، ولا تصرف فلوس عشان المنظرة. مش كل حاجة محتاجة تثبت إنك الأقوى!

مافيش أمان مضمون في الحياة، ولا حد سند لحد.. ربنا هو السند الوحيد. الجواز مش ضمان للاستقرار، وكل حاجة ممكن تنهار في لحظة. عشان كده كل ست لازم يكون ليها دخلها وشغلها ومصدر رزق خاص بيها، حتى لو في السر. ما تعتمديش على حد، خلي لنفسك ضهر تقدري تسندي عليه وقت الشدة.

طول ما إنت اللي بتجري ورا الفلوس، الفلوس هتفضل تهرب منك. الفلوس عارفة أصحابها، وهي اللي بتجري وراهم مش العكس. مش كل اللي بيتعب ويشتغل ليل ونهار بيغتني، لأن الغنى مش بكتر الشغل ولا بفناء العمر في السعي ورا الفلوس.

كل اللى رجعوا من الماضي الفتره دى هيرجعوا يختفوا تانى. طول ما عطارد متراجع، متفرحوش برجوع حد .. علشان دى فتره انفصالات مش رجوع. وحالياً العقرب نشط وبقوه يعنى كل واحد ياخذ باله من اشياءه😁 علشان دا بيفضح مابيرحمش خصوصا العلاقات السريه أو الأسرار ممكن تتكشف في أى لحظة.

طاقة النهارده: حساسية زيادة، توتر وسوء تفاهم، واحتمال رجوع كلام أو مواقف من الماضي. التحذيرات: خلي بالك من الخناقات، التسرع في القرارات، والثقة الزيادة في الناس. ماليًا، راجع حساباتك قبل أي مخاطرة، وعاطفيًا ما تخليش الحنين يرجعك للي تعبت منه.

اسمك واسم الشريك وهقولك طبيعية العلاقة بينكم فيها ايه..وايه الرقم الطاقى وفى أى بيت عندكم.

تلات حاجات بيخلّوا الست تكمّل في الجواز: الجنس، والفلوس، والمعاملة الحلوة. طب لو التلاتة مش موجودين، إنتِ قاعدة ليه؟ بتضيّعي عمرك على إيه؟ ما هو لا متعة، ولا أمان، ولا حتى معاملة عدلة.. يبقى إنتِ متمسكة بإيه بالظبط؟

خدوا بالكم الفتره دى. أي إكس راجع من الماضي خلوه على الرف! لا تصدقوا كلام ولا تدوا فرص تانية.. مش كل رجوع حب وندم، ساعات بيكون زهق وراجع يشوف لسه ليه مكان ولا اتنسى! بعد 13 نوفمبر الرؤية هتبدأ توضح والضبابية هتقل، وساعتها تقدروا تفكروا في فرصة تانية.. إنما دلوقتي كله كذب.

من أول اليوم القمر في الجوزاء وده بيزود التفكير والكلام والحركة، وممكن يحصل تشتت أو تردد في القرارات، مع أخبار واتصالات ومناقشات كتير آخر اليوم القمر هيدخل السرطان، والطاقة هتتحول للبيت والعيلة والمشاعر. الحساسية هتزيد، وممكن ناس تحس إنها محتاجة تبعد عن الدوشة وتراجع مشاعرها