MO'MEN 🇪🇬

لامين يامال بيعمل مراوغات مجنونه لدرجة انك تشك ان المقطع ده Ai

وفاء بوتشيتينو لتوتنهام مش مجرد كلام للإعلام، ده ظهر في موقف حقيقي لما النادي كلمه بعد الخسارة قدام نيوكاسل والجمهور كان بيهتف باسمه. بوتشيتينو كان مستعد يرجع عشان ينقذ الفريق لو الأمر وصل للهبوط للتشامبيونشيب، لكن الالتزام بفرقة أمريكا وتحضيرات كأس العالم قبل البطولة بـ 4 شهور هو اللي منع الخطوة. تصريحه عن أزمة التوقيت بيلخص علاقته بالنادي؛ لما بيكون فاضي مفيش كلام، ولما يمسك فريق يكلموه، لكن رسالته الواضحة إن العودة لتوتنهام مجرد مسألة وقت مش أكثر.

بايرن ميونيخ بدأ رسميا حملة هاري كين للكرة الذهبية النادي قرر يدخل بكل قوته في دعم مهاجمه الإنجليزي، وطلع بفيديو خاص جمع فيه زملاء كين في الفريق، وكل لاعب بيشرح ليه شايف إن هاري هو الأحق بالجائزة من ضمن اللي ظهروا في الفيديو مايكل أوليسي… اللي هو واحد من الأسماء الموجودة في قائمة المرشحين! لكن أوليسي مش شايف الموضوع محتاج تفكير كتير وقال إن هاري كين يستحقها لأنه كان أفضل لاعب في العالم الموسم الماضي.

احنا ماضيين عقد احتكار مع الاصابه دي ليه بجد ؟ الموضوع ليه علاقه بملاعب التدريب وطريقة التدريب ولا ده قضاء وقدر ولا ايه بالظبط ؟

احا فاتني يوم كروي تاريخي أنا حزين

يايا توريه على موعد مع ليلة تاريخية في مسيرته لما يزور البارك دي برانس، كأول مدرب أفريقي يقود فريق في دوري أبطال أوروبا. اللقطة دي أعمق بكتير من مجرد ماتش كورة؛ توريه نفسه قال إن الشعور غريب لكنه حاسس بمسؤولية كبيرة، لأن التواجد في المكان ده بيوصل رسالة إن النظرة للمدرب الأفريقي بدأت تتغير وتأخد حجمها الطبيعي في أوروبا. المهمة طبعاً معقدة جداً فنياً مع سلوفان براتيسلافا قدام باريس، بس النجاح الحقيقي لتوريه النهاردة مش بالنتيجة، قد ما هو بالبصمة والشخصية اللي هيظهر بيها الفريق في أول اختبار من النوع ده.

ازاي تقول انك مراهن من غير ما تقول انك مراهن

زوجين يابانيين حظهم كان أسطوري في شهر العسل في لندن، بعد ما قرروا يحضروا مباراة كريستال بالاس ضد ميدلزبره عشان يتفرجوا على الثنائي الياباني اللي بيلعب في بالاس. اختيارهم للمباراة كان في محله تماماً، لأن الهدف التالت لكريستال بالاس جه عن طريق دايشي كامادا بطريقة خرافية بعد ما رفع الكورة بلوب عالي من فوق الحارس. والأجمل إن الهدف كان ياباني خالص، لأن التمريرة اللي سبقت الهدف (البري أسيست) كانت من مواطنه تاكهيرو تومياسو.

ليلة تاريخية عاشها جمهور كومو، ورئيس النادي ميروان سوارسو قدم لفتة احترام ممتازة جداً قبل مواجهة لايبزيج في أول مباراة لدوري الأبطال على ملعبهم. بسبب تقليص سعة الملعب بعد التجديدات وقلة التذاكر، سوارسو وعدد من مسؤولي النادي قرروا يتنازلوا عن مقاعدهم المخصصة للجمهور القديم. التذاكر دي هتتروح للمشجعين المولودين سنة 1950 أو قبل كده، كنوع من التقدير للناس اللي عاصرت كل مراحل النادي الصعبة من زمان وحلمت باللحظة دي.

ماريسكا لما اتسأل عن صفقات نص الملعب اللي كلفت النادي أكتر من 100 مليون للاعب الواحد اعترف بالواقع ده عادي بس أكد إن مانشستر سيتي مش لوحده اللي صرف كتير الصيف ده. وبعدين دخل في نقطة تانية مهمة وقال إن الإدارة نبهته إنه لما يتسأل عن حجم الإنفاق ده، يفتكر دايماً إن النادي باع لاعيبة بمبالغ ضخمة في المقابل، وده بيخلي صافي الإنفاق في حدود 150 مليون باوند بس. وفي النهاية قفل الكلام بإن الموضوع كله في إيد الإدارة وهي وحدها صاحبة القرار في الصرف وتوجيه الأموال بالطريقة اللي تناسب النادي.

سفيان أمرابط قرر يبعد عن منتخب المغرب الراجل نزل بيان وقال إن تمثيل المغرب كان أعظم شرف في مسيرته، وإن حبه لبلده والمنتخب عمره ما هيتغير لكن في نفس قال إنه مش حاسس إنه قادر يكمل مع المنتخب تحت قيادة المدرب الحالي محمد وهبي أمرابط رفض يكشف أسباب القرار، وأكد إنه يفضل يخليها خاصة احتراما للمنتخب وكل الأطراف وقال في النهاية "أنا لا أعتزل كرة القدم الدولية، ولا أغلق الباب أمام تمثيل المغرب مرة أخرى."

قصص كرة القدم دي صعب جدا تلاقيها في رياضة تانية تخيل إنك ترجع 16 سنة لورا… لاعب كان بيجري في الملعب، بيحلم يرفع دوري أبطال أوروبا مع فريقه وبالفعل رفعه وحقق الثلاثية وبعد 16 سنة، نفس الشخص يرجع لنفس النادي بس المرة دي رجع كمدرب وأول مباراة في التشامبيونزليج بتكون قدام الراجل اللي كان مدربه وقت ما حقق الثلاثية والمباراة بتتلعب في نفس الملعب اللي شهد تتويجهم بدوري الأبطال كريستيان كيفو واجه النهاردة قائده جوزيه مورينيو اللي رجع من تاني يدرب ريال مدريد والاتنين واقفين قدام بعض في دوري الأبطال في البرنابيو نفس المكان اللي إنتر مورينيو حسم فيه دوري الأبطال سنة 2010

ميكا ريتشاردز بدأ موسم دوري أبطال أوروبا مع CBS بقصيدة لمبابي! بدأ القصيدة وقال: "سرعة زي البرق… وإنهاء نضيف… كيليان مبابي… ماكينة الكورة!" وبعدين دخل في الجزء التاني: "من باريس لمدريد… بيجري ورا حلمه… نجم جوه الملعب… ملك المشهد!" وفي الاخر راح يحضن الشاشة اللي عليها مبابي ومبابي قاعد بيضحك

شوفوا الروقان والحريه اللي بتديهم قناة سي بي اس لمحللينها عامل ازاي واحنا في بي إن لو ابو تريكه اتحرك بالطريقه دي هتلاقي ابو سعدون واقفله بالعصايه

كاراجير بدأ يقلق من طريقة ليفربول في الصفقات الراجل بيقول إن فيه حاجة اتغيرت في ليفربول ومش عاجباه خالص وهي إن النادي بقى كأنه بيشتري أسماء بدل ما يفكر هيستخدم الأسماء دي إزاي وده بالنسباله فرق كبير جدا عن ليفربول بتاع يورجن كلوب لأن وقتها مكنتش لازم الصفقة تكون اسم عالمي أو لاعب كل الناس بتتكلم عنه وبيقول إن خلال فترة كلوب كان ان اللاعب ده يقدر يركب علي منظومة الفريق ولا لأ

فينيسيوس بيعمل ايه ؟

جيراسي بياخد تقدير أقل بكتير من اللي يستحقه في التشامبيونزليج الراجل سجل هدفه الـ20 في الشامبيونزليج جيراسي خلال آخر 3 مواسم في دوري الأبطال مفيش غير 3 لاعبين بس سجلوا اكتر منه وهما مبابي وهاري كين النهاردة بيسجل هدفين لدورتموند وسجل كمان هدف لفياريال في نفسه

مفيش جمهور في أوروبا كلها ييجي ربع الجمال ولا ربع المجهود اللي بيعملوا جمهور بروسيا دورتموند اعتقد أنهم افضل جمهور في أوروبا كلها بفارق كبير عن اقرب حد ليهم

أول مره أشوف حد بيصد مسيرة براسه 😂

إبراهيم دياز محتاج يزود جرأته شوية على المرمى ويتصرف بأنانية المهاجم في اللقطات دي. كورة زي الأخيرة كانت تتطلب قرار سريع بالتسديد، خصوصاً إنها نازلة على رجله الشمال وعلى عدلته تماماً وأسهل لأي لاعب أشول إنه يريحها في الشبكة. لكنه اختار القرار الأصعب والأقل فاعلية بمحاولة التمرير لكيليان مبابي، والتمريرة اصلاً طلعت لورا مبابي وضاعت معاها خطورة الهجمة.