Kamanzi Grégoire

BURIKANTU ati: Urubyiruko dufite ubwoba bw’ahazaza heza hacu kagame atakiri perezida.🚨 ——————— Ese ubu bwoba Burikantu agaragaje urubyiruko rufite, bukwiriye gufatwa nk’ikimenyetso cyiza cg intabaza igaragaza ko ubutegetsi bwa kagame ari bubi? Ese ahazaza heza h’igihugu hakwiye gushingira ku muntu umwe, Kagame.? Reka turebere hamwe mu ngingo nke, impamvu ibyo BURIKANTU yavuze kandi urubyiruko rwinshi rwibwira bikwiye gufatwa nk’ikimenyetso ko Kagame yarakwiye kwicara akigaya ny’uma y’imyaka 32 ku butegetsi. 1.Ubwoba bw’uko Kagame avuyeho uRwanda rwasenyuka, ni ikimenyetso ko ubutegetsi bwubakiye kuri Kagame, si imbaraga z’igihugu. 
Niba urubyiruko muri rusange rutekereza ko kagame nk’umuntu umwe ariwe shingiro ry’umutekano n’amahoro mu gihugu, bisobanuye ko imbaraga nyakuri z’inzego z’: -umutekano (ingabo, polisi, iperereza), -ubucamanza n’amategeko -inzego z’ubutegetsi n’abategetsi bazo -abaturage muri rusange …..etc byose kagame yabishimuse akabishira mu kwaha kwe. Bisobanuye ko imyaka 32 kagame amaze ku butegetsi hatigeze hubakwa inzego z’ubutegetsi bw’igihugu zihamye, zifite imbaraga kandi zihagije mu gutegeka no kuyobora igihugu mu buryo burambye, butubakiye ku muntu umwe nkaho ariwe kamara ufite ubwonko wenyine butekereza neza. BURIKANTU agaragaje ko Kagame yashimuse, anambura ububasha n’imbaraga inzego zose z’igihugu abishira ku izina rye bwite Kagame. 2.Niba Urubyiruko rudashobora kubona ubuzima bw’urwanda rwiza nyuma y’ubutegetsi buriho none. Bisobanuye ko kagame yatsinzwe ikizamini cy’ibanze kandi cy’ingenzi cyo kubaka Leta y’igihugu kizima. 
Nyuma y’itsembatsemba n’itsemba bwoko mu Rwanda 1994, u Rwanda rwari rufite ibibazo uruhuri kandi bikomeye. Igihugu cyari gikeneye ubutegetsi buhamye Kandi bufite n’ubushake bwo kubaka inzego zihamye zo gusubiza Iterambere ry’ubukungu bw’igihugu ku muronko, kubaka ibikorwa remezo byinshi birambye, kubaka inzego z’umutekano zihamye kandi zifite discipline no gubaka inzego zose z’ubutegetsi zifite ububasha bwo gukorera mu bwisanzure ku nyungu z’umutuge n’igihugu. Ariko ikigaragara n’uko ibyo byose byubatswe bishingiye ku ikuzo ry’umuntu umwe kagame, urubyiruko rugaragaza ubwoba n’impungenge ko byose byagezweho n’ibigerwaho bishingiye ku kuba we Kagame ahari bidashingiye ku nzego nzima zihamye. Umutekano w’iterambere ry’igihugu n’inzego zacyo birambye igihe bireberwa k’umuntu umwe kugera aho urubyiruko rw’u Rwanda rugaragaza ubwoba ko ibyagezweho bizasenyukana n’iherezo rya Kagame. Ibyo byari bikwiye kubera kagame ikimenyetso ko urubyiruko rumubona nk’umuntu wananiwe kubaka uRwanda rwiza urubyiruko rufitemo ikizere. 3.BURIKANTU ati: “Dufite icyizere kuri wowe” ,& “ Twese dufite ubwoba bw’ejo hazaza utariho” Ntabwo ibi kagame yarakwiye ku bifata nk’ishimwe ku buyobozi bwiza.
Niba urubyiruko rufite ubwoba ko nyuma yawe nta heza h’igihugu, ubwo nyine bikugaragariza ko rutizeye system y’ubutegetsi bwawe. System nzima y’igihugu niyo itanga ikizere cy’ahazaza heza h’igihugu. Urubyiruko icyo rwakwishimira n’uko haba hari inzego z’ubutegetsi rubonamo ikizere cyo gusigasira u rwanda n’iterambere ryarwo, kagame waba uhari cg udahari. Niba icyo cyizere ntacyo urubyiruko rufite cg rubona mu ihererekanya butegetsi rikozwe mu mahoro hatametse amaraso, abantu bahunge, igihugu gisenyuke ubwo ni ikimetso ko ubutegetsi bwatengushye urubyiruko. 4.Ingaruka zo kumara igihe kirekire cy’ubutegetsi no kubugundira ukabwidoderaho nk’umwambaro wawe gusa.
Impamvu urubyiruko nta kizere cy’ejo h’urwanda ruzima rw’amahoro nyuma yawe Kagame, nta zindi uretse: -kuba kugeza ku muntu ufite imyaka 40 mu rwanda nta wundi mutegetsi azi uretse Kagame. -kubona inzego z’ubutegetsi zose zikorera ku mabwiriza y’umuntu umwe Kagame aho gukorera ku mategeko y’igihugu. -Amateka urubyiruko rufite mu mutwe aho igihugu kitigeze kigira ihindura ry’utegetsi mu mahoro. Ubwoba urubyiruko rufite bushingiye ku kuba system ya kagame ishingiye kuri kagame gusa. Ibyo bikabaha ishusho y’uburyo bizagenda kagame navaho.